Iovani 10:6 - Rapa Nui

⁶ I ꞌaꞌamu era e Ietū i te ꞌaꞌamu haꞌaauraꞌa nei, kai aŋi-aŋi e te nuꞌu he aha tāꞌana meꞌe e haŋa era mo haka ꞌite.

Iovani 10:6 ပူးပေါင်းရင်းမြစ်များ

Māteo 13:34

E vānaŋa era a Ietū ki te rahi raꞌa o te nuꞌu o ruŋa i te meꞌe taꞌatoꞌa nei o te haka tere iŋa ꞌāpī o te ꞌAtua hai ꞌaꞌamu haꞌaauraꞌa, ꞌe mo taꞌe ai hai ꞌaꞌamu haꞌaauraꞌa, ꞌina he vānaŋa o ruŋa.

Māteo 13:51

He ꞌui e Ietū: —¿Ko aŋi-aŋi tahi ꞌana e kōrua i te meꞌe nei? —ꞌĒ-ē —i pāhono ai.

Marko 4:34

ꞌIna e tahi meꞌe i hāpī e Ietū i taꞌe ai hai ꞌaꞌamu haꞌaauraꞌa, ꞌe ki topa ananake ko tāꞌana nuꞌu hāpī, e haka ꞌite tahi era e ia i te auraꞌa o rā ŋā ꞌaꞌamu.

Iovani 16:25

»Ki te hora nei e vānaŋa atu ena a au hai ꞌaꞌamu haꞌaauraꞌa. ꞌE, ꞌī ko hāhine ꞌā te hora mo taꞌe vānaŋa haka ꞌou atu pē ira. Hai vānaŋa mo aŋi-aŋi riva-riva e kōrua ka haka ꞌite atu ena o ruŋa o te ꞌAtua Matuꞌa.

Iovani 16:29

He kī ia ki a Ietū e tāꞌana nuꞌu hāpī: —E vānaŋa mai ena koe ꞌi te hora nei hai vānaŋa mo aŋi-aŋi riva-riva e mātou, ꞌe taꞌe hai ꞌaꞌamu haꞌaauraꞌa.

Iovani 6:52

He haꞌamata ia te hūrio he tātake ki a rāua ꞌā: «¿Pē hē te kope nei ana vaꞌai mai i tōꞌona hakari mo kai e tātou?».

Iovani 6:60

I ŋaroꞌa era i te meꞌe nei e te nuꞌu oho ꞌi muri i a Ietū, nuꞌu rahi i kī: —Tū meꞌe kī mai nei meꞌe taꞌe au. ¿Ko ai ia te meꞌe mo haka roŋo?

Iovani 7:36

¿He aha te auraꞌa o te meꞌe ena e kī mai ena: “e kimi rō mai kōrua i a au ꞌe ꞌina e ko ravaꞌa”, ꞌe, “a kōrua e ko tuꞌu atu ki te kona ꞌi ira a au ka noho era”?».

Iovani 8:27

ꞌE, ꞌina e rā nuꞌu he aŋi-aŋi pē nei ē: te kope era e kī era e Ietū he ꞌAtua Matuꞌa.

Iovani 8:43

»¿He aha kōrua e taꞌe aŋi-aŋi ena i tāꞌaku meꞌe haka ꞌite atu? He taꞌe tano o kōrua mo haka roŋo mai.

1 Kōrinto 2:14

Te kope taꞌe haka moe i te manaꞌu ꞌi ruŋa i a Ietū ꞌe kore o te Vārua Maitai o roto i a ia ꞌina he toꞌo mōꞌona i te hāpī haka ꞌite e te Vārua Maitai; te hāpī nei he meꞌe maꞌa-maꞌa e tahi mōꞌona. ꞌE ꞌina e ko aŋi-aŋi, ꞌi te meꞌe era o te Vārua Maitai mau nō te haka aŋi-aŋi i te auraꞌa parautiꞌa o rā hāpī.

2 Pētero 2:22

ꞌI ruŋa i a rāua i haka tano ai te parautiꞌa o te kī iŋa era pē nei ē: «He hoki he kai te paiheŋa i tōꞌona rua», ꞌe, «Te oru haka hopu iho he hoki he tū ꞌi roto i te rare-rare».

1 Iovani 5:20

ꞌE, ko ꞌite takoꞌa ꞌā e tātou: ko tuꞌu mai ꞌana te Poki o te ꞌAtua, ꞌe ko vaꞌai mai ꞌā i te mārama-rama mo aŋi-aŋi ko ai te ꞌAtua parautiꞌa. ꞌE hora nei, ananake tātou ko nei ꞌAtua ꞌo te ai a tātou o tāꞌana Poki ko Ietū Kiritō. A ia he ꞌAtua parautiꞌa vaꞌai i te ora ꞌāpī ꞌina he hopeꞌa raꞌa.