Iovani 12:34 - Rapa Nui

³⁴ He kī e te taŋata: —E hāꞌaki ena ꞌi ruŋa i te Pāpaꞌi Moꞌa: te ⌊Kiritō⌋ e ko mate ki te hora hopeꞌa. ¿Pē hē ia a koe e kī mai ena e veo rō i te Poki o te taŋata ꞌi ruŋa i te tātaurō? ¿Ko ai ia nā Poki ena o te taŋata?

Iovani 12:34 ပူးပေါင်းရင်းမြစ်များ

Māteo 16:13

I tuꞌu era a kuā Ietū ki Tētārea o Fīripo, he ꞌui ki tāꞌana nuꞌu hāpī: —¿Ko ai te ⌊Poki o te taŋata⌋ e kī ena e te nuꞌu?

Māteo 21:10

I oꞌo era a Ietū ki Hērutarema, he mira-mira rō atu ꞌai te manaꞌu o te nuꞌu taꞌatoꞌa o ira koia ko ꞌui: —¿Ko ai te kope ena?

Māteo 8:20

He pāhono e Ietū: —Te kurī manu e ai rō ꞌana te karava mo noho, te manu he hakapupa, ꞌe te ⌊Poki o te taŋata⌋ ꞌina he kona mo noho.

Iovani 10:34

He kī e Ietū: —ꞌI ruŋa i te ⌊Pāpaꞌi Moꞌa⌋ e hāꞌaki rō ꞌana te vānaŋa kī e te ꞌAtua ki te tētahi nuꞌu ra-rahi pē nei ē: “A kōrua he ꞌatua”.

Iovani 12:32

Ka veo ena i a au ꞌi ruŋa i te tātaurō, he uto tahi mai e au i te taŋata taꞌatoꞌa».

Iovani 15:25

Hai oho iŋa nei o rāua e haka tano ena te meꞌe kī ꞌi ruŋa i te ⌊Pāpaꞌi Moꞌa⌋ pē nei ē: “E maꞌu tahaŋa nō ꞌana i te riri mōꞌoku”.

Iovani 8:28

ꞌO ira i kī ai e Ietū: —Hora ena o kōrua ka veo ena i te ⌊Poki o te taŋata⌋ ꞌi ruŋa i te tātaurō, ka ꞌite iho ena e kōrua: a au ko tū kope kī mau atu era ꞌā e au, tāꞌaku meꞌe aŋa taꞌe hai manaꞌu ōꞌoku, ꞌe tāꞌaku meꞌe kī mau nō he meꞌe hāpī mai e tōꞌoku Matuꞌa.

Rōmano 3:19

Pē ira e hāꞌaki ena ꞌi ruŋa i te Pāpaꞌi Moꞌa. ꞌE ko ꞌite ꞌana e tātou: taꞌatoꞌa meꞌe kī o ruŋa e kī ena mo te nuꞌu ki a rāua i vaꞌai ai, ꞌo ꞌōtohe pē nei ē: ꞌina rāua hara, ꞌe ꞌo taꞌe ꞌite pē nei ē: te taŋata taꞌatoꞌa e hape rō ꞌā ꞌe ko tano ꞌā mo haka ūtuꞌa e te ꞌAtua.

Rōmano 5:18

Hai meꞌe taꞌe tano aŋa e ꞌĀtamu i ai ai te ūtuꞌa ꞌi ruŋa i te taŋata taꞌatoꞌa, ꞌe hai meꞌe riva-riva aŋa e Ietū Kiritō i ai ai te rāveꞌa mo te taŋata taꞌatoꞌa mo kī e te ꞌAtua: «ꞌina rāua hape», ki ravaꞌa ai i te ora ꞌāpī ꞌina he hopeꞌa raꞌa.

ꞌEvereo 7:24

ꞌE a Ietū, ꞌi te taꞌe mate, he aŋa he oho mau rō ꞌai i tāꞌana aŋa he oromatuꞌa.