Iovani 1:25 - Rapa Nui

²⁵ He ꞌui e rā nuꞌu: —Mo ai ia taꞌe koe he Kiritō, taꞌe koe ko ꞌĒria, ꞌe taꞌe takoꞌa koe he perofeta, ¿he aha ia koe e ⌊papatito⌋ ena?

Iovani 1:25 ပူးပေါင်းရင်းမြစ်များ

Māteo 21:11

ꞌE he pāhono e te nuꞌu oho ꞌi muri i a Ietū: —Ko Ietū, he perofeta o Nātāreta, he kona e tahi o Karirea.

Māteo 21:23

I oti era te meꞌe nei, he uru a Ietū ki roto i te Kona Haꞌamuri ꞌAtua. E hāpī nō ꞌana ꞌi roto, he haka hāhine te nuꞌu oromatuꞌa ra-rahi ꞌe te nuꞌu pūꞌoko haka tere hūrio ꞌe he ꞌui: —¿ꞌA ꞌai i vaꞌai atu i te parau mo aŋa ōꞌou i te ŋā meꞌe ena e koe e aŋa ena?

Māteo 3:6

He pinitinia i te rāua hara ꞌe he ⌊papatito⌋ e Iovani ꞌi roto i te rio era ko Horotana.

Iovani 1:24

Tētahi o tū nuꞌu uŋa era mo vānaŋa ki a Iovani he ⌊fariseo⌋.

Aŋa o te ꞌĀpōtoro 5:28

—Ko kī atu ꞌana a mātou mo taꞌe hāpī haka ꞌou o kōrua e tahi meꞌe o ruŋa i te taŋata era ko Ietū. ꞌE, ¿he aha te kōrua meꞌe i aŋa? He ꞌata haka ꞌite he oho o ruŋa i a ia ki te taŋata taꞌatoꞌa ꞌi nei ꞌi Hērutarema, ꞌe ko haŋa takoꞌa ꞌana a kōrua mo tuhi mai i tōꞌona mate ki a mātou.