Iovani 10:14 - Rapa Nui

^14-15 »He taŋata hāpaꞌo riva-riva a au i te māmoe. Pa he ꞌite iŋa ena ꞌā o tōꞌoku Matuꞌa ko ai a au ꞌe a au ko ai a ia, pē ira takoꞌa ꞌana a au e ꞌite nei ko ai ko ai tāꞌaku māmoe, ꞌe rā ŋā māmoe e ꞌite rō ꞌana ko ai a au. ꞌE he vaꞌai a au i a au mau ꞌā ki te mate mo tāꞌaku māmoe.

Iovani 10:14 ပူးပေါင်းရင်းမြစ်များ

Iovani 10:11

A au he taŋata hāpaꞌo riva-riva i te māmoe. Te taŋata hāpaꞌo riva-riva i te māmoe he vaꞌai i a ia ki te mate mo tāꞌana māmoe.

Iovani 10:13

Nei taŋata he eꞌa he tere ꞌo te ai he taŋata ꞌauhau nō ꞌe ꞌina he tapa atu i te māmoe.

Iovani 10:27

Tāꞌaku māmoe, paꞌi, e aŋi-aŋi rō ꞌana i tōꞌoku reꞌo, ꞌe ko ꞌite ꞌana e au ko ai ko ai. A rāua e oho rō mai ꞌana ꞌi muri i a au.

Iovani 17:3

Te meꞌe he ora ꞌāpī ꞌina he hopeꞌa raꞌa ko te meꞌe nei: he ꞌite e rāua ko ai mau a koe, he ꞌAtua parautiꞌa e tahi mau nō, ꞌe ko ai a au a Ietū Kiritō, he kope uŋa mai e koe.

Iovani 17:8

Ko haka ꞌite ꞌana e au i taꞌa roŋo vaꞌai mai era, ꞌe he aŋi mau ꞌana mo rāua. Ko ꞌite ꞌana he parautiꞌa mau ꞌā mai i a koe a au i oho mai ai ꞌe ꞌāꞌau a au i uŋa mai.

2 Kōrinto 4:6

O te ꞌAtua kī era pē nei ē: «Ka ai te mōrī ꞌi roto i te pōhāhā», te haka māꞌeha i te mātou manaꞌu mo haka māꞌeha takoꞌa e mātou i te manaꞌu o te tētahi nuꞌu hai haka ꞌite i te pūai ꞌe i te nui-nui o te ꞌAtua takeꞌa ꞌi ruŋa i a Ietū Kiritō.

Ēfeto 1:17

He ani nō tāꞌaku aŋa ki te ꞌAtua o te tātou Pūꞌoko Haka Tere ko Ietū Kiritō, ki te tātou Matuꞌa o te raŋi, i a ia te pūai ꞌe te nui-nui taꞌatoꞌa, mo vaꞌai atu, hai Vārua Maitai, i te mārama-rama mo aŋi-aŋi e kōrua i te parautiꞌa o ruŋa ōꞌona, ki māhani riva-riva ai kōrua ki a ia.

Ēfeto 3:19

Ka ai atu ꞌina e tahi kope mo aŋi-aŋi riva-riva i te rahi o tōꞌona haŋa mo te taŋata, tāꞌaku meꞌe ani ki te ꞌAtua, he ꞌata haka ꞌite he oho atu ꞌi roto i te kōrua māhatu i te haŋa o Ietū Kiritō mo kōrua, ꞌātā ka riro rō te kōrua huru, pa he huru riva ōꞌona ꞌina e tahi hape.

Fīripo 3:8

ꞌE taꞌe nō pē ira. Mōꞌoku, ꞌina e tahi meꞌe mo hāhine ki te meꞌe ena he māhani ki a Ietū Kiritō, Pūꞌoko Haka Tere ōꞌoku. Ko hoa tahi ꞌana e au i rā ŋā meꞌe mo koa ōꞌona; mōꞌoku, paꞌi, rā ŋā meꞌe taꞌatoꞌa he tūtaꞌe nō atu e tahi o te ao nei. Tāꞌaku meꞌe haŋa nō ko ia

2 Timoteo 1:12

ꞌO ira te ꞌati e topa mai nei ki a au. Ka ai atu pē ira, ꞌina a au he riꞌa-riꞌa. Ko ꞌite ꞌana, paꞌi, e au ꞌi ruŋa i a ai a au e haka noho nei i tōꞌoku manaꞌu, ꞌe ko aŋi-aŋi riva-riva ꞌana e au e ai rō ꞌana tōꞌona pūai mo hāpaꞌo ꞌe mo hāꞌūꞌū mai i te aŋa vaꞌai mai e ia ꞌātā ki te mahana o tōꞌona hoki iŋa mai.

2 Timoteo 2:19

Ka ai atu pē ira, te nūnaꞌa taŋata haka moe parautiꞌa i te rāua manaꞌu ꞌi ruŋa i a Ietū e hio-hio rō ꞌana pa he kona mekerā ꞌi ruŋa e haka tuꞌu ena i te hare, ꞌe ꞌi ruŋa takoꞌa i pāpaꞌi ai: «Te ꞌAtua e aŋi-aŋi rō ꞌā i tāꞌana taŋata», ꞌe, «Te nuꞌu taꞌatoꞌa haꞌamuri ki te ꞌAtua e haka tapa mai roto i te meꞌe taꞌe tano».

1 Iovani 5:20

ꞌE, ko ꞌite takoꞌa ꞌā e tātou: ko tuꞌu mai ꞌana te Poki o te ꞌAtua, ꞌe ko vaꞌai mai ꞌā i te mārama-rama mo aŋi-aŋi ko ai te ꞌAtua parautiꞌa. ꞌE hora nei, ananake tātou ko nei ꞌAtua ꞌo te ai a tātou o tāꞌana Poki ko Ietū Kiritō. A ia he ꞌAtua parautiꞌa vaꞌai i te ora ꞌāpī ꞌina he hopeꞌa raꞌa.

Meꞌe Haka Takeꞌa 2:13

‘Ko ꞌite ꞌana a au e noho ena koe ꞌi te kona ꞌa Rukifero te haka tere, ꞌe, ka ai atu pē ira, kai haka tapa koe i tuꞌu manaꞌu mai ruŋa i a au, ꞌe kai haka rē i tāꞌaku hāpī, korohaŋa ꞌi te hora tiŋaꞌi era ꞌi nā i a Antipa, he mataꞌite parautiꞌa ōꞌoku.

Meꞌe Haka Takeꞌa 2:19

‘E ꞌite tahi rō ꞌana a au i taꞌa meꞌe aŋa. E ꞌite rō ꞌana a au i tuꞌu haŋa, i tuꞌu haka moe iŋa i te manaꞌu ꞌi ruŋa i a au, i te aŋa e aŋa mai ena ꞌe i te haꞌaoromaꞌi ōꞌou i te ꞌati hai haumārū. E ꞌite takoꞌa rō ꞌana a au ꞌata hau rō atu tuꞌu aŋa ꞌi te hora nei ki te hora era o muꞌa ꞌā.

Meꞌe Haka Takeꞌa 2:2

‘E ꞌite tahi rō ꞌana a au i taꞌa meꞌe aŋa. E aŋi-aŋi rō ꞌana i te paŋahaꞌa o taꞌa aŋa, i te haꞌaoromaꞌi iŋa ōꞌou i te ꞌati hai haumārū, ꞌe i tuꞌu taꞌe haŋa ki te nuꞌu aŋa i te meꞌe taꞌe tano. E ꞌite takoꞌa rō ꞌana a au i haka ꞌatu rō koe i te nuꞌu kī he ꞌāpōtoro rāua, ꞌe te parautiꞌa mau, taꞌe pē ira; ko maꞌurima ꞌana, paꞌi, e koe he reo-reo.

Meꞌe Haka Takeꞌa 2:9

‘E ꞌite rō ꞌana a au i te rahi o te ꞌati e ꞌamo ena e koe, ꞌe i tuꞌu veve, ka ai atu te parautiꞌa mau he ꞌono koe. E ꞌite takoꞌa rō ꞌana a au pē hē e vānaŋa taꞌe tano ena o ruŋa ōꞌou e te nuꞌu kī he ⌊hūrio⌋ a rāua ꞌe te parautiꞌa mau he nūnaꞌa rāua ꞌa Rukifero.

Meꞌe Haka Takeꞌa 3:1

»E pāpaꞌi takoꞌa ki te merahi o te nūnaꞌa taŋata ⌊haka moe i te manaꞌu⌋ ꞌi ruŋa i a au o Tare: “Pē nei te kī o te kope i a ia te vārua e hitu o te ꞌAtua ꞌe te ŋā hetuꞌu era e hitu: ‘E ꞌite tahi rō ꞌana a au i taꞌa meꞌe aŋa, ꞌe ko ꞌite takoꞌa ꞌana a au ko mate ꞌā a koe, ka ai atu e kī ena e te tētahi nuꞌu e ora rō ꞌā.

Meꞌe Haka Takeꞌa 3:15

‘E ꞌite tahi rō ꞌana a au i taꞌa meꞌe aŋa. E ꞌite takoꞌa rō ꞌana a au: taꞌe koe he takeꞌo ꞌe taꞌe koe he vera. ¡Māuꞌa ꞌō i taꞌe ai ai he takeꞌo ꞌo he vera!

Meꞌe Haka Takeꞌa 3:8

‘E ꞌite tahi rō ꞌana a au i taꞌa meꞌe aŋa. ꞌE e ꞌite takoꞌa rō ꞌana a au: haŋu taꞌe rahi tōꞌou. ꞌE, ka ai atu pē ira, ko te haka roŋo ꞌe ko te haꞌatura ko te oho iŋa ꞌā koe i tāꞌaku vānaŋa, ꞌe ko te haka moe iŋa mai ꞌā koe i te manaꞌu ꞌi ruŋa i a au. ꞌO ira, nā ꞌi muꞌa i a koe i haka rē ai a au i te ꞌōpani e ha-hata rō ꞌā ꞌe ꞌina he rua kope mo ravaꞌa mo puru.