Iovani 1:31 - Rapa Nui

³¹ ꞌI muꞌa ꞌā ꞌina a au kai ꞌite ko ai a ia. E papatito e oho nei a au hai vai mo haka ꞌite ki te itaraera ko ai a ia».

Iovani 1:31 ပူးပေါင်းရင်းမြစ်များ

Māteo 3:13

He oho a Ietū mai Karirea ki te rio era ko Horotana, he kona ꞌi ira a Iovani, mo haka papatito i a ia.

Māteo 3:6

He pinitinia i te rāua hara ꞌe he ⌊papatito⌋ e Iovani ꞌi roto i te rio era ko Horotana.

Ruka 1:17

E oho rō ꞌi muꞌa i te ⌊Kiritō⌋ hai haŋu ꞌe hai pūai tuꞌu pa he haŋu ꞌe pa he pūai o te perofeta era ko ꞌĒria, mo haka hoki o te haŋa o te matuꞌa ki tāꞌana poki ꞌe o te poki ki tōꞌona matuꞌa, ꞌe mo ꞌite o te nuꞌu taꞌe haka roŋo mo haꞌatura. Pē ira ka haka riva-riva ena i te taŋata mo te tuꞌu iŋa mai o te Kiritō.

Iovani 1:30

O ruŋa i a ia tāꞌaku vānaŋa kī atu era pē nei ē: “E ko roa ka tuꞌu mai ena te taŋata ꞌata hōnui ki a au ꞌi te meꞌe era ꞌi raꞌe ki tōꞌoku poreko iŋa ko ai era ꞌana a ia”.

Iovani 1:32

He kī haka ꞌou e Iovani: «Ko takeꞌa ꞌana e au te topa iŋa o te ⌊Vārua Maitai⌋ mai te raŋi pa he pāroma, ꞌe te noho iŋa ꞌi ruŋa i a ia.

Iovani 1:33

ꞌI rā hora kai ꞌite hia ꞌana a au ko ai rā kope. O te ꞌAtua uŋa mai era i a au mo papatito hai vai i kī mai: “Taŋata ena ka takeꞌa ena e koe ko topa ꞌana te Vārua Maitai ꞌe ko noho ꞌana ꞌi ruŋa i a ia, māꞌana e papatito hai Vārua Maitai”.

Iovani 1:7

I oho mai ai pa he mataꞌite mo vānaŋa o ruŋa i rā mōrī mo haka moe o te taŋata taꞌatoꞌa i te rāua manaꞌu ꞌi ruŋa i rā mōrī hai vānaŋa era ꞌāꞌana.

Aŋa o te ꞌĀpōtoro 19:4

He kī e Pauro: —He aŋi ꞌā, a Iovani i papatito rō i te nuꞌu huri i te rāua manaꞌu ki te ꞌAtua haka tapa mai roto i te meꞌe taꞌe tano. ꞌE i kī takoꞌa rō e ia mo haka moe i te manaꞌu ꞌi ruŋa i te kope ꞌi tuꞌa i a ia ka tuꞌu era, te auraꞌa, ko Ietū.