Iovani 1:34 - Rapa Nui

³⁴ Ko takeꞌa ꞌana e au i rā meꞌe, ꞌe ko au te mataꞌite: a ia he Poki o te ꞌAtua».

Iovani 1:34 ပူးပေါင်းရင်းမြစ်များ

Māteo 11:27

He kī ia e Ietū ki te nuꞌu: «Ko vaꞌai tahi mai ꞌana te meꞌe taꞌatoꞌa e tōꞌoku Matuꞌa. ꞌIna e tahi taŋata i ꞌite ko ai te Poki, he Matuꞌa mau nō; ꞌe ꞌina e tahi taŋata i ꞌite ko ai te Matuꞌa, he Poki ꞌe he nuꞌu haŋa mau nō e te Poki mo haka ꞌite.

Māteo 16:16

He pāhono ia e Tīmona, e kī takoꞌa era ko Pētero: —A koe he Kiritō, he Poki o te ꞌAtua ora.

Māteo 17:5

E vānaŋa nō ꞌana a Pētero, i noho ai ꞌi ruŋa i a rāua te raŋi tea-tea ꞌuira e tahi, ꞌe mai roto i eꞌa ai e tahi reꞌo e kī era: «He Poki nā ꞌāꞌaku, Poki haŋa rahi; ꞌi ruŋa i a ia tōꞌoku koa. E haꞌatura kōrua ki a ia».

Māteo 26:63

I mou nō a Ietū. He kī e rā oromatuꞌa: —Mo ai koe he ⌊Kiritō⌋, he Poki o te ꞌAtua, ka kī mai koe hai ꞌīŋoa o te ꞌAtua ora.

Māteo 27:40

e kī era: «¿Taꞌe ꞌō ko koe tū meꞌe kī era he haka hiŋa i te ⌊Kona Haꞌamuri ꞌAtua⌋ ꞌe e toru mahana he haka tuꞌu haka ꞌou e koe? ¡Mo ai, hoꞌi, ōꞌou he Poki o te ꞌAtua, ka haka eꞌa koe i a koe mai te ꞌati ena ꞌe ka topa mai mai ruŋa i te tātaurō!».

Māteo 27:43

Te kope ena e haka moe rō ꞌana i tōꞌona manaꞌu ꞌi ruŋa i te ꞌAtua. ¡Ka haka ora ia e te ꞌAtua ꞌi te hora ena, ana ai e haŋa mau rō ꞌā ki a ia! ¿Taꞌe ꞌō ko kī mai ꞌana he Poki a ia o te ꞌAtua?».

Māteo 27:54

I takeꞌa era e te kape o te vaꞌehau ananake ko te nuꞌu vaꞌehau ꞌāꞌana ꞌauario i a Ietū ꞌi ruŋa i te tātaurō i te mākenu-kenu iŋa o te henua ꞌe i te meꞌe taꞌatoꞌa topa, he toꞌo rō atu ꞌai te riꞌa-riꞌa ꞌe he kī: «¡He aŋi mau ꞌana ꞌō te taŋata nei he Poki o te ꞌAtua!».

Māteo 3:17

He ŋaroꞌa i te reꞌo ka kī mai te raŋi: «He Poki nā ꞌāꞌaku, Poki haŋa rahi; ꞌi ruŋa i a ia tōꞌoku koa».

Māteo 4:3

He haka hāhine ia a Rukifero he kī: —Ē, a koe he Poki o te ꞌAtua, ¿he aha rā koe e taꞌe haka riro ena i te ŋā māꞌea nei he haraoa?

Māteo 4:6

ꞌe he kī: —He Poki koe o te ꞌAtua. Ka rere mai ruŋa nei ki raro. Nā, paꞌi, e hāꞌaki rō ꞌana ꞌi ruŋa i te Pāpaꞌi Moꞌa: «E uŋa rō atu te ꞌAtua i tāꞌana merahi mo hāpaꞌo i a koe. Hai rima o rāua ka maꞌu ena i a koe a ruŋa ꞌo hetu ki te māꞌea».

Māteo 8:29

He haꞌamata e te tātane he ohu: —¡E te Poki o te ꞌAtua ē! ¿He aha taꞌa meꞌe haŋa i a mātou? ¿I oho mai ai koe mo tōtōā mai kai tano hia ꞌā te hora?

Marko 1:1

Te ⌊roŋo riva-riva o ruŋa i a Ietū⌋ he ⌊Kiritō⌋, Poki o te ꞌAtua, i haꞌamata ai

Marko 1:11

He ŋaroꞌa i te reꞌo mai te raŋi ka kī: «A koe he Poki ꞌāꞌaku, Poki haŋa rahi; ꞌi ruŋa i a koe tōꞌoku koa».

Ruka 1:35

He pāhono e te merahi: —E topa rō atu te Vārua Maitai, ꞌe ꞌi ruŋa i a koe ka noho ena te mana o te ꞌAtua. ꞌO ira te poki ka poreko ena ꞌina e ko ravaꞌa e te hara; e kī rō he Poki o te ꞌAtua.

Ruka 3:22

he turu te Vārua Maitai ki ruŋa i a ia tuꞌu pa he pāroma, ꞌe he ŋaroꞌa e tahi reꞌo ꞌi te raŋi e kī era: «A koe he Poki ꞌāꞌaku, Poki haŋa rahi; ꞌi ruŋa i a koe tōꞌoku koa».

Iovani 1:18

ꞌIna e tahi taŋata i takeꞌa i te ꞌAtua; o tāꞌana Poki nō era e tahi, he ꞌAtua, noho ꞌi muri i a ia, i takeꞌa ꞌe i haka ꞌite mai o ruŋa.

Iovani 1:49

He kī e Natanaera: —E te Maꞌori, ¡ko koe te Poki o te ꞌAtua, ko koe te ꞌAriki o Itaraera!

Iovani 10:30

ꞌE, a māua ko te Matuꞌa e tahi mau nō.

Iovani 10:36

¿he aha ia a kōrua e kī ena ko kī ꞌana a au i te vānaŋa taꞌe tano mo te ꞌAtua hora kī era ōꞌoku he Poki au o te ꞌAtua? ꞌĀꞌana, paꞌi, a au i haꞌataꞌa mo te aŋa nei ꞌe i uŋa mai ki te ao nei.

Iovani 11:27

He pāhono e Maratuka: —ꞌĒ-ē. Mōꞌoku, a koe he ⌊Kiritō⌋, he Poki o te ꞌAtua mo oho mai ki te ao nei.

Iovani 19:7

He pāhono e te nuꞌu hūrio ra-rahi: —E ai rō ꞌana te haka tere iŋa e tahi o mātou, ꞌe, ki rā haka tere, te kī o te kope e tahi he Poki a ia o te ꞌAtua he hape taparahi-taꞌata. Te ūtuꞌa mo te hape nei he tiŋaꞌi he haka mate.

Iovani 20:28

I ꞌauē a Tōmā i kī ai: —¡E te Pūꞌoko Haka Tere ōꞌoku ē, e te ꞌAtua ōꞌoku ē!

Iovani 20:31

ꞌE te ŋā meꞌe nei i pāpaꞌi ai mo haka aŋi-aŋi atu: a Ietū he ⌊Kiritō⌋, he Poki o te ꞌAtua, ꞌe, takoꞌa, mo ravaꞌa e kōrua i te ora ꞌāpī ꞌina he hopeꞌa raꞌa hai ⌊haka moe i te manaꞌu⌋ ꞌi ruŋa i a ia.

Iovani 6:69

ꞌE a mātou e haka moe rō ꞌana i te manaꞌu ꞌi ruŋa i a koe ꞌe ko ꞌite ꞌā: he kope moꞌa uŋa mai koe e te ꞌAtua.

2 Kōrinto 1:19

A Ietū Kiritō, Poki era o te ꞌAtua, haka ꞌite atu era e au, e Tira ꞌe e Timoteo, kope taꞌe kī «ꞌē-ē» mo ꞌina, ꞌe «ꞌina» mo ꞌē-ē. A ia he ꞌē-ē mau ꞌā o te ꞌAtua;

ꞌEvereo 7:3

ꞌIna e tahi meꞌe ꞌite e te nuꞌu o ruŋa i te matuꞌa tane ꞌe o ruŋa i te matuꞌa vahine ꞌe o tōꞌona tupuna; pē ira ꞌā o ruŋa i tōꞌona poreko ꞌe o ruŋa i tōꞌona mate. ꞌO ira e tuꞌu rō ꞌā pa he meꞌe ena ē: ko te aŋa ko te oho iŋa ꞌā a ia i tāꞌana aŋa pa he oromatuꞌa ꞌina he hopeꞌa raꞌa, pē Ietū, Poki o te ꞌAtua.

1 Iovani 2:23

Te kope taꞌe haŋa ki te Poki, taꞌe a ia o te ꞌAtua Matuꞌa. ꞌE te kope kī: o te Poki a ia, o te ꞌAtua Matuꞌa takoꞌa a ia.

1 Iovani 3:8

ꞌE te kope aŋa i te meꞌe taꞌe tano ꞌa Rukifero. Mai te haꞌamata iŋa o te ao, paꞌi, a Rukifero e hara e oho mai ena. ꞌE te Poki o te ꞌAtua i oho mai ai mo te meꞌe mau nei ꞌā: mo haka kore i te meꞌe aŋa e Rukifero.

1 Iovani 4:9

Ko haka takeꞌa mai ꞌana e te ꞌAtua i tōꞌona haŋa hai uŋa mai i tāꞌana Poki mau nō era e tahi ki te ao nei mo ravaꞌa e tātou te ora ꞌāpī ꞌina he hopeꞌa raꞌa hai ia.

1 Iovani 5:20

ꞌE, ko ꞌite takoꞌa ꞌā e tātou: ko tuꞌu mai ꞌana te Poki o te ꞌAtua, ꞌe ko vaꞌai mai ꞌā i te mārama-rama mo aŋi-aŋi ko ai te ꞌAtua parautiꞌa. ꞌE hora nei, ananake tātou ko nei ꞌAtua ꞌo te ai a tātou o tāꞌana Poki ko Ietū Kiritō. A ia he ꞌAtua parautiꞌa vaꞌai i te ora ꞌāpī ꞌina he hopeꞌa raꞌa.

2 Iovani 1:9

Te kope ꞌāmui hai hāpī kē i te hāpī parautiꞌa ꞌa Ietū ꞌina he ꞌAtua o muri i a ia, ꞌe te kope haka tano oho i a ia ki rā hāpī ꞌi muri i a ia te ꞌAtua Matuꞌa ꞌe te Poki.

Meꞌe Haka Takeꞌa 2:18

»E pāpaꞌi takoꞌa ki te merahi o te nūnaꞌa taŋata haka moe i te manaꞌu ꞌi ruŋa i a au o Tiatira: “Pē nei te kī o te Poki nei o te ꞌAtua, he kope tuꞌu o te mata pa he ura o te ahi, ꞌe te vaꞌe pa he ꞌaurī pura: