Iovani 11:52 - Rapa Nui

⁵² ꞌE taꞌe mo te hūrio nō ka mate era, takoꞌa mo haka taka-taka tahi i te ŋā poki o te ꞌAtua ꞌi te henua taꞌatoꞌa.

Iovani 11:52 ပူးပေါင်းရင်းမြစ်များ

Ruka 15:8

»E tahi ꞌaꞌamu haka ꞌou nei. Mo ai e tahi viꞌe e ai rō ꞌā e hoꞌe ꞌahuru tara ꞌaurī ꞌe he ŋaro e tahi, ¿e ko taꞌe haka pura hō i te hakariꞌi mo haka māꞌeha ꞌe ꞌai ka purumu ꞌi te kona taꞌatoꞌa o roto i te hare ꞌātā ka ravaꞌa rō rā tara?

Ruka 2:32

he mōrī haka māꞌeha i te taŋata o te ao ꞌe hai ia ka nui-nui ena te itaraera».

Iovani 1:12

ꞌE te nuꞌu toꞌo ꞌe haka moe i te manaꞌu ꞌi ruŋa i a ia, ki a rāua i vaꞌai ai i te parau mo riro he ŋā poki o te ꞌAtua.

Iovani 1:29

ꞌI te rua mahana, he takeꞌa e Iovani i a Ietū ka pū e oho atu era. He kī ki te nuꞌu o ira: «¡Ka uꞌi rā kōrua i te taŋata era ai! ¡A ia he Māmoe o te ꞌAtua, he tūtia mo haka kore i te hara o te taŋata!

Iovani 10:16

»E ai takoꞌa rō ꞌana tāꞌaku māmoe taꞌe o roto o te ꞌāua nei; e haka taka-taka takoꞌa a au i a rāua. E haka roŋo rō a rāua ki tōꞌoku reꞌo ꞌe he riro mau rō ꞌāvai e tahi nō nūnaꞌa māmoe, ꞌe e tahi nō taŋata hāpaꞌo māmoe.

Iovani 12:32

Ka veo ena i a au ꞌi ruŋa i te tātaurō, he uto tahi mai e au i te taŋata taꞌatoꞌa».

Aŋa o te ꞌĀpōtoro 18:10

ꞌĪ, paꞌi, a au ꞌi muri i a koe, ꞌe ꞌina e tahi kope mo tōtōā atu. Nuꞌu rahi, paꞌi, te nuꞌu o nei i haꞌataꞌa e au māꞌaku».

Rōmano 3:29

Hai meꞌe nei e ꞌite ena: te ꞌAtua taꞌe nō o te hūrio, o te nuꞌu taꞌe he hūrio takoꞌa, te auraꞌa, te ꞌAtua o te taŋata taꞌatoꞌa o te ao.

Rōmano 4:17

Pa he meꞌe kī ꞌi ruŋa i te Pāpaꞌi Moꞌa: «Ko haꞌataꞌa ꞌana a au i a koe mo tupuna o te meꞌe rahi nō atu hau o te ao». Te hōrea nei i vaꞌai ai ki a ꞌAparahama ꞌo te haka moe i tōꞌona manaꞌu ꞌi ruŋa i te ꞌAtua, ꞌAtua i a ia te pūai mo haka ora i te taŋata mai te mate ꞌe mo aŋa i te meꞌe kai ai ꞌana.

Ēfeto 1:5

i manaꞌu ai mo haka riro i a tātou he ŋā poki ꞌāꞌana hai meꞌe aŋa e Ietū Kiritō. Te meꞌe nei i aŋa ai e te ꞌAtua he riva rahi ōꞌona ꞌe ꞌi te ai ko haŋa ꞌana e ia.

Ēfeto 3:11

Ko manaꞌu era ꞌā e te ꞌAtua mo aŋa i te meꞌe nei mai muꞌa ꞌā, mai te hora kai aŋa ꞌana i te ao, ꞌe ko aŋa ꞌana hai meꞌe i aŋa e Ietū Kiritō, he Pūꞌoko Haka Tere o tātou, hora mate era ōꞌona ꞌi ruŋa i te tātaurō.

Tanatiako 1:1

A au, a ⌊Tanatiako⌋, tāvini o te ꞌAtua ꞌe o te Pūꞌoko Haka Tere ko Ietū Kiritō, he ꞌaroha atu ki a kōrua ki te taina ⌊haka moe i te manaꞌu⌋ ꞌi ruŋa i a Ietū o te hoꞌe ꞌahuru mā piti mata o te itaraera noho ꞌi te henua taꞌatoꞌa.

1 Pētero 1:1

A au, a Pētero, ⌊ꞌāpōtoro⌋ ꞌa Ietū Kiritō, he ꞌaroha atu ki a kōrua ki te nuꞌu taꞌatoꞌa haꞌataꞌa e te ꞌAtua māꞌana noho ꞌi te henua kē, taꞌe ꞌi te rāua henua mau era, ꞌi te ŋā kona era ko Ponotō, ko Karatia, ko Kāpārōtia, ko ꞌĀtia ꞌe ko Vītīnia.

1 Iovani 2:2

A Ietū i vaꞌai rō i a ia pa he tūtia mo tātou, ki haka kore ai e te ꞌAtua i te tātou hara, ꞌe taꞌe nō i te hara o tātou, i te hara takoꞌa o te nuꞌu taꞌatoꞌa o te ao.

1 Iovani 3:1

Ka haka topa rā te kōrua manaꞌu ꞌi te rahi o te haŋa o te ꞌAtua Matuꞌa ki a tātou e kī mai ena e ia he ŋā poki tātou ꞌāꞌana, ꞌe he aŋi ꞌā, ꞌāꞌana mau ꞌā a tātou. ꞌO ira te nuꞌu o te ao haka tere hai manaꞌu taŋata e taꞌe māhani ena ki a tātou, he taꞌe māhani o rāua ki te ꞌAtua.

1 Iovani 3:10

E ꞌite rō ꞌana ko ai te ŋā poki o te ꞌAtua ꞌe ko ai te ŋā poki ꞌa Rukifero: te kope taꞌe aŋa i te meꞌe tano ꞌe taꞌe haŋa ki tōꞌona taina, taꞌe o te ꞌAtua.

1 Iovani 3:2

E te taina, he ŋā poki tātou o te ꞌAtua. Ka ai atu ꞌina a tātou kai takeꞌa vave ꞌā pē hē te tātou huru pe muꞌa ka oho ena, a tātou e ꞌite rō ꞌana pē nei ē: ka tuꞌu haka ꞌou mai ena a Ietū Kiritō, te tātou huru pē ia ꞌā ꞌi te meꞌe era he takeꞌa iho mau e tātou i a ia.

Meꞌe Haka Takeꞌa 5:9

E hīmene ꞌā i te hīmene ꞌāpī nei: «Ko koe mau ꞌā te kope tano mo toꞌo i te taka parau ena ꞌe mo kume i tōꞌona tāmaꞌu ꞌo te ai i tiŋaꞌi i tūtia rō i a koe. Hai toto tehe era ōꞌou i hoꞌo ai koe i te taŋata mo te ꞌAtua o te taꞌatoꞌa nō hau, ꞌarero ꞌe henua o te ao,