Iovani 12:13 - Rapa Nui

¹³ He ha-hati ia i te raupā niu ꞌe he eꞌa he oho ki a Ietū mo hokorua mo oho mai koia ko ꞌeha e ohu era: «¡⌊Osana⌋!» «¡Taŋata haꞌamaitai e te ꞌAtua te taŋata oho mai nei hai ꞌīŋoa ōꞌona, he ꞌAriki o Itaraera!».

Iovani 12:13 ပူးပေါင်းရင်းမြစ်များ

Māteo 23:39

ꞌĪ a au he kī atu: e ko takeꞌa haka ꞌou e kōrua i a au ꞌātā ki te mahana mo kī e kōrua: “¡Ki haꞌahana-hana te taŋata uŋa mai e te ꞌAtua hai ꞌīŋoa ōꞌona!”».

Māteo 27:42

«Ko haka eꞌa ꞌana i te tētahi taŋata mai roto i te rāua ꞌati, ꞌe, ¿e ko ravaꞌa mo haka ora i a ia mau era ꞌā? ¿Taꞌe ꞌō he ꞌAriki o te itaraera? ¡Mo topa mai ōꞌona mai ruŋa i te tātaurō, he haka moe mātou i te manaꞌu ꞌi ruŋa i a ia!

Iovani 1:49

He kī e Natanaera: —E te Maꞌori, ¡ko koe te Poki o te ꞌAtua, ko koe te ꞌAriki o Itaraera!

Iovani 12:14

He ravaꞌa e Ietū e tahi muni ꞌe he eke ki ruŋa, pa he meꞌe kī ꞌi ruŋa i te ⌊Pāpaꞌi Moꞌa⌋:

Iovani 12:15

«ꞌIna ko riꞌa-riꞌa, e te nuꞌu o ⌊Tione⌋ ē. Ka uꞌi, nā ka pū rō mai te kōrua ꞌAriki e eke rō ꞌana ꞌi ruŋa i te muni».

Iovani 19:15

He ohu atu e tū nuꞌu era: —¡Ka haka kore! ¡Ka veo ꞌi ruŋa i te tātaurō! He ꞌui e Pirato: —¿E haŋa ꞌā a kōrua mo veo ōꞌoku i te kōrua ꞌariki ꞌi ruŋa i te tātaurō? He pāhono e te nuꞌu oromatuꞌa ra-rahi: —¡E tahi mau nō mātou ꞌariki: he ꞌariki ena o te rōmano!

Meꞌe Haka Takeꞌa 15:3

E hīmene ꞌana i te hīmene o te tāvini o te ꞌAtua ko ⌊Mōtē⌋ ꞌe i te hīmene o te Māmoe pē nei ē: «Meꞌe nui-nui ꞌe nehe-nehe te meꞌe taꞌatoꞌa aŋa e koe, e te mātou Pūꞌoko Haka Tere, e te mātou ꞌAtua hopeꞌa o te pūai ē. Te haka tere iŋa ōꞌou ananake ko te taŋata haka tere iŋa tī-tika ꞌe parautiꞌa, e te ꞌAriki o te ao ē.

Meꞌe Haka Takeꞌa 19:16

ꞌI ruŋa i tōꞌona kahu ꞌe ꞌi ruŋa i tōꞌona hūhā e pāpaꞌi rō ꞌā te ꞌīŋoa nei: «He ꞌAriki o te ꞌariki, he Pūꞌoko Haka Tere o te pūꞌoko haka tere taꞌatoꞌa».

Meꞌe Haka Takeꞌa 7:9

I oti era te meꞌe nei, he uꞌi atu a au ko te nuꞌu riꞌa-riꞌa o te ao o te taꞌatoꞌa hau, o te taꞌatoꞌa ꞌarero ꞌe o te taꞌatoꞌa henua, e māroa rō ꞌana ꞌi muꞌa o te kona pepe ꞌariki era ꞌe o te Māmoe. ꞌI te rahi e ko ravaꞌa mo tataku. E uru tahi rō ꞌana i te kahu tea-tea, e maꞌu-maꞌu rō ꞌā ꞌi te rima i te maŋa niu.