Iovani 10:36 - Rapa Nui

³⁶ ¿he aha ia a kōrua e kī ena ko kī ꞌana a au i te vānaŋa taꞌe tano mo te ꞌAtua hora kī era ōꞌoku he Poki au o te ꞌAtua? ꞌĀꞌana, paꞌi, a au i haꞌataꞌa mo te aŋa nei ꞌe i uŋa mai ki te ao nei.

Iovani 10:36 ပူးပေါင်းရင်းမြစ်များ

Māteo 27:43

Te kope ena e haka moe rō ꞌana i tōꞌona manaꞌu ꞌi ruŋa i te ꞌAtua. ¡Ka haka ora ia e te ꞌAtua ꞌi te hora ena, ana ai e haŋa mau rō ꞌā ki a ia! ¿Taꞌe ꞌō ko kī mai ꞌana he Poki a ia o te ꞌAtua?».

Māteo 27:54

I takeꞌa era e te kape o te vaꞌehau ananake ko te nuꞌu vaꞌehau ꞌāꞌana ꞌauario i a Ietū ꞌi ruŋa i te tātaurō i te mākenu-kenu iŋa o te henua ꞌe i te meꞌe taꞌatoꞌa topa, he toꞌo rō atu ꞌai te riꞌa-riꞌa ꞌe he kī: «¡He aŋi mau ꞌana ꞌō te taŋata nei he Poki o te ꞌAtua!».

Ruka 1:35

He pāhono e te merahi: —E topa rō atu te Vārua Maitai, ꞌe ꞌi ruŋa i a koe ka noho ena te mana o te ꞌAtua. ꞌO ira te poki ka poreko ena ꞌina e ko ravaꞌa e te hara; e kī rō he Poki o te ꞌAtua.

Iovani 10:35

ꞌE a tātou ko ꞌite riva-riva ꞌana ꞌina e tahi meꞌe o ruŋa i te Pāpaꞌi Moꞌa mo haka kore. ꞌE mo ai i kī rō te ꞌAtua ki rā nuꞌu pē ira,

Iovani 17:18

»Pa he uŋa iŋa mai era ōꞌou i a au ki te nuꞌu o te ao nei taꞌe haka moe i te manaꞌu ꞌi ruŋa i a au, pē ira takoꞌa ꞌana a au ka uŋa ena i a rāua ki rā ŋā nuꞌu.

Iovani 17:21

Tāꞌaku meꞌe haŋa, e Koro ē: mo here mo oho nō o rāua ꞌi roto i a rāua pē tāua ꞌā, ꞌe mo taꞌe haꞌataꞌa o rāua mai muri i a tāua, pa he taꞌe haꞌataꞌa iŋa nei ōꞌoku mai muri i a koe, ki ꞌite ai e te taŋata o te ao nei taꞌe haka moe i te manaꞌu ꞌi ruŋa i a au: ꞌāꞌau a au i uŋa mai.

Iovani 17:8

Ko haka ꞌite ꞌana e au i taꞌa roŋo vaꞌai mai era, ꞌe he aŋi mau ꞌana mo rāua. Ko ꞌite ꞌana he parautiꞌa mau ꞌā mai i a koe a au i oho mai ai ꞌe ꞌāꞌau a au i uŋa mai.

Iovani 19:7

He pāhono e te nuꞌu hūrio ra-rahi: —E ai rō ꞌana te haka tere iŋa e tahi o mātou, ꞌe, ki rā haka tere, te kī o te kope e tahi he Poki a ia o te ꞌAtua he hape taparahi-taꞌata. Te ūtuꞌa mo te hape nei he tiŋaꞌi he haka mate.

Iovani 20:28

I ꞌauē a Tōmā i kī ai: —¡E te Pūꞌoko Haka Tere ōꞌoku ē, e te ꞌAtua ōꞌoku ē!

Iovani 20:31

ꞌE te ŋā meꞌe nei i pāpaꞌi ai mo haka aŋi-aŋi atu: a Ietū he ⌊Kiritō⌋, he Poki o te ꞌAtua, ꞌe, takoꞌa, mo ravaꞌa e kōrua i te ora ꞌāpī ꞌina he hopeꞌa raꞌa hai ⌊haka moe i te manaꞌu⌋ ꞌi ruŋa i a ia.

Iovani 3:17

Te ꞌAtua ꞌina kai uŋa i tāꞌana Poki ki te ao mo haka ūtuꞌa i te taŋata; i uŋa ai mo haka eꞌa i a rāua mai roto i te ūtuꞌa o te hara ꞌe mo vaꞌai i te ora ꞌāpī ꞌina he hopeꞌa raꞌa.

Iovani 3:34

Te kope uŋa mai e te ꞌAtua e haka ꞌite ꞌana i te vānaŋa o te ꞌAtua; i a ia, paꞌi, te pūai o te Vārua Maitai i vaꞌai ai e te ꞌAtua.

Iovani 5:30

»E ko tano a au mo aŋa e tahi meꞌe hai manaꞌu nō ōꞌoku. E ture nei au hai meꞌe kī mai e te Matuꞌa, ꞌe tōꞌoku ture iŋa e tano rō ꞌā ꞌo te ai taꞌe hai meꞌe haŋa ꞌāꞌaku e ture nei, hai meꞌe haŋa o te kope uŋa mai i a au.

Iovani 6:27

ꞌIna kōrua ko aŋa ki te kai ena e pau rō ꞌā, ki te kai ꞌina e ko pau vaꞌai i te ora ꞌāpī ꞌina he hopeꞌa raꞌa kōrua ana aŋa. Ko te kai ena te kai mo vaꞌai atu e te ⌊Poki o te taŋata⌋ ꞌo te ai te ꞌAtua, he Matuꞌa, ko vaꞌai ꞌana ki a ia i te parau mo vaꞌai atu.

Iovani 6:38

»I topa mai ai a au mai te raŋi taꞌe mo aŋa i tāꞌaku meꞌe haŋa, mo aŋa i te meꞌe haŋa o tōꞌoku Matuꞌa uŋa mai i a au.

Iovani 6:57

»Te Matuꞌa uŋa mai era i a au e ora rō ꞌana, ꞌe hai ia a au e ora nei. Pē ira takoꞌa, te kope kai i a au he ora hai au.

Iovani 6:69

ꞌE a mātou e haka moe rō ꞌana i te manaꞌu ꞌi ruŋa i a koe ꞌe ko ꞌite ꞌā: he kope moꞌa uŋa mai koe e te ꞌAtua.

Iovani 8:42

He pāhono e Ietū: —Mo ai he parautiꞌa mau ꞌā he ꞌAtua te kōrua matuꞌa, e haŋa rō mai ꞌana ia kōrua ki a au; mai te ꞌAtua mau nō, paꞌi, a au i oho mai ai. I oho mai ai a au taꞌe hai manaꞌu ōꞌoku ꞌā, o te ꞌAtua a au i uŋa mai.

Rōmano 8:3

Te ꞌAtua ko aŋa ꞌā i te meꞌe taꞌe ravaꞌa e te ⌊haka tere iŋa ꞌa Mōtē⌋ mo aŋa, ꞌi te pūai kore o te taŋata. Ko haka kore ꞌā i te pūai o te hara mai ruŋa i te taŋata hai uŋa mai i tāꞌana Poki pa he taŋata ꞌe pa he tūtia mo ꞌamo e tōꞌona hakari i te ūtuꞌa o te tātou hara.

Rōmano 9:5

Ko rāua te hakaara o te tātou tupuna, ꞌe mai i a rāua i poreko ai te Kiritō. A ia, paꞌi, he ꞌAtua o te meꞌe taꞌatoꞌa ꞌe ki a ia ana haꞌahana-hana ꞌātā ki te hopeꞌa raꞌa. ⌊ꞌĀmene⌋.

Karatia 4:4

ꞌE, i tano era te hora, he uŋa mai e te ꞌAtua i tāꞌana Poki ꞌe he haka poreko mai roto i te viꞌe haꞌatura ki te ⌊haka tere iŋa ꞌa Mōtē⌋,