Iovani 1:44 - Rapa Nui

⁴⁴ A Feripe o te kona e tahi o Karirea te ꞌīŋoa ko Vetetaira, he kona takoꞌa o Pētero ararua ko Antarea.

Iovani 1:44 ပူးပေါင်းရင်းမြစ်များ

Māteo 10:3

ko Feripe, ko Torometi, ko Tōmā, ko Māteo, kope haka ꞌauhau i te taŋata hai moni mo te rōmano; ko Tanatiako, poki ꞌa Arafeo; ko Tāreo,

Māteo 11:21

«¡Ko te ꞌaroha i a kōrua, e Koratini ꞌe e Vetetaira ē! ꞌĀhani ꞌi Tiro ꞌe ꞌi Tīrone i aŋa ai i te mana aŋa atu ki a kōrua, ko ⌊huri nō era ꞌana te nuꞌu o ira i te rāua manaꞌu ki te ꞌAtua⌋ ꞌe ko haka takeꞌa nō mai era ꞌā hai uru i te kahu aŋa hai pūtē tore ꞌe hai pī-pī i te ꞌeo-ꞌeo a ruŋa i te rāua pūꞌoko.

Marko 3:18

Te meꞌe takoꞌa i toꞌo: ko Antarea, ko Feripe, ko Torometi, ko Māteo, ko Tōmā, ko Tanatiako, poki ꞌa Arafeo, ko Tāreo, ko Tīmona, o roto i te nūnaꞌa he ⌊kananeo⌋,

Marko 6:45

I oti era te meꞌe nei he kī e Ietū ki tāꞌana nuꞌu hāpī mo eke ki ruŋa i te vaka ꞌe mo oho ꞌi raꞌe ki a ia ki Vetetaira; ko ia mo noho mo haka oho i te nuꞌu.

Marko 8:22

He tuꞌu ia a kuā Ietū ki Vetetaira. ꞌI ira i maꞌu ai e te nuꞌu i te taŋata matapō ki a Ietū, he ani mo haka puā hai rima mo ora o tōꞌona mata.

Ruka 10:13

»¡Ko te ꞌaroha i a kōrua, e te nuꞌu o Koratini ē, ꞌe o Vetetaira ē! ꞌĀhani ꞌi Tiro ꞌe ꞌi Tīrone i takeꞌa ai te mana aŋa atu era ki a kōrua, ko ⌊huri nō era ꞌana te nuꞌu o ira i te rāua manaꞌu ki te ꞌAtua⌋ ꞌe ko haka takeꞌa nō era ꞌā hai noho ꞌi roto i te ꞌeo-ꞌeo e uru rō ꞌana i te kahu i aŋa hai pūtē tore.

Ruka 6:14

Ko te nuꞌu nei rā ŋā ꞌāpōtoro: ko Tīmona, nape e Ietū ko Pētero; ko Antarea, taina o Tīmona; ko ⌊Tanatiako⌋, ko ⌊Iovani⌋, ko Feripe, ko Torometi,

Ruka 9:10

I hoki tahi era te ⌊ꞌāpōtoro⌋ uŋa e Ietū, he ꞌaꞌamu ki a ia i te rāua meꞌe taꞌatoꞌa i aŋa. He toꞌo e Ietū i rā nuꞌu ꞌe he oho ananake ki te kona hāhine ki Vetetaira mo noho ko rāua nō.

Iovani 1:43

ꞌI te rua mahana, he eꞌa he oho a Ietū ki Karirea. ꞌI ira i piri ai ki a Feripe ꞌe he kī: «Ka oho mai koe mo taŋata hāpī ꞌāꞌaku».

Iovani 1:45

He eꞌa he oho a Feripe ki a Natanaera ꞌe he kī: —Ko ꞌite ꞌana a mātou, ꞌi te hora nei, ko ai te kope haka ꞌite mai era e Mōtē ꞌi ruŋa i te ŋā puka pāpaꞌi era e ia, ꞌe haka ꞌite takoꞌa mai era e te perofeta. Ko Ietū rā kope, he poki ꞌa ⌊Kōsē⌋ era o Nātāreta.

Iovani 1:46

He kī e Natanaera: —¿E eꞌa mau rō mai e tahi meꞌe riva-riva mai Nātāreta? He pāhono e Feripe: —Ka oho mai, ka uꞌi e koe mau ꞌā hai mata.

Iovani 1:48

He ꞌui e Natanaera: —¿Pē hē koe i ꞌite ai i tōꞌoku huru? He pāhono e Ietū: —Kai piri atu ꞌana a Feripe i takeꞌa rō ai koe e au ꞌi raro i te tumu pika.

Iovani 12:21

He haka hāhine rā nuꞌu ki a Feripe, he kope o Vetetaira, kona o Karirea, he ani: «Ē, e haŋa rō ꞌana a mātou mo māhani ki a Ietū».

Iovani 12:22

He oho a Feripe he kī ki a Antarea, ꞌe ararua i oho i kī ai ki a Ietū.

Iovani 6:5

I uꞌi era a Ietū i te rahi o te taŋata oho ꞌi tuꞌa i a ia, he ꞌui ki a Feripe: —¿Mai hē tātou ka toꞌo mai ena i te haraoa mo hāŋai o te nuꞌu taꞌatoꞌa ena?

Iovani 6:7

He pāhono e Feripe: —Ka ai atu te moni o te piti hānere mahana aŋa, e ko peꞌe te haraoa mo te rahi ena, korohaŋa ka pārehe-rehe riki-riki atu.

Aŋa o te ꞌĀpōtoro 1:13

I tuꞌu era ki Hērutarema, he eke ananake ki te piha o ruŋa o te hare ꞌi ira e noho era. Te nuꞌu nei ko Pētero, ko Iovani, ko ⌊Tanatiako⌋, ko Antarea, ko Feripe, ko Tōmā, ko Torometi, ko Māteo, ko Tanatiako poki ꞌa Arafeo, ko Tīmona he ⌊sērote⌋, ko Hura poki ꞌa Tanatiako.