Iovani 1:38 - Rapa Nui

³⁸ He hārui ia a Ietū, he takeꞌa e oho atu ꞌana ꞌi tuꞌa i a ia, ꞌe he ꞌui: —¿He aha te kōrua meꞌe haŋa? He kī e rā nuꞌu: —E te Maꞌori, e haŋa rō ꞌā a māua mo ꞌite ꞌi kona hē koe e noho ena.

Iovani 1:38 ပူးပေါင်းရင်းမြစ်များ

Ruka 10:39

A Maratuka e ai rō ꞌā tōꞌona taina vahine ko ⌊Māria⌋ te ꞌīŋoa. A ia i noho ai ꞌi te vaꞌe o Ietū e haka roŋo ꞌana i tāꞌana vānaŋa.

Ruka 14:25

E tahi mahana e rahi rō ꞌā te nuꞌu oho ꞌi tuꞌa i a Ietū. He rori ia he kī:

Ruka 15:20

Pē ira, he hoki he oho ki te hare o tōꞌona matuꞌa tane. »ꞌI kōnui era ꞌā i takeꞌa ai e tū taŋata matuꞌa era ka pū mai tū poki era ꞌāꞌana, ꞌe he haka ꞌaroha rō atu ꞌai. He veu he oho, he haꞌi, ꞌai ka hoŋi.

Ruka 19:5

I vari era a ira, he hira a ruŋa he uꞌi ꞌe he kī e Ietū: «E Tākeo, ka topa koe mai ruŋa ena. ꞌArīnā ꞌi tuꞌu hare a au ka noho ena».

Ruka 22:61

He hārui a Ietū he uꞌi ki a Pētero. He topa te manaꞌu o Pētero ki tū meꞌe kī era e Ietū: «ꞌArīnā mau nei ꞌā, e ko ꞌoꞌoa hia te moa, ka kī rō ena e koe e toru kī iŋa kai ꞌite koe ko ai a au».

Ruka 8:38

Te taŋata eꞌa era o te tātane i ani rō ki a Ietū mo haꞌatiꞌa i a ia mo oho ꞌi muri. Kai haꞌatiꞌa e Ietū ꞌai ka kī:

Iovani 1:37

I ŋaroꞌa era i rā vānaŋa, he eꞌa he oho rā ŋā kope ꞌi tuꞌa.

Iovani 1:39

He pāhono e Ietū: —Ka oho mai ka uꞌi ꞌi kona hē. He oho ia he uꞌi e rā ŋā kope i tōꞌona kona noho, ꞌe he noho ꞌi muri i a Ietū mai te hora maha o te ahi-ahi ꞌātā ki te pō.

Iovani 1:49

He kī e Natanaera: —E te Maꞌori, ¡ko koe te Poki o te ꞌAtua, ko koe te ꞌAriki o Itaraera!

Iovani 12:21

He haka hāhine rā nuꞌu ki a Feripe, he kope o Vetetaira, kona o Karirea, he ani: «Ē, e haŋa rō ꞌana a mātou mo māhani ki a Ietū».

Iovani 18:4

ꞌI te ꞌite o Ietū i te meꞌe ka topa era ki a ia, i takeꞌa era i rā nuꞌu he haka hāhine he ꞌui: —¿Ki a ai rā kōrua e kimi ena?

Iovani 18:7

He ꞌui haka ꞌou e Ietū: —¿Ki a ai rā kōrua e kimi ena? He kī haka ꞌou e rā nuꞌu: —Ki a Ietū era o Nātāreta.

Iovani 3:2

he oho ꞌi te pō e tahi uꞌi i a Ietū ꞌe he kī: —E te Maꞌori, ko ꞌite ꞌana a mātou o te ꞌAtua a koe i uŋa mai mo hāpī i te taŋata; ꞌina, paꞌi, e tahi kope aŋa i te mana aŋa e koe mo kore o te ꞌAtua o muri.

Iovani 3:26

He oho ia rā nuꞌu he kī ki a Iovani: —E te Maꞌori, tū kope era ꞌi muri i a koe ꞌi te rua pāꞌiŋa o te rio era ko Horotana, haka ꞌite mai era e koe o ruŋa i a ia, ꞌai e papatito ꞌana, ꞌe e rahi rō ꞌā te nuꞌu oho ki a ia.

Iovani 4:31

ꞌI rā kona, te nuꞌu hāpī ꞌāꞌana e haka koni ꞌā: —E te Maꞌori, ka kai tāꞌau o te meꞌe.

Iovani 6:25

I tuꞌu era rā nuꞌu ki te rua pāꞌiŋa, he ravaꞌa i a Ietū ꞌe he ꞌui: —E te Maꞌori, ¿ꞌi ꞌaŋahē koe i oho mai ai?

Aŋa o te ꞌĀpōtoro 10:21

He topa ia a Pētero he kī ki tū nuꞌu era: —Ki a au kōrua e ꞌui ena. ¿He aha te kōrua meꞌe haŋa i a au?

Aŋa o te ꞌĀpōtoro 10:29

ꞌO ira, i kī mai era e ia mo oho mai ōꞌoku, he oho mai a au. ꞌE hora nei, ko haŋa ꞌana a au mo ꞌite he aha kōrua i uŋa atu ai.