Iovani 1:27 - Rapa Nui

²⁷ I tuꞌa i a au ka tuꞌu mai ena. ꞌE, ꞌi tōꞌona hōnui, e ko tano a au mo noi mo kume i te hau o tōꞌona kirivaꞌe.

Iovani 1:27 ပူးပေါင်းရင်းမြစ်များ

Māteo 3:11

»Te parautiꞌa, e papatito atu ena a au hai vai mo takeꞌa e te nuꞌu ko huri ꞌana te kōrua manaꞌu ki te ꞌAtua. ꞌE nā he oho mai te kope māꞌana e papatito atu hai ⌊Vārua Maitai⌋ ꞌe hai ahi. A ia ꞌata hau rō atu ꞌi te pūai ki a au; a au mau nei e ko tano mo maꞌu i tōꞌona kirivaꞌe.

Marko 1:7

ꞌI roto i tāꞌana tātara e kī takoꞌa rō ꞌā: «ꞌI tuꞌa ōꞌoku ka oho mai ena te kope ꞌata hau ꞌi te pūai ki a au; ꞌātā e ko tano a au mo kume i te hau o tōꞌona kirivaꞌe.

Ruka 3:16

ꞌO ira i kī ai e Iovani: —Te parautiꞌa, a au e papatito nei hai vai; ꞌe nā e oho mai ena te kope mo papatito atu hai ⌊Vārua Maitai⌋ ꞌe hai ahi. ꞌAta hau a ia ki a au; ꞌātā e ko tano au mo kume i te hau o tōꞌona kirivaꞌe.

Iovani 1:15

I vānaŋa rō a Iovani o ruŋa i a ia ꞌe pē nei i kī ai: «Ko ia tāꞌaku meꞌe kī atu era: “ꞌI tuꞌa ōꞌoku ka oho mai ena e tahi taŋata ꞌata hōnui ki a au ꞌo te ai ꞌi raꞌe ki tōꞌoku poreko iŋa ko ai era ꞌana a ia”».

Iovani 1:30

O ruŋa i a ia tāꞌaku vānaŋa kī atu era pē nei ē: “E ko roa ka tuꞌu mai ena te taŋata ꞌata hōnui ki a au ꞌi te meꞌe era ꞌi raꞌe ki tōꞌoku poreko iŋa ko ai era ꞌana a ia”.

Iovani 10:41

I rahi rō te taŋata i oho i uꞌi i a Ietū, ꞌe he kī ki a rāua ꞌana: «Ka ai atu kai aŋa a Iovani e tahi mana, te meꞌe taꞌatoꞌa kī era e ia o ruŋa o te taŋata nei he parautiꞌa».

Aŋa o te ꞌĀpōtoro 13:25

I hāhine era a Iovani mo haka mao i rā aŋa, he kī: “Taꞌe ko au te taŋata ena e kōrua e manaꞌu ena. Nā e tuꞌu rō mai e tahi kope ꞌata hau rō atu ki a au, ꞌātā e ko tano a au ni mo kume nō i te hau o tōꞌona kirivaꞌe”.

Aŋa o te ꞌĀpōtoro 19:4

He kī e Pauro: —He aŋi ꞌā, a Iovani i papatito rō i te nuꞌu huri i te rāua manaꞌu ki te ꞌAtua haka tapa mai roto i te meꞌe taꞌe tano. ꞌE i kī takoꞌa rō e ia mo haka moe i te manaꞌu ꞌi ruŋa i te kope ꞌi tuꞌa i a ia ka tuꞌu era, te auraꞌa, ko Ietū.