Iovani 1:29 - Rapa Nui29 ꞌI te rua mahana, he takeꞌa e Iovani i a Ietū ka pū e oho atu era. He kī ki te nuꞌu o ira: «¡Ka uꞌi rā kōrua i te taŋata era ai! ¡A ia he Māmoe o te ꞌAtua, he tūtia mo haka kore i te hara o te taŋata! အခန်းကိုကြည့်ပါ။ |
Iovani 1:29
65 ပူးပေါင်းရင်းမြစ်များ
ꞌE he kī e te nuꞌu ki rā viꞌe: «Hora nei ko haka moe ꞌana a mātou i te manaꞌu ꞌi ruŋa i a ia, taꞌe nō ꞌō ꞌo tū meꞌe kī mai era e koe, ꞌo te ai takoꞌa ko ŋaroꞌa ꞌana e mātou mau ꞌana i a ia, ꞌe ko ꞌite ꞌā e mātou ko ia mau ꞌā te kope mo haka eꞌa i a tātou i te taŋata mai roto i te ūtuꞌa o te hara ꞌe mo vaꞌai mai i te ora ꞌāpī ꞌina he hopeꞌa raꞌa».
Te meꞌe nō, ko ꞌite ꞌā e tātou taꞌatoꞌa, ꞌina e tahi kope mo ravaꞌa i rā meꞌe. ꞌO ira ko tano riva-riva ꞌā mo ai ꞌi ruŋa i a tātou i te taŋata te ūtuꞌa kī e te ꞌAtua. ꞌE a Ietū i haka kore i te ūtuꞌa mai ruŋa i a tātou hai ꞌamo e ia i rā ūtuꞌa hora mate era ꞌi ruŋa i te tātaurō. E hāꞌaki rō ꞌana, paꞌi, ꞌi ruŋa i te Pāpaꞌi Moꞌa: «Te ūtuꞌa o te ꞌAtua ꞌi ruŋa i te kope mate ꞌi ruŋa i te tātaurō».
Te ꞌana-ꞌana ꞌe te pūai nui-nui o te ꞌAtua e takeꞌa ena ꞌi ruŋa i tāꞌana Poki; a ia he ꞌāriŋa mau ꞌā o te ꞌAtua, ꞌe ꞌāꞌana te haka noho i te meꞌe taꞌatoꞌa o te ao ꞌi tōꞌona kona hai kī mau nō e ia. I tuꞌu mai era ki te ao nei, he aŋa tahi i tāꞌana meꞌe taꞌatoꞌa mo aŋa mo haka kore e te ꞌAtua i te tātou hara. I oti tahi era nei aŋa, he hoki ki te raŋi ꞌe he noho ꞌi te pāꞌiŋa mataꞌu o te ꞌAtua.
Pē ira takoꞌa a Ietū Kiritō: e tahi mau nō vaꞌai iŋa i a ia mo mate pa he tūtia mo haka kore i te hara o te nuꞌu. ꞌE pe muꞌa ka oho ena he tuꞌu haka ꞌou mai a Ietū taꞌe ꞌō mo vaꞌai haka ꞌou i a ia pa he tūtia mo te hara o te taŋata, mo vaꞌai ki te nuꞌu tiaki ki a ia i te ora ꞌāpī ꞌina he hopeꞌa raꞌa.
ꞌI te hara, paꞌi, o tātou i mate ai te Kiritō, ꞌe tōꞌona mate era mo te hora taꞌatoꞌa. ꞌIna e tahi ꞌāꞌana meꞌe taꞌe tano i aŋa ꞌe, mo haka riva-riva i a tātou ki te ꞌAtua, i ꞌamo ai i te ūtuꞌa o te mate mo tātou, nuꞌu aŋa i te meꞌe taꞌe tano. Ka ai atu i mate rō tōꞌona hakari taŋata, he vārua ōꞌona te meꞌe i taꞌe mate.
ꞌe o Ietū Kiritō, he mataꞌite haka ꞌite i te parautiꞌa o ruŋa i te ꞌAtua, ꞌe tāꞌana vānaŋa he parautiꞌa mau ꞌā. A ia he kope raꞌe ora haka ꞌou mai te mate ꞌe ꞌina kai mate haka ꞌou, ꞌe i a ia te parau mo haka tere i te ꞌariki taꞌatoꞌa o te ao. Te Kiritō e haŋa rō mai ꞌā ki a tātou, ꞌe ko haka eꞌa ꞌana i a tātou mai roto i te hara hai toto tehe era ōꞌona.
E hīmene ꞌana i te hīmene o te tāvini o te ꞌAtua ko ⌊Mōtē⌋ ꞌe i te hīmene o te Māmoe pē nei ē: «Meꞌe nui-nui ꞌe nehe-nehe te meꞌe taꞌatoꞌa aŋa e koe, e te mātou Pūꞌoko Haka Tere, e te mātou ꞌAtua hopeꞌa o te pūai ē. Te haka tere iŋa ōꞌou ananake ko te taŋata haka tere iŋa tī-tika ꞌe parautiꞌa, e te ꞌAriki o te ao ē.
E moto rō ananake ki te Māmoe, ꞌe he rē te Māmoe ki a rāua, ꞌi te meꞌe era he Pūꞌoko Haka Tere o te pūꞌoko haka tere taꞌatoꞌa ꞌe he ꞌAriki o te ꞌariki taꞌatoꞌa. Te nuꞌu i moto ꞌi muri i te Māmoe he nuꞌu taꞌe haka rē i te Māmoe ki te hora hopeꞌa, haꞌataꞌa era e ia māꞌana, kī era mo ⌊haka moe i te manaꞌu⌋ ꞌi ruŋa i a ia».
ꞌE ki te hora hopeꞌa ꞌina e tahi meꞌe taꞌe tano mo oꞌo ki ira. E ko oꞌo te kope haꞌamuri ki te ꞌītoro ꞌe te kope reo-reo. Te nuꞌu nō mo oꞌo he nuꞌu te rāua ꞌīŋoa e pāpaꞌi rō ꞌā ꞌi ruŋa i te puka era o te Māmoe, he puka ꞌi ruŋa i pāpaꞌi ai i te ꞌīŋoa o te nuꞌu i a rāua te ora ꞌāpī ꞌina he hopeꞌa raꞌa vaꞌai e te ꞌAtua.
ꞌI rā hora he takeꞌa e au i te Māmoe e tahi e māroa rō ꞌā ꞌi vāeŋa o te kona era ꞌi ira te pepe ꞌariki, te ŋā meꞌe ora era e hā, ꞌe tū ŋāŋata ra-rahi era. Te Māmoe nei e tuꞌu rō ꞌā pa he meꞌe ena ē: ko tiŋaꞌi ꞌā ꞌe ko tūtia ꞌana. E hitu ōꞌona tara ꞌe e hitu mata; rā ŋā mata ko te ŋā vārua era e hitu o te ꞌAtua uŋa era ki te kona taꞌatoꞌa o te ao.
I toꞌo era he noi he tū-turi ꞌe he haꞌamuri ki rā Māmoe e rā ŋā meꞌe ora era e hā ꞌe e tū ŋā piti ꞌahuru mā maha ŋāŋata ra-rahi era. Taꞌatoꞌa o tū ŋāŋata ra-rahi era e maꞌu rō ꞌā i te arpa ꞌe, takoꞌa, i te poko-poko aŋa hai piru e ꞌī rō ꞌana e te incienso, te auraꞌa: he pure o te nūnaꞌa taŋata haꞌataꞌa e te ꞌAtua māꞌana.
ကြော်ငြာတွေ