Iovani 12:2 - Rapa Nui

² ꞌI ira i aŋa ai e tahi kai nui-nui mā Ietū. A Maratuka e tuhaꞌa ꞌā i te kai, ꞌe a Rātaro ꞌi ruŋa i te ꞌamuramaꞌa e kai ꞌā ananake ko kuā Ietū.

Iovani 12:2 ပူးပေါင်းရင်းမြစ်များ

Māteo 26:6

A Ietū ia ꞌi Vētānia, ꞌi te hare o Tīmona, e kī takoꞌa era ko Rēpera.

Marko 14:3

A Ietū ia ꞌi Vētānia, ꞌi te hare o Tīmona, e kī takoꞌa era ko Rēpera. E noho nō ꞌā a Ietū ꞌi ruŋa i te ꞌamuramaꞌa, he tuꞌu e tahi viꞌe e maꞌu rō ꞌā e tahi ipu aŋa hai māꞌea nehe-nehe ko ꞌī ꞌā e te manoꞌi he nardo, manoꞌi hopeꞌa o te hauhaꞌa. He tī-tiŋi e rā viꞌe i te puꞌa o rā ipu mo ha-hata, ꞌai ka huri a ruŋa i te pūꞌoko o Ietū.

Ruka 12:37

¡Ko te koa ꞌō i te tāvini, ka tuꞌu era te taŋata ꞌāꞌana te haka aŋa, e ꞌa-ꞌara tahi nō ꞌā! ꞌĪ a au he kī atu: mo te taŋata mau era ꞌā ꞌāꞌana te haka aŋa, e haka noho i rā nuꞌu ꞌi ruŋa i te ꞌamuramaꞌa ꞌe e ao e vaꞌai hai kai.

Ruka 14:12

He kī e Ietū ki te hoa hare: «Mo aŋa ōꞌou i te kai, ꞌina koe ko kī ki tuꞌu repahoa, ki tuꞌu taina, ki tuꞌu huaꞌai ꞌe ki te nuꞌu ꞌono māhani e koe mo oho atu ki te kai. Mo kī ōꞌou ki rā nuꞌu, pē ira takoꞌa ꞌana a rāua ka kī atu ena mo oho mo kai i te rāua hare. ꞌE, ka hopeꞌa era, e haka hoki atu ꞌana i tuꞌu rima.

Ruka 22:27

»Ki te kōrua manaꞌu, ¿ko ai te kope ꞌata hōnui, he kope noho ꞌi ruŋa i te ꞌamuramaꞌa mo kai, ꞌo he kope ꞌāꞌana te maꞌu i te kai? ¿Taꞌe ꞌō he kope noho ꞌi ruŋa i te ꞌamuramaꞌa? ꞌE, ꞌī a au pa he tāvini ꞌi muri i a kōrua».

Ruka 5:29

I oho era he aŋa e Rēvī i te ŋoŋoro nui-nui mā Ietū ꞌi tōꞌona hare. Meꞌe rahi taŋata haka ꞌauhau i te nuꞌu hai moni mo te rōmano koia ko te tētahi atu nuꞌu e noho rō ꞌana ꞌi ruŋa i te ꞌamuramaꞌa ananake ko kuā Ietū.

Meꞌe Haka Takeꞌa 3:20

ꞌĪ a au e pātōtō atu ena ꞌi haho o te ꞌōpani. Te kope ŋaroꞌa ꞌe mātaki mai, he uru a au ki roto ꞌe he noho māua he kai.