Iovani 11:41 - Rapa Nui

⁴¹ He ketu ia e te nuꞌu i rā māꞌea. He uꞌi a Ietū a te raŋi ꞌe he kī: «E Koro ōꞌoku ē, he māuru-uru atu a au ꞌo tuꞌu haka roŋo mai.

Iovani 11:41 ပူးပေါင်းရင်းမြစ်များ

Māteo 11:25

ꞌI rā hora i pure i kī ai e Ietū: «He haꞌahana-hana atu a au ki a koe, e Koro, e te ꞌAtua o te raŋi ꞌe o te henua ē, ꞌo te taꞌe haka takeꞌa ōꞌou i taꞌa meꞌe naꞌa ki te nuꞌu manaꞌu ko rāua mau nō te nuꞌu ꞌite ꞌe mārama-rama, ꞌe ki te nuꞌu pa he ŋā poki a koe i haka takeꞌa ai.

Māteo 11:26

ꞌĒ-ē, pē ira mau ꞌā a koe i haŋa ai, e Koro ē».

Māteo 27:60

I a ia e ai rō ꞌā e tahi kona ꞌāpī haka rē pāpaku, kona i haka ka-karo ꞌi te māꞌea pa he piha. He maꞌu ia e Kōsē i te hakari o Ietū he haka rē ꞌi roto. I puru era i rā kona hai māꞌea nui-nui taka-taka, he eꞌa he oho.

Marko 15:46

He oho ia a Kōsē he hoꞌo e tahi tāvana rino, he haka topa i te hakari o Ietū mai ruŋa i te tātaurō, ꞌe he viri hai rā tāvana. I oti era he maꞌu he haka rē ꞌi roto i te kona i ka-karo ꞌi te māꞌea pa he piha mo te pāpaku ꞌe ꞌai ka puru ꞌi rā kona hai māꞌea nui-nui taka-taka.

Ruka 10:21

ꞌI rā hora, ꞌi te ꞌī o Ietū e te ⌊Vārua Maitai⌋, he toꞌo rō atu ꞌai te koa ꞌe he kī: «He haꞌahana-hana atu a au ki a koe, e Koro, e te ꞌAtua o te raŋi ꞌe o te henua ē, ꞌo te taꞌe haka takeꞌa ōꞌou i taꞌa meꞌe naꞌa ki te nuꞌu manaꞌu ko rāua mau nō te nuꞌu ꞌite ꞌe mārama-rama, ꞌe ki te nuꞌu pa he ŋā poki a koe i haka takeꞌa ai. ꞌĒ-ē, pē ira mau ꞌā koe i haŋa ai, e Koro ē».

Ruka 18:13

»ꞌE tū kope haka ꞌauhau moni era mo te rōmano, i haka ꞌava-ꞌava i māroa ai ꞌe a raro ꞌā te mata e uꞌi era, he tiŋi-tiŋi koroꞌiti i tōꞌona uma koia ko kī: “¡E te ꞌAtua ē! ¡Ka haka ꞌaroha mai koe; he taŋata hara a au!”.

Ruka 24:2

I tuꞌu era ananake, he takeꞌa ko haka tapa ꞌā te māꞌea puru o rā kona.

Iovani 11:22

ꞌE, ka ai atu pē ira, ko ꞌite ꞌana e au e vaꞌai nō atu e te ꞌAtua ꞌi te hora nei i taꞌa meꞌe nō era mo kī.

Iovani 17:1

I oti era te kī i te ŋā meꞌe nei, he uꞌi a Ietū a te raŋi he kī: «E Koro, ko tano ꞌā te hora. Ka haka takeꞌa te pūai ꞌe te nui-nui o taꞌa Poki mo haka takeꞌa takoꞌa e ia i tuꞌu pūai ꞌe i tuꞌu nui-nui.

Iovani 20:1

ꞌI te mahana raꞌe o te tāpati, mahana tāpati, ꞌi te pō era ꞌana kai ꞌōtea ꞌā, he oho a Māria Matarena ki te kona haka rē i te hakari o Ietū. He takeꞌa ko haka tapa ꞌā te māꞌea puru o rā kona.

Aŋa o te ꞌĀpōtoro 7:55

ꞌE, a ꞌĒteva, ko ꞌī ꞌana e te pūai o te Vārua Maitai, he uꞌi a te raŋi he takeꞌa i te ꞌana-ꞌana o te ꞌAtua ꞌe i a Ietū e māroa rō ꞌana ꞌi te pāꞌiŋa mataꞌu.

Fīripo 4:6

ꞌIna ko manaꞌu rahi ki te meꞌe topa atu ꞌi ruŋa i a kōrua. E pure ki te ꞌAtua, e ani ki a ia mo hāꞌūꞌū atu, ꞌe ꞌina ko rehu mo māuru-uru.