Iovani 1:9 - Rapa Nui

⁹ ꞌE, te mōrī haka māꞌeha i te taŋata taꞌatoꞌa e ko roa he oho mai ki te ao.

Iovani 1:9 ပူးပေါင်းရင်းမြစ်များ

Māteo 6:23

ꞌe mo rake-rake, a roto i te pōhāhā. Mo kī ōꞌou e māꞌeha rō ꞌana tuꞌu manaꞌu, ꞌe te parautiꞌa mau taꞌe pē ira, ¡ko roto i te pōhāhā taparahi-taꞌata koe!

Ruka 11:36

Mo ai he mōrī nō te meꞌe o roto i tuꞌu hakari, he haka māꞌeha i tuꞌu manaꞌu mo takeꞌa riva-riva i te meꞌe taꞌatoꞌa, pa he takeꞌa iŋa o te meꞌe ꞌi te māꞌeha o te hakariꞌi».

Iovani 1:4

Mai i a ia e ravaꞌa ena te ora parautiꞌa ꞌe rā ora pa he mōrī haka māꞌeha i te manaꞌu o te taŋata.

Iovani 1:7

I oho mai ai pa he mataꞌite mo vānaŋa o ruŋa i rā mōrī mo haka moe o te taŋata taꞌatoꞌa i te rāua manaꞌu ꞌi ruŋa i rā mōrī hai vānaŋa era ꞌāꞌana.

Iovani 12:46

I oho mai ai a au ki te ao nei pa he mōrī haka māꞌeha i te manaꞌu o te taŋata ꞌo noho te nuꞌu haka moe i te manaꞌu ꞌi ruŋa i a au ꞌi roto i te pōhāhā.

Iovani 14:6

He pāhono e Ietū: —Ko au te ara, te parautiꞌa, ꞌe te ora. Hai au mau nō kōrua ana tuꞌu ki te ꞌAtua Matuꞌa.

Iovani 15:1

»He tumu vino parautiꞌa a au; o tōꞌoku Matuꞌa te haka heu ꞌe te hāpaꞌo.

Iovani 6:32

He pāhono e Ietū: —ꞌĪ a au he kī atu: taꞌe ꞌa ⌊Mōtē⌋ i vaꞌai i te haraoa o te raŋi, o tōꞌoku Matuꞌa. ꞌE māꞌana e vaꞌai atu i te haraoa parautiꞌa o te raŋi.

Iovani 7:12

Te nuꞌu o ira e vānaŋa rahi rō ꞌana o ruŋa i a Ietū. Tētahi e kī era: «He taŋata riva»; e tētahi atu e kī era: «Taŋata taꞌe riva; e reo-reo ꞌana ki te taŋata».

1 Iovani 1:8

Mo kī o tātou ꞌina a tātou he hara, e reo-reo ꞌana a tātou ki a tātou ꞌā, ꞌe ꞌina kai aŋi-aŋi i te roŋo parautiꞌa o te ꞌAtua.

1 Iovani 2:8

ꞌE, ka ai atu pē ira, e haka ꞌite atu ena ꞌi nei roŋo pa he meꞌe ꞌāpī. Ko takeꞌa ꞌā, paꞌi, ꞌi ruŋa i a Ietū ꞌe ꞌi ruŋa i a kōrua. Hai haꞌatura ki te roŋo nei he ŋaro he oho te meꞌe he pōhāhā, ꞌe he māꞌeha he oho te hāpī parautiꞌa o te ꞌAtua pa he mōrī.

1 Iovani 5:20

ꞌE, ko ꞌite takoꞌa ꞌā e tātou: ko tuꞌu mai ꞌana te Poki o te ꞌAtua, ꞌe ko vaꞌai mai ꞌā i te mārama-rama mo aŋi-aŋi ko ai te ꞌAtua parautiꞌa. ꞌE hora nei, ananake tātou ko nei ꞌAtua ꞌo te ai a tātou o tāꞌana Poki ko Ietū Kiritō. A ia he ꞌAtua parautiꞌa vaꞌai i te ora ꞌāpī ꞌina he hopeꞌa raꞌa.