Iovani 10:12 - Rapa Nui

¹² ꞌE te kope ꞌauhau mo ꞌauario i te māmoe taꞌe he taŋata hāpaꞌo māmoe parautiꞌa ꞌe taꞌe ꞌāꞌana rā ŋā māmoe. Ka takeꞌa era i te paiheŋa taehae, he hoa i te māmoe, he eꞌa he tere. ꞌE he rere ia e te paiheŋa, he ŋau i te māmoe ꞌe he huata te tētahi a te kona taꞌatoꞌa.

Iovani 10:12 ပူးပေါင်းရင်းမြစ်များ

Māteo 10:16

»He uŋa a au i a kōrua pa he māmoe ki vāeŋa o te paiheŋa taehae. E ai kōrua nuꞌu mārama-rama ꞌite mo hāpaꞌo ꞌo topa atu te ꞌati. E ai takoꞌa kōrua he nuꞌu māŋaro pa he pāroma, taꞌe aŋa i te meꞌe taꞌe tano ki te rua.

Māteo 7:15

»E uꞌi kōrua e te nuꞌu reo-reo haka tuꞌu i a rāua pa he nuꞌu vānaŋa hai ꞌīŋoa o te ꞌAtua. E oho atu ena pa he māmoe, ꞌe te roto pa he paiheŋa taehae ꞌā.

Iovani 10:13

Nei taŋata he eꞌa he tere ꞌo te ai he taŋata ꞌauhau nō ꞌe ꞌina he tapa atu i te māmoe.

Iovani 10:2

ꞌE te kope uru a roto he taŋata hāpaꞌo māmoe.

Iovani 10:3

Te kope ꞌauario i te ꞌōpani he mātaki i te ꞌōpani ki te taŋata hāpaꞌo māmoe. He raŋi e rā taŋata ki tāꞌana māmoe e tahi e tahi hai ꞌīŋoa ꞌe he aŋi-aŋi e te māmoe i tōꞌona reꞌo. He toꞌo ia e rā taŋata i tāꞌana māmoe mai roto i te ꞌāua puru.

Aŋa o te ꞌĀpōtoro 20:29

»Ko ꞌite ꞌana e au ka oho nei a au, e tuꞌu rō mai tētahi taŋata e haŋa rō ꞌā mo haka kore i te nuꞌu haka moe i te manaꞌu ꞌi ruŋa i a Ietū pa he haka kore iŋa o te paiheŋa taehae i te māmoe.

1 Timoteo 3:3

ꞌIna ko ai he kope taꞌero ꞌava ꞌe rava moto. E ai he taŋata māhatu riva ꞌe haumārū, taꞌe nou-nou moni,

1 Timoteo 3:8

Te ŋāŋata toꞌo mo taina hāꞌūꞌū o te nūnaꞌa taŋata haka moe i te manaꞌu ꞌi ruŋa i a Ietū e ai takoꞌa he ŋāŋata e moꞌa rō ꞌā e te nuꞌu, ŋāŋata haka tano i te rāua meꞌe kī, taꞌe he taꞌero, ꞌe taꞌe nou-nou moni.

2 Timoteo 4:10

A Rema, ꞌi te haŋa rahi ki te meꞌe o te ao nei, ko hoa ꞌana i a au ꞌe ko oho ꞌana ki Tētārōnika. A Keretene ꞌai Karatia, ꞌe a Tito ꞌi Raramatia.

Tito 1:7

Te pūꞌoko haka tere, paꞌi, o te nūnaꞌa taŋata haka moe i te manaꞌu ꞌi ruŋa i a Ietū e aŋa ꞌā i te aŋa o te ꞌAtua. ꞌO ira ꞌina ko ai te hape. ꞌIna ko ai he kope pūꞌoko hio-hio, riri-riri tahaŋa, taꞌero ꞌava, rava moto, ꞌe nou-nou moni.

1 Pētero 5:2

E te pūꞌoko haka tere, e hāpaꞌo riva-riva kōrua i te māmoe o te ꞌAtua haka hāpaꞌo atu ki a kōrua. ꞌE ana hāpaꞌo, hai māhatu, pa he meꞌe haŋa o te ꞌAtua, taꞌe ꞌō ꞌo te ai nō ꞌāꞌana i kī atu. E hāpaꞌo hai haŋa, taꞌe ꞌō hai pohe ki te moni.

2 Pētero 2:3

ꞌI te nou-nou o te ŋā maꞌori reo-reo era, he uꞌi i te rāveꞌa mo ꞌata toꞌo i te moni mai i a kōrua hai hāpī reo-reo o rāua, hāpī poreko ꞌi roto i te rāua manaꞌu mau nō era. ꞌE mo te nuꞌu ena, ko ai era ꞌana te ūtuꞌa o te ꞌAtua mai muꞌa ꞌā, ꞌe a ia e ko taꞌe haka ūtuꞌa i a rāua.