Iovani 10:18 - Rapa Nui

¹⁸ Taꞌe hai pūai taŋata a au ka mate ena; māꞌaku mau ꞌā e vaꞌai i a au mo mate. I a au mau ꞌana, paꞌi, te parau mo vaꞌai i a au mo mate ꞌe mo ora haka ꞌou. Ko te meꞌe nei tāꞌaku meꞌe mo aŋa i kī mai ai e tōꞌoku Matuꞌa».

Iovani 10:18 ပူးပေါင်းရင်းမြစ်များ

Iovani 10:11

A au he taŋata hāpaꞌo riva-riva i te māmoe. Te taŋata hāpaꞌo riva-riva i te māmoe he vaꞌai i a ia ki te mate mo tāꞌana māmoe.

Iovani 10:17

»Te Matuꞌa e haŋa rō mai ꞌana ki a au ꞌo te vaꞌai ōꞌoku i a au mo mate mo te rua ꞌe ꞌo te ora haka ꞌou ōꞌoku mai te mate.

Iovani 14:31

Te meꞌe taꞌatoꞌa nei he meꞌe mau ꞌā mo topa, mo ꞌite e te taŋata taꞌatoꞌa e haŋa rahi rō ꞌana a au ki te Matuꞌa ꞌe e aŋa rō ꞌana a au i tāꞌana meꞌe kī mai. »ꞌE, hora nei, ka eꞌa kōrua ki ruŋa ki oho rō tātou.

Iovani 15:10

Mo haꞌatura o kōrua ki tāꞌaku roŋo, e ko kore tōꞌoku haŋa mo kōrua, pa he taꞌe kore iŋa ena ꞌā o te haŋa o tōꞌoku Matuꞌa ki a au ꞌo te haꞌatura ōꞌoku ki tāꞌana roŋo.

Iovani 19:11

He pāhono e Ietū: —E ko ai i a koe te parau o ruŋa ōꞌoku ꞌāhani i taꞌe haꞌatiꞌa atu e te ꞌAtua. ꞌO ira te kope vaꞌai atu era i a au ki a koe ꞌata hau ꞌi te hara ki a koe.

Iovani 5:26

Te ꞌAtua he tumu o te ora ꞌāpī ꞌe pē ira ꞌā te Poki; ko haꞌatiꞌa hia ꞌā, paꞌi, ꞌe te ꞌAtua.

Iovani 5:30

»E ko tano a au mo aŋa e tahi meꞌe hai manaꞌu nō ōꞌoku. E ture nei au hai meꞌe kī mai e te Matuꞌa, ꞌe tōꞌoku ture iŋa e tano rō ꞌā ꞌo te ai taꞌe hai meꞌe haŋa ꞌāꞌaku e ture nei, hai meꞌe haŋa o te kope uŋa mai i a au.

Iovani 6:38

»I topa mai ai a au mai te raŋi taꞌe mo aŋa i tāꞌaku meꞌe haŋa, mo aŋa i te meꞌe haŋa o tōꞌoku Matuꞌa uŋa mai i a au.

Aŋa o te ꞌĀpōtoro 2:24

I oho era he haka ora e te ꞌAtua, he haka eꞌa mai te ꞌati o te mate i a Ietū; taꞌe, paꞌi, te mate mo rē ki a ia.

Aŋa o te ꞌĀpōtoro 2:32

»Te ꞌAtua ko haka ora ꞌā i a Ietū mai te mate ꞌe he mataꞌite a mātou taꞌatoꞌa o rā meꞌe.

Aŋa o te ꞌĀpōtoro 3:15

»Pē ira a kōrua i tiŋaꞌi i haka mate ai i te taŋata vaꞌai mai i te ora ꞌāpī ꞌina he hopeꞌa raꞌa. ꞌE, ka ai atu pē ira, ko haka ora ꞌā e te ꞌAtua mai te mate; a māua he mataꞌite.

Tito 2:14

A Ietū, paꞌi, ko vaꞌai ꞌā i a ia ki te mate mo kore o te pūai o te hara mai ruŋa i a tātou, ki ai ai tātou he nuꞌu haꞌataꞌa māꞌana, ꞌina e tahi hara, ꞌe haŋa mo aŋa i te meꞌe riva-riva ki tōꞌona mata.

ꞌEvereo 2:9

ꞌE, ko ꞌite ꞌana e tātou: te meꞌe nei ko haka tano ꞌana ꞌi ruŋa i a Ietū. I riro era, paꞌi, he taŋata, ꞌata hau rō atu te tōroꞌa o te merahi ki tōꞌona tōroꞌa «mo te hora ꞌiti-ꞌiti e tahi», ꞌe, hora nei, ꞌo te vaꞌai i a ia ki te mate mo tātou ꞌi te haŋa ꞌe ꞌi te riva rahi o te ꞌAtua mo tātou, «ko haka nui-nui ꞌā ꞌe ko moꞌa ꞌā pa he ꞌariki».