Iovani 11:27 - Rapa Nui

²⁷ He pāhono e Maratuka: —ꞌĒ-ē. Mōꞌoku, a koe he ⌊Kiritō⌋, he Poki o te ꞌAtua mo oho mai ki te ao nei.

Iovani 11:27 ပူးပေါင်းရင်းမြစ်များ

Māteo 11:3

mo ꞌui ki a Ietū hoki ko ia mau ꞌā te Kiritō, he kope era mo tuꞌu mai, ꞌo e tiaki nō ki te rua.

Māteo 16:16

He pāhono ia e Tīmona, e kī takoꞌa era ko Pētero: —A koe he Kiritō, he Poki o te ꞌAtua ora.

Māteo 16:20

ꞌE he kī ia e Ietū ki tāꞌana nuꞌu hāpī mo taꞌe ꞌaꞌamu e tahi nuꞌu he Kiritō a ia.

Ruka 2:11

ꞌI ꞌaŋarīnā, ꞌi te kona poreko o Tāvita ko Vērene, i poreko ai te ⌊Kiritō⌋, he Pūꞌoko Haka Tere o tātou; māꞌana e haka eꞌa i te taŋata mai roto i te ūtuꞌa o te hara ꞌe e vaꞌai i te ora ꞌāpī ꞌina he hopeꞌa raꞌa o te ꞌAtua.

Iovani 1:49

He kī e Natanaera: —E te Maꞌori, ¡ko koe te Poki o te ꞌAtua, ko koe te ꞌAriki o Itaraera!

Iovani 4:42

ꞌE he kī e te nuꞌu ki rā viꞌe: «Hora nei ko haka moe ꞌana a mātou i te manaꞌu ꞌi ruŋa i a ia, taꞌe nō ꞌō ꞌo tū meꞌe kī mai era e koe, ꞌo te ai takoꞌa ko ŋaroꞌa ꞌana e mātou mau ꞌana i a ia, ꞌe ko ꞌite ꞌā e mātou ko ia mau ꞌā te kope mo haka eꞌa i a tātou i te taŋata mai roto i te ūtuꞌa o te hara ꞌe mo vaꞌai mai i te ora ꞌāpī ꞌina he hopeꞌa raꞌa».

Iovani 6:14

I takeꞌa era e te taŋata i tū mana aŋa era e Ietū he kī: «He aŋi mau ꞌana ꞌō ko te kope ena te perofeta era mo oho mai ki te ao nei».

Iovani 6:69

ꞌE a mātou e haka moe rō ꞌana i te manaꞌu ꞌi ruŋa i a koe ꞌe ko ꞌite ꞌā: he kope moꞌa uŋa mai koe e te ꞌAtua.

Aŋa o te ꞌĀpōtoro 8:36

E oho nō ꞌā a te ara, he tuꞌu ki te kona vai e tahi ꞌe he kī e tū taŋata etiopia era: —Nā te vai nā. ¿E ai rō ꞌā hō te meꞌe mo taꞌe haꞌatiꞌa mo papatito i a au? [

Aŋa o te ꞌĀpōtoro 8:37

He kī e Feripe: —Mo haka moe parautiꞌa ōꞌou i tuꞌu manaꞌu ꞌi ruŋa i a Ietū, ꞌina he meꞌe mo taꞌe haꞌatiꞌa atu. He pāhono e tū taŋata era: —Mōꞌoku a Ietū Kiritō he Poki o te ꞌAtua.]

1 Iovani 5:1

Nuꞌu nō era mo rāua he parautiꞌa mau ꞌā a Ietū he ⌊Kiritō⌋ he ŋā poki rāua o te ꞌAtua. ꞌE te kope haŋa ki te ꞌAtua Matuꞌa e haŋa takoꞌa ki tāꞌana ŋā poki.

1 Iovani 5:20

ꞌE, ko ꞌite takoꞌa ꞌā e tātou: ko tuꞌu mai ꞌana te Poki o te ꞌAtua, ꞌe ko vaꞌai mai ꞌā i te mārama-rama mo aŋi-aŋi ko ai te ꞌAtua parautiꞌa. ꞌE hora nei, ananake tātou ko nei ꞌAtua ꞌo te ai a tātou o tāꞌana Poki ko Ietū Kiritō. A ia he ꞌAtua parautiꞌa vaꞌai i te ora ꞌāpī ꞌina he hopeꞌa raꞌa.