Iovani 10:21 - Rapa Nui

²¹ ꞌE, o tētahi atu te kī: «ꞌIna e tahi kope oꞌo e te tātane vānaŋa pē nei. ¿E ravaꞌa rō hō e te tātane mo haka ora i te mata o te taŋata matapō?».

Iovani 10:21 ပူးပေါင်းရင်းမြစ်များ

Māteo 11:5

Ka ꞌaꞌamu: “Ko māꞌeha ꞌā te mata o te nuꞌu matapō; ko haꞌere ꞌana te nuꞌu vaꞌe koke. Ko ora ꞌā te nuꞌu māui-ui ꞌi te rēpera; ko ŋaroꞌa ꞌana te vānaŋa e te tariŋa pō. Ko ora ꞌā te nuꞌu mai te mate, ꞌe ko haka ꞌite ꞌā i te roŋo riva-riva o te ꞌAtua ki te nuꞌu veve”.

Māteo 4:24

ꞌI te kona taꞌatoꞌa o Tīria e ꞌaꞌamu era o ruŋa i te meꞌe aŋa e Ietū. He maꞌu ia e te taŋata o ira i te nuꞌu huru kē huru kē te rāua māui-ui, te nuꞌu oꞌo e te tātane, te nuꞌu māui-ui kiki-kiki, te nuꞌu taꞌe makenu o te hakari, ꞌe he haka ora tahi e Ietū.

Iovani 10:22

Rā hora he toŋa, ꞌe ꞌi Hērutarema e aŋa ꞌana i te ⌊ŋoŋoro o te haꞌamoꞌa⌋, ŋoŋoro haka manaꞌu ki te mahana haꞌamoꞌa i te Kona Haꞌamuri ꞌAtua.

Iovani 9:6

I kī era a Ietū i te meꞌe nei, he ꞌā-ꞌanu i te ꞌōꞌone mo haka vai-vai, he toꞌo mai he oi-oi ꞌe he paru ki te mata o tū taŋata matapō era.