Iovani 10:16 - Rapa Nui

¹⁶ »E ai takoꞌa rō ꞌana tāꞌaku māmoe taꞌe o roto o te ꞌāua nei; e haka taka-taka takoꞌa a au i a rāua. E haka roŋo rō a rāua ki tōꞌoku reꞌo ꞌe he riro mau rō ꞌāvai e tahi nō nūnaꞌa māmoe, ꞌe e tahi nō taŋata hāpaꞌo māmoe.

Iovani 10:16 ပူးပေါင်းရင်းမြစ်များ

Māteo 17:5

E vānaŋa nō ꞌana a Pētero, i noho ai ꞌi ruŋa i a rāua te raŋi tea-tea ꞌuira e tahi, ꞌe mai roto i eꞌa ai e tahi reꞌo e kī era: «He Poki nā ꞌāꞌaku, Poki haŋa rahi; ꞌi ruŋa i a ia tōꞌoku koa. E haꞌatura kōrua ki a ia».

Ruka 15:8

»E tahi ꞌaꞌamu haka ꞌou nei. Mo ai e tahi viꞌe e ai rō ꞌā e hoꞌe ꞌahuru tara ꞌaurī ꞌe he ŋaro e tahi, ¿e ko taꞌe haka pura hō i te hakariꞌi mo haka māꞌeha ꞌe ꞌai ka purumu ꞌi te kona taꞌatoꞌa o roto i te hare ꞌātā ka ravaꞌa rō rā tara?

Iovani 10:11

A au he taŋata hāpaꞌo riva-riva i te māmoe. Te taŋata hāpaꞌo riva-riva i te māmoe he vaꞌai i a ia ki te mate mo tāꞌana māmoe.

Iovani 10:2

ꞌE te kope uru a roto he taŋata hāpaꞌo māmoe.

Iovani 10:27

Tāꞌaku māmoe, paꞌi, e aŋi-aŋi rō ꞌana i tōꞌoku reꞌo, ꞌe ko ꞌite ꞌana e au ko ai ko ai. A rāua e oho rō mai ꞌana ꞌi muri i a au.

Iovani 10:3

Te kope ꞌauario i te ꞌōpani he mātaki i te ꞌōpani ki te taŋata hāpaꞌo māmoe. He raŋi e rā taŋata ki tāꞌana māmoe e tahi e tahi hai ꞌīŋoa ꞌe he aŋi-aŋi e te māmoe i tōꞌona reꞌo. He toꞌo ia e rā taŋata i tāꞌana māmoe mai roto i te ꞌāua puru.

Iovani 10:4

»I eꞌa tahi era, he haꞌere rā taŋata ꞌi muꞌa ꞌe ꞌi tuꞌa ka oho tahi atu era te māmoe ꞌi te aŋi-aŋi i te reꞌo.

Iovani 10:5

Te māmoe e ko oho ꞌi tuꞌa o te taŋata kai māhani e rāua; he tē-tere mai muri ꞌo te taꞌe aŋi-aŋi i te reꞌo».

Iovani 11:52

ꞌE taꞌe mo te hūrio nō ka mate era, takoꞌa mo haka taka-taka tahi i te ŋā poki o te ꞌAtua ꞌi te henua taꞌatoꞌa.

Iovani 17:20

»Taꞌe nō a au e ani atu ena mo rāua, mo te nuꞌu takoꞌa ka haka moe ena i te rāua manaꞌu ꞌi ruŋa i a au, he haka roŋo ꞌe he haꞌatura ki te roŋo riva-riva o ruŋa i a au ka hāpī era e rāua.

Iovani 6:37

Te taŋata taꞌatoꞌa vaꞌai mai e tōꞌoku Matuꞌa he oho tahi mai ki a au. ꞌE te kope oho mai e ko haka tapa e au mai muri i a au.

Aŋa o te ꞌĀpōtoro 15:14

Ko ꞌaꞌamu mai ꞌā e Pētero o ruŋa i te haka takeꞌa iŋa raꞌe o te ꞌAtua i tōꞌona riva rahi ki te taŋata taꞌe he hūrio, ꞌe pē hē te ꞌAtua i haꞌataꞌa ai māꞌana i te nuꞌu mai roto.

Aŋa o te ꞌĀpōtoro 18:10

ꞌĪ, paꞌi, a au ꞌi muri i a koe, ꞌe ꞌina e tahi kope mo tōtōā atu. Nuꞌu rahi, paꞌi, te nuꞌu o nei i haꞌataꞌa e au māꞌaku».

Aŋa o te ꞌĀpōtoro 22:14

»He kī haka ꞌou mai: “Te ꞌAtua o te tātou tupuna ko haꞌataꞌa ꞌā i a koe mo ꞌite ōꞌou i tāꞌana meꞌe haŋa, mo takeꞌa ōꞌou i a Ietū, kope tano ki tōꞌona mata, mo ŋaroꞌa i tōꞌona reꞌo,

Rōmano 11:25

E te taina ē, e haŋa rō ꞌana a au mo haka ꞌite atu i te meꞌe ꞌina kai ꞌite ꞌana e te taŋata o ruŋa i te hūrio, ꞌo manaꞌu rō kōrua i hau rō atu ꞌō kōrua ki a rāua. Tētahi o rāua ko hārui ꞌana hai tuaꞌivi i te ꞌAtua, ꞌe pē rā mau ꞌā ka oho ena ꞌātā ka haka moe tahi rō te manaꞌu ꞌi ruŋa i a Ietū te nuꞌu taꞌe he hūrio haꞌataꞌa e te ꞌAtua māꞌana.

2 Tētārōnika 2:13

Te meꞌe tano mau o mātou mo aŋa he māuru-uru he oho ki te ꞌAtua mo kōrua, e te taina haŋa rahi o te tātou Pūꞌoko Haka Tere ē. Te ꞌAtua, paꞌi, ko haꞌataꞌa era ꞌana i a kōrua, ꞌi raꞌe ki te aŋa iŋa o te ao, ki ai ai kōrua he nuꞌu haka eꞌa e ia mai roto i te ūtuꞌa o te hara ꞌe vaꞌai i te ora ꞌāpī ꞌina he hopeꞌa raꞌa ꞌi te haka moe o kōrua i te manaꞌu ꞌi ruŋa i te roŋo parautiꞌa o ruŋa i a Ietū Kiritō, ꞌe ꞌi te aŋa o te Vārua Maitai ꞌi roto i a kōrua mo riro o kōrua he taŋata ꞌina e tahi hara.

ꞌEvereo 13:20

Mo te ꞌAtua vaꞌai i te haumārū, haka ora mai te mate i te tātou Pūꞌoko Haka Tere ko Ietū Kiritō, kope riva-riva hāpaꞌo māmoe, tāpaꞌo i te haka tere iŋa ꞌina he hopeꞌa raꞌa o te ꞌAtua ananake ko te taŋata hai toto era ōꞌona,

1 Pētero 2:10

ꞌI muꞌa ꞌana taꞌe kōrua he nuꞌu o te ꞌAtua, ꞌe hora nei he nuꞌu ꞌāꞌana; ꞌi muꞌa ꞌā kai ŋaroꞌa e kōrua i te riva rahi o te ꞌAtua, ꞌe hora nei e ŋaroꞌa rō ꞌana e kōrua.

1 Pētero 2:25

ꞌI muꞌa ꞌā, paꞌi, e haꞌere era a tātou pa he māmoe ko ŋaro ꞌana, ꞌe, hora nei, ko hoki tahi ꞌana ki te Kiritō, kope hāpaꞌo mai i a tātou pa he taŋata hāpaꞌo māmoe.

1 Pētero 5:4

Pē ira, ꞌi te hora o te tuꞌu iŋa haka ꞌou mai o te Pūꞌoko Haka Tere o te ŋāŋata hāpaꞌo māmoe taꞌatoꞌa, he haka hei atu i a kōrua hai meꞌe ꞌina e ko ŋaro ki te hora hopeꞌa, ko te meꞌe ena: he noho mau rō ꞌai kōrua ꞌi muri i a ia ꞌi roto i tōꞌona nui-nui ꞌana-ꞌana.

Meꞌe Haka Takeꞌa 3:20

ꞌĪ a au e pātōtō atu ena ꞌi haho o te ꞌōpani. Te kope ŋaroꞌa ꞌe mātaki mai, he uru a au ki roto ꞌe he noho māua he kai.