Iovani 1:45 - Rapa Nui

⁴⁵ He eꞌa he oho a Feripe ki a Natanaera ꞌe he kī: —Ko ꞌite ꞌana a mātou, ꞌi te hora nei, ko ai te kope haka ꞌite mai era e Mōtē ꞌi ruŋa i te ŋā puka pāpaꞌi era e ia, ꞌe haka ꞌite takoꞌa mai era e te perofeta. Ko Ietū rā kope, he poki ꞌa ⌊Kōsē⌋ era o Nātāreta.

Iovani 1:45 ပူးပေါင်းရင်းမြစ်များ

Māteo 10:3

ko Feripe, ko Torometi, ko Tōmā, ko Māteo, kope haka ꞌauhau i te taŋata hai moni mo te rōmano; ko Tanatiako, poki ꞌa Arafeo; ko Tāreo,

Māteo 13:55

¿Taꞌe ꞌō a ia ko te poki era o te tāmuta, ꞌe ko ⌊Māria⌋ tōꞌona matuꞌa vahine? ¿Taꞌe ꞌō he taina o ⌊Tanatiako⌋, o ⌊Kōsē⌋, o Tīmona ꞌe o Hura?

Māteo 2:23

I tuꞌu era ki Karirea he oho he noho ꞌi Nātāreta. Te meꞌe nei i topa ai tano ki te meꞌe kī e te perofeta o ruŋa i te Kiritō pē nei ē: «E kī rō i a ia he taŋata o Nātāreta».

Māteo 21:11

ꞌE he pāhono e te nuꞌu oho ꞌi muri i a Ietū: —Ko Ietū, he perofeta o Nātāreta, he kona e tahi o Karirea.

Marko 14:67

I takeꞌa era i a Pētero e haka mahana ꞌā ꞌi muri i te ahi, he noho he uꞌi riva-riva ꞌe he kī: —Ē, a koe o roto i te nuꞌu oho ꞌi muri i a Ietū era o Nātāreta.

Marko 6:3

¿Taꞌe ꞌō te kope nei he tāmuta, he poki ꞌa ⌊Māria⌋, ꞌe he taina o ⌊Tanatiako⌋, o ⌊Kōsē⌋, o Hura ꞌe o Tīmona? ¿Taꞌe ꞌō ꞌi nei takoꞌa e noho ena tōꞌona ŋā taina vahine ena? ꞌE te nuꞌu o ira he riri rō atu ꞌai mo Ietū, ꞌe kai haka moe i te rāua manaꞌu ꞌi ruŋa i a ia.

Ruka 18:37

He pāhono e te nuꞌu: —Ko Ietū era o Nātāreta e vari ꞌana a nei.

Ruka 2:4

He eꞌa ia a ⌊Kōsē⌋ mai Nātāreta, he kona o Karirea, he oho ki Vērene ꞌi Hūrea, he kona poreko o tōꞌona hakaara ko ⌊Tāvita⌋,

Ruka 2:48

I takeꞌa era e tōꞌona nuꞌu matuꞌa, he māere ꞌe he kī e te matuꞌa vahine: —E haŋu, ¿he aha koe i aŋa mai ai i te meꞌe pē nā? Ko poto ꞌā te māua haŋu ꞌi te kimi iŋa atu i a koe.

Ruka 24:27

He haꞌamata ia he haka aŋi-aŋi he oho ki tū ŋā kope era i te meꞌe taꞌatoꞌa pāpaꞌi o ruŋa i a ia ꞌi ruŋa i te ⌊Pāpaꞌi Moꞌa⌋, i haꞌamata ai mai te ŋā puka pāpaꞌi era e ⌊Mōtē⌋ ki te puka taꞌatoꞌa pāpaꞌi e te perofeta.

Ruka 24:44

I oti era he kī: «Te meꞌe topa mai nei he meꞌe ko haka ꞌite atu era ꞌā e au ꞌi muꞌa ꞌā pē nei ē: te meꞌe taꞌatoꞌa pāpaꞌi e Mōtē, e te perofeta ꞌe ꞌi ruŋa i te puka o te hīmene o ruŋa i a au e haka tano tahi rō».

Ruka 3:23

Ka toru ꞌahuru matahiti o Ietū i haꞌamata ai i tāꞌana aŋa. Ki te kī o te nuꞌu, a Ietū he poki ꞌa Kōsē. A Kōsē he poki ꞌa ꞌĒrī.

Ruka 4:22

Te nuꞌu taꞌatoꞌa o ira e koa rō ꞌā e vānaŋa era o ruŋa i a Ietū ꞌe ko māere tahi ꞌana ꞌi te meꞌe nehe-nehe kī e ia. He ꞌui ki a rāua ꞌā: —¿Pē hē ia te meꞌe nei? Ko tū poki era ꞌa ⌊Kōsē⌋, paꞌi, te kope nei.

Iovani 1:44

A Feripe o te kona e tahi o Karirea te ꞌīŋoa ko Vetetaira, he kona takoꞌa o Pētero ararua ko Antarea.

Iovani 12:21

He haka hāhine rā nuꞌu ki a Feripe, he kope o Vetetaira, kona o Karirea, he ani: «Ē, e haŋa rō ꞌana a mātou mo māhani ki a Ietū».

Iovani 14:8

He kī ia e Feripe: —E Ietū, te meꞌe haŋa o mātou he haka takeꞌa mai ōꞌou i te Matuꞌa.

Iovani 18:5

He pāhono e rā nuꞌu: —Ki a Ietū era o Nātāreta. He kī e Ietū: —Ko au nā kope. ꞌI muri i rā nuꞌu e māroa rō ꞌā a Hura, hoꞌo era i a Ietū.

Iovani 18:7

He ꞌui haka ꞌou e Ietū: —¿Ki a ai rā kōrua e kimi ena? He kī haka ꞌou e rā nuꞌu: —Ki a Ietū era o Nātāreta.

Iovani 19:19

ꞌI ruŋa i te miro pararaha i pāpaꞌi ai e Pirato: «Ko Ietū era o Nātāreta, he ꞌAriki o te hūrio» ꞌe he uŋa he haka huki ꞌi ruŋa i te tātaurō.

Iovani 21:2

ꞌI rā kona a Tīmona, kī takoꞌa ko Pētero, a Tōmā, kī he Hauā, a Natanaera o Kānā, he kona e tahi o Karirea, he ŋā poki e rua ꞌa Tevereo ꞌe he kope haka ꞌou hoko rua o roto o rā nūnaꞌa hāpī era ꞌa Ietū.

Iovani 6:42

He kī e rā nuꞌu: «¿Taꞌe ꞌō nei ko Ietū, he poki era ꞌa ⌊Kōsē⌋? Ko māhani ꞌana a tātou i tōꞌona matuꞌa tane ꞌe i tōꞌona matuꞌa vahine. ¿Pē hē ia e kī mai ena mai te raŋi a ia i topa mai ai?».

Iovani 6:5

I uꞌi era a Ietū i te rahi o te taŋata oho ꞌi tuꞌa i a ia, he ꞌui ki a Feripe: —¿Mai hē tātou ka toꞌo mai ena i te haraoa mo hāŋai o te nuꞌu taꞌatoꞌa ena?

Iovani 6:7

He pāhono e Feripe: —Ka ai atu te moni o te piti hānere mahana aŋa, e ko peꞌe te haraoa mo te rahi ena, korohaŋa ka pārehe-rehe riki-riki atu.

Aŋa o te ꞌĀpōtoro 10:38

Ko ꞌite takoꞌa ꞌana a kōrua pē hē te ꞌAtua i vaꞌai ai i te Vārua Maitai ꞌe i te pūai ki a Ietū era o Nātāreta, ꞌe pē hē e aŋa e oho era i te meꞌe riva-riva, e haka ora e oho era i te nuꞌu taꞌatoꞌa māui-ui ꞌi a Rukifero. Te meꞌe nei i aŋa ai e Ietū ꞌi te meꞌe era ꞌi muri i a ia te ꞌAtua.

Aŋa o te ꞌĀpōtoro 2:22

»E te itaraera ē, ka haka roŋo mai te meꞌe nei ka kī atu ena: A kōrua ko ꞌite riva-riva ꞌana: hai meꞌe nu-nui aŋa e Ietū ꞌe hai mana aŋa e ia i haka takeꞌa atu ai e te ꞌAtua: a Ietū o Nātāreta he taŋata uŋa mai e ia.

Aŋa o te ꞌĀpōtoro 22:8

»He ꞌui e au: “¿Ko ai koe?”. »He pāhono mai e tū reꞌo era: “Ko Ietū o Nātāreta, kope ena e kimi ꞌā e koe mo tōtōā”.

Aŋa o te ꞌĀpōtoro 26:9

»E manaꞌu era a au ꞌi muꞌa ꞌā: te aŋa i te meꞌe taꞌe tano ki te nuꞌu ⌊haka moe i te manaꞌu⌋ ꞌi ruŋa i a Ietū o Nātāreta he meꞌe mau ꞌā ꞌāꞌaku mo aŋa,

Aŋa o te ꞌĀpōtoro 3:6

He kī ia e Pētero: «ꞌIna ōꞌoku moni ꞌe ꞌina ōꞌoku piru. Tāꞌaku meꞌe ai ꞌī e au he vaꞌai atu: hai ꞌīŋoa o Ietū Kiritō o Nātāreta, ka māroa koe ka haꞌere».