Iovani 12:47 - Rapa Nui

⁴⁷ »Te kope ŋaroꞌa i tāꞌaku vānaŋa ꞌe ꞌina he haꞌatura, taꞌe māꞌaku e haka ūtuꞌa. Taꞌe, paꞌi, a au i oho mai ai mo haka ūtuꞌa i te taŋata o te ao; i oho mai ai mo haka eꞌa mai roto i te ūtuꞌa o te hara ꞌe mo vaꞌai i te ora ꞌāpī ꞌina he hopeꞌa raꞌa.

Iovani 12:47 ပူးပေါင်းရင်းမြစ်များ

Iovani 3:17

Te ꞌAtua ꞌina kai uŋa i tāꞌana Poki ki te ao mo haka ūtuꞌa i te taŋata; i uŋa ai mo haka eꞌa i a rāua mai roto i te ūtuꞌa o te hara ꞌe mo vaꞌai i te ora ꞌāpī ꞌina he hopeꞌa raꞌa.

Iovani 12:48

Te kope taꞌe haŋa mai ꞌe taꞌe haꞌatura ki tāꞌaku vānaŋa ko ai era ꞌana te meꞌe mo haka ūtuꞌa i a ia: he vānaŋa kī era e au. Hai rā vānaŋa ka haka ūtuꞌa ena ꞌi te mahana o te ture hopeꞌa.

1 Iovani 4:14

ꞌE o mātou mau ꞌana i takeꞌa ꞌe i haka ꞌite pē nei ē: te Matuꞌa ko uŋa mai ꞌana i tāꞌana Poki mo eꞌa o te taŋata o te ao mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa hai ia.

Ruka 19:10

Te ⌊Poki o te taŋata⌋, paꞌi, i oho mai ai mo kimi i te taŋata oho a te ara taꞌe tano mo haka huri i te manaꞌu ki te ꞌAtua, ki eꞌa ai mai roto i te ūtuꞌa o te hara ꞌe ki ravaꞌa ai i te ora ꞌāpī ꞌina he hopeꞌa raꞌa.

Iovani 5:45

»ꞌIna kōrua ko manaꞌu he hāꞌaki kōrua e au ki tōꞌoku Matuꞌa; te kōrua hape ko tuhi era ꞌana e te meꞌe pāpaꞌi era e ⌊Mōtē⌋. A kōrua e manaꞌu ena: hai haka moe i te manaꞌu ꞌi ruŋa i rā meꞌe he ravaꞌa e kōrua i te ora.

Māteo 20:28

Te Poki o te taŋata, paꞌi, taꞌe mo tāvini ki a ia e te rua i oho mai ai, mo tāvini ōꞌona ki te rua ꞌe mo vaꞌai i a ia ki te mate, he ꞌauhau iŋa mo haka eꞌa meꞌe rahi taŋata mai roto i te ūtuꞌa o te hara».

2 Pētero 3:15

E manaꞌu takoꞌa kōrua: te haumārū ena o te tātou Pūꞌoko Haka Tere ko Ietū Kiritō mo tiaki nō mai he rāveꞌa e tahi ꞌāꞌana mo eꞌa o tātou o te taŋata mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa. ꞌE o ruŋa i te meꞌe mau nei ꞌā i pāpaꞌi atu ai e Pauro, taina haŋa rahi ena o tātou, hai mārama-rama vaꞌai e te ꞌAtua.

Iovani 8:26

E rahi rō ꞌā te meꞌe mo kī atu ōꞌoku o ruŋa i a kōrua, mo ture ꞌe mo haka ūtuꞌa. Ka ai atu pē ira, tāꞌaku meꞌe kī nō ki te taŋata o te ao he meꞌe kī mai e te kope uŋa mai i a au. He parautiꞌa mau nō, paꞌi, tāꞌana meꞌe kī.

Māteo 18:10

»ꞌIna kōrua ko taꞌe haka au i te nuꞌu taꞌe pūai rahi o te haka moe iŋa i te manaꞌu ꞌi ruŋa i a au. ꞌĪ a au he kī atu: te merahi hāpaꞌo i te nuꞌu era ꞌai te raŋi ꞌi muꞌa o tōꞌoku Matuꞌa. [

Ruka 9:56

I oti era he eꞌa ananake he oho ki te rua kona.

Māteo 18:11

Te ⌊Poki o te taŋata⌋, paꞌi, i oho mai ai mo haka eꞌa mai roto i te ūtuꞌa o te hara i te taŋata oho a te ara taꞌe tano ꞌe mo vaꞌai ki a rāua i te ora ꞌāpī ꞌina he hopeꞌa raꞌa.]