Iovani 10:3 - Rapa Nui

³ Te kope ꞌauario i te ꞌōpani he mātaki i te ꞌōpani ki te taŋata hāpaꞌo māmoe. He raŋi e rā taŋata ki tāꞌana māmoe e tahi e tahi hai ꞌīŋoa ꞌe he aŋi-aŋi e te māmoe i tōꞌona reꞌo. He toꞌo ia e rā taŋata i tāꞌana māmoe mai roto i te ꞌāua puru.

Iovani 10:3 ပူးပေါင်းရင်းမြစ်များ

Iovani 10:14

»He taŋata hāpaꞌo riva-riva a au i te māmoe. Pa he ꞌite iŋa ena ꞌā o tōꞌoku Matuꞌa ko ai a au ꞌe a au ko ai a ia, pē ira takoꞌa ꞌana a au e ꞌite nei ko ai ko ai tāꞌaku māmoe, ꞌe rā ŋā māmoe e ꞌite rō ꞌana ko ai a au. ꞌE he vaꞌai a au i a au mau ꞌā ki te mate mo tāꞌaku māmoe.

Iovani 10:16

»E ai takoꞌa rō ꞌana tāꞌaku māmoe taꞌe o roto o te ꞌāua nei; e haka taka-taka takoꞌa a au i a rāua. E haka roŋo rō a rāua ki tōꞌoku reꞌo ꞌe he riro mau rō ꞌāvai e tahi nō nūnaꞌa māmoe, ꞌe e tahi nō taŋata hāpaꞌo māmoe.

Iovani 10:4

»I eꞌa tahi era, he haꞌere rā taŋata ꞌi muꞌa ꞌe ꞌi tuꞌa ka oho tahi atu era te māmoe ꞌi te aŋi-aŋi i te reꞌo.

Iovani 10:9

A au he ꞌōpani: te kope uru a roto i a au he eꞌa mai roto i te ūtuꞌa o te hara ꞌe he ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua. He riro pa he māmoe e oꞌo e eꞌa ena, ꞌe he ravaꞌa mauku.

Iovani 6:37

Te taŋata taꞌatoꞌa vaꞌai mai e tōꞌoku Matuꞌa he oho tahi mai ki a au. ꞌE te kope oho mai e ko haka tapa e au mai muri i a au.

Iovani 6:45

E kī rō ꞌana, paꞌi, ꞌi ruŋa i te puka o te perofeta: “Te ꞌAtua e hāpī rō i te taŋata taꞌatoꞌa”. Te nuꞌu haka roŋo ꞌe ꞌite i te meꞌe hāpī e tōꞌoku Matuꞌa, ko rāua te meꞌe oho mai ki a au.

Rōmano 8:30

Ki te nuꞌu haꞌataꞌa e te ꞌAtua māꞌana i kī rō mo haka moe i te manaꞌu ꞌi ruŋa i a ia. ꞌE taꞌe nō ko te meꞌe ena, i haka tano rō i a rāua ki tōꞌona mata ꞌe i hōrea rō pē nei ē: pe muꞌa ka oho ena a rāua ꞌi roto i tōꞌona nui-nui, te auraꞌa, i a rāua takoꞌa te huru riva ōꞌona.

1 Kōrinto 16:9

ꞌo te ai e rahi rō ꞌana te nuꞌu o nei haŋa mo haka ꞌite ōꞌoku ki a rāua i te ⌊roŋo riva-riva o te ꞌAtua⌋, ka ai atu e rahi takoꞌa rō ꞌana te nuꞌu taꞌe haŋa mai.

Fīripo 4:3

ꞌE a koe, e te hokorua aŋa ōꞌoku ē: e hāꞌūꞌū ki te ŋā taina ena. A rāua ananake ko kuā Keremente ꞌe tētahi atu nuꞌu i aŋa takoꞌa rō ꞌi muri i a au ꞌi te aŋa he haka ꞌite he oho i te ⌊roŋo riva-riva o ruŋa i a Ietū⌋. Te rāua ꞌīŋoa nā ꞌi ruŋa i te puka o te ꞌAtua, puka ꞌi ruŋa e pāpaꞌi ena te ꞌīŋoa o te nuꞌu ravaꞌa i te ora ꞌāpī ꞌina he hopeꞌa raꞌa.

Kōrosa 4:3

ꞌe e pure takoꞌa mo mātou, ki mātaki ai e te ꞌAtua i te ara mo haka ꞌite mo oho mātou i tāꞌana roŋo, ꞌe mo haka aŋi-aŋi i te parautiꞌa o ruŋa i a Ietū taꞌe haka ꞌite mai era e ia ꞌi muꞌa ꞌā. ꞌO te haka ꞌite ōꞌoku o ruŋa i te meꞌe nei a au e puru atu ena ꞌi roto i te hare maꞌuꞌaurī.

2 Timoteo 2:19

Ka ai atu pē ira, te nūnaꞌa taŋata haka moe parautiꞌa i te rāua manaꞌu ꞌi ruŋa i a Ietū e hio-hio rō ꞌana pa he kona mekerā ꞌi ruŋa e haka tuꞌu ena i te hare, ꞌe ꞌi ruŋa takoꞌa i pāpaꞌi ai: «Te ꞌAtua e aŋi-aŋi rō ꞌā i tāꞌana taŋata», ꞌe, «Te nuꞌu taꞌatoꞌa haꞌamuri ki te ꞌAtua e haka tapa mai roto i te meꞌe taꞌe tano».

1 Pētero 1:12

ꞌE te ꞌAtua i haka ꞌite rō ki rā ŋā perofeta pē nei ē: te roŋo haka ꞌite oho era e rāua he meꞌe mo topa pe muꞌa ka oho era, te auraꞌa, ꞌi te noho iŋa nei o tātou, ꞌe taꞌe ꞌō ꞌi te rāua noho iŋa era. ꞌE ko rā roŋo te meꞌe i haka ꞌite atu ki a kōrua e te nuꞌu haka ꞌite oho i te roŋo riva-riva nei o ruŋa i a Ietū hai pūai o te ⌊Vārua Maitai⌋ uŋa mai mai te raŋi. ꞌE ꞌātā te merahi e haŋa rō ꞌana mo aŋi-aŋi o ruŋa i te roŋo nei o te haka eꞌa iŋa o te taŋata mai roto i te ūtuꞌa o te hara.

1 Iovani 4:6

ꞌE a tātou o te ꞌAtua. Te kope māhani i te ꞌAtua ki a tātou e haka roŋo mai ena, ꞌe te kope taꞌe o te ꞌAtua e ko haka roŋo mai. Hai meꞌe nei e ꞌite ena e tātou ko ai te kope i a ia te Vārua kī i te parautiꞌa ꞌe ko ai te kope i a ia te vārua kī i te reo-reo.

3 Iovani 1:14

E haŋa rō ꞌā, paꞌi, a au, ꞌina ko roa hia, he piri haka ꞌou tāua ꞌe māꞌaku mau ꞌā e vānaŋa atu.

Meꞌe Haka Takeꞌa 20:15

ꞌe ꞌi ira i hoa ai i te nuꞌu ꞌina te rāua ꞌīŋoa o ruŋa i te puka pāpaꞌi o te ꞌīŋoa o te nuꞌu i a rāua te ora ꞌāpī ꞌina he hopeꞌa raꞌa vaꞌai e te ꞌAtua.

Meꞌe Haka Takeꞌa 3:20

ꞌĪ a au e pātōtō atu ena ꞌi haho o te ꞌōpani. Te kope ŋaroꞌa ꞌe mātaki mai, he uru a au ki roto ꞌe he noho māua he kai.

Meꞌe Haka Takeꞌa 7:17

ꞌo te ai te Māmoe era ꞌi vāeŋa o te kona pepe ꞌariki era he hāpaꞌo i a rāua pa he taŋata hāpaꞌo māmoe e hāpaꞌo ꞌana i tāꞌana māmoe. Māꞌana e maꞌu ki te kona vai vaꞌai i te ora ꞌāpī ꞌina he hopeꞌa raꞌa, ꞌe mo te ꞌAtua e haroꞌi i te rāua matavai.