Iovani 10:32 - Rapa Nui

³² ꞌe he meꞌe e Ietū: —Hai pūai o tōꞌoku Matuꞌa i aŋa ai a au meꞌe rahi atu meꞌe riva-riva ꞌi muꞌa o kōrua. ¿ꞌO meꞌe hē ia o rā ŋā meꞌe ka tamaꞌi mai ena kōrua i a au hai māꞌea?

Iovani 10:32 ပူးပေါင်းရင်းမြစ်များ

Māteo 11:5

Ka ꞌaꞌamu: “Ko māꞌeha ꞌā te mata o te nuꞌu matapō; ko haꞌere ꞌana te nuꞌu vaꞌe koke. Ko ora ꞌā te nuꞌu māui-ui ꞌi te rēpera; ko ŋaroꞌa ꞌana te vānaŋa e te tariŋa pō. Ko ora ꞌā te nuꞌu mai te mate, ꞌe ko haka ꞌite ꞌā i te roŋo riva-riva o te ꞌAtua ki te nuꞌu veve”.

Iovani 10:25

He pāhono e Ietū: —Ko kī atu era ꞌana e au, ꞌe ꞌina kōrua he haka roŋo mai. Hai meꞌe aŋa e au hai pūai o tōꞌoku Matuꞌa, e haka takeꞌa atu ena,

Iovani 10:31

He toꞌo haka ꞌou e te hūrio i te māꞌea mo tau ki a Ietū,

Iovani 10:33

He pāhono e te hūrio: —E ko tamaꞌi atu a mātou i a koe hai māꞌea ꞌo taꞌa meꞌe riva-riva aŋa. Ka tamaꞌi atu ena ꞌo tuꞌu vānaŋa taꞌe tano mo te ꞌAtua. He haka tuꞌu ōꞌou i a koe he ꞌAtua; a koe, paꞌi, he taŋata mau ena.

Iovani 10:37

»Mo taꞌe aŋa ōꞌoku i te meꞌe aŋa e tōꞌoku Matuꞌa, ꞌina ia kōrua ko haka moe i te manaꞌu ꞌi ruŋa i a au.

Iovani 5:36

Ka ai atu pē ira, e ai rō ꞌana te meꞌe ꞌata hau o te nui-nui ki te meꞌe haka ꞌite atu e Iovani mo haka takeꞌa atu i te parautiꞌa o ruŋa ōꞌoku. ꞌE ko rā meꞌe tāꞌaku meꞌe aŋa, he meꞌe kī mai e te Matuꞌa mo aŋa ꞌe nei meꞌe he mataꞌite: he aŋi mau ꞌā ꞌāꞌana a au i uŋa mai.

Aŋa o te ꞌĀpōtoro 10:38

Ko ꞌite takoꞌa ꞌana a kōrua pē hē te ꞌAtua i vaꞌai ai i te Vārua Maitai ꞌe i te pūai ki a Ietū era o Nātāreta, ꞌe pē hē e aŋa e oho era i te meꞌe riva-riva, e haka ora e oho era i te nuꞌu taꞌatoꞌa māui-ui ꞌi a Rukifero. Te meꞌe nei i aŋa ai e Ietū ꞌi te meꞌe era ꞌi muri i a ia te ꞌAtua.

Aŋa o te ꞌĀpōtoro 2:22

»E te itaraera ē, ka haka roŋo mai te meꞌe nei ka kī atu ena: A kōrua ko ꞌite riva-riva ꞌana: hai meꞌe nu-nui aŋa e Ietū ꞌe hai mana aŋa e ia i haka takeꞌa atu ai e te ꞌAtua: a Ietū o Nātāreta he taŋata uŋa mai e ia.

1 Iovani 3:12

ꞌIna ko ai tātou pē ⌊Kāiŋa⌋. A ia ꞌa Rukifero, ꞌe i tiŋaꞌi i haka mate ai i tōꞌona taina. ¿ꞌO te aha i tiŋaꞌi ai i tōꞌona taina? ꞌO te ai te meꞌe aŋa o tōꞌona taina he meꞌe riva-riva ꞌe tāꞌana meꞌe aŋa he meꞌe taꞌe tano.