Iovani 11:32 - Rapa Nui

³² I tuꞌu era a Māria ki tū kona era ꞌi ira a Ietū, he tū-turi he kī: —E te Maꞌori, ꞌāhani koe ꞌi nei, e ko mate tōꞌoku taina.

Iovani 11:32 ပူးပေါင်းရင်းမြစ်များ

Ruka 17:16

He tū-turi ꞌi muꞌa o Ietū, he noi ꞌātā ka puā rō te tira ki ruŋa i te ꞌōꞌone mo māuru-uru. Rā taŋata o Tāmāria.

Ruka 5:8

I takeꞌa era e Tīmona, kī takoꞌa ko Pētero, i tū meꞌe era, he tū-turi ꞌi muꞌa o Ietū he kī: —¡E Ietū, ka oho koe mai muri i a au; he taŋata hara a au!

Ruka 8:41

He tuꞌu ia e tahi taŋata te ꞌīŋoa ko Hairo, he pūꞌoko haka tere o te ⌊hare pure hūrio⌋, ki tū kona era. He tū-turi ꞌi muꞌa o Ietū ꞌe he ani mo oho ki tōꞌona hare

Iovani 11:2

Ko te Māria nei te Māria huri era i te vaꞌe o Ietū hai manoꞌi ꞌe ꞌai ka haroꞌi hai rauꞌoho.

Iovani 11:21

He kī e Maratuka ki a Ietū: —E Ietū, ꞌāhani a koe ꞌi nei, e ko mate tōꞌoku taina.

Iovani 11:37

He kī e te tētahi o rā nuꞌu: «O te taŋata era i haka ora i te mata o te taŋata matapō. ¿Kai ai hō tāꞌana rāveꞌa mo taꞌe mate o Rātaro?».

Iovani 4:49

He kī e tū taŋata hōnui era: —E Ietū, ka hōrou koe mai taꞌe mate tāꞌaku poki.

Meꞌe Haka Takeꞌa 22:8

I takeꞌa rō ꞌe i ŋaroꞌa rō e au e ⌊Iovani⌋ i te ŋā meꞌe taꞌatoꞌa nei. I takeꞌa era ꞌe i ŋaroꞌa era e au, he tū-turi a au a te vaꞌe o te merahi haka takeꞌa mai era i rā ŋā meꞌe, mo haꞌamuri ki a ia.

Meꞌe Haka Takeꞌa 5:14

He pāhono ia e tū ŋā meꞌe ora era e hā: «¡Ka ai pē ira!». ꞌE tū ŋā piti ꞌahuru mā maha ŋāŋata ra-rahi era he noi he tū-turi ꞌai ka haꞌamuri.

Meꞌe Haka Takeꞌa 5:8

I toꞌo era he noi he tū-turi ꞌe he haꞌamuri ki rā Māmoe e rā ŋā meꞌe ora era e hā ꞌe e tū ŋā piti ꞌahuru mā maha ŋāŋata ra-rahi era. Taꞌatoꞌa o tū ŋāŋata ra-rahi era e maꞌu rō ꞌā i te arpa ꞌe, takoꞌa, i te poko-poko aŋa hai piru e ꞌī rō ꞌana e te incienso, te auraꞌa: he pure o te nūnaꞌa taŋata haꞌataꞌa e te ꞌAtua māꞌana.