Iovani 1:21 - Rapa Nui

²¹ He ꞌui haka ꞌou: —¿Ko ai ia a koe? ¿Ko te perofeta era ko ꞌĒria? He kī e Iovani: —Taꞌe a au ko ia. He ꞌata ꞌui e tū nuꞌu era: —¿Ko koe ia te perofeta era mo oho mai? He pāhono: —ꞌIna.

Iovani 1:21 ပူးပေါင်းရင်းမြစ်များ

Māteo 11:14

ꞌE te parautiꞌa, a Iovani ko te perofeta era ko ⌊ꞌĒria⌋ mo tuꞌu mai ꞌi raꞌe ki te Kiritō.

Māteo 16:14

He pāhono e rā nuꞌu: —E ai rō ꞌā te nuꞌu kī ko Iovani Papatito, e ai takoꞌa rō ꞌana te nuꞌu kī ko te perofeta era ko ꞌĒria, ꞌe e ai haka ꞌou rō ꞌā te nuꞌu kī ko Heremia ꞌo he perofeta haka ꞌou e tahi o muꞌa ꞌā.

Māteo 21:11

ꞌE he pāhono e te nuꞌu oho ꞌi muri i a Ietū: —Ko Ietū, he perofeta o Nātāreta, he kona e tahi o Karirea.

Ruka 1:17

E oho rō ꞌi muꞌa i te ⌊Kiritō⌋ hai haŋu ꞌe hai pūai tuꞌu pa he haŋu ꞌe pa he pūai o te perofeta era ko ꞌĒria, mo haka hoki o te haŋa o te matuꞌa ki tāꞌana poki ꞌe o te poki ki tōꞌona matuꞌa, ꞌe mo ꞌite o te nuꞌu taꞌe haka roŋo mo haꞌatura. Pē ira ka haka riva-riva ena i te taŋata mo te tuꞌu iŋa mai o te Kiritō.

Iovani 1:22

He kī: —¿Ko ai ia a koe? Ka hoki nei, paꞌi, mātou e ai te mātou meꞌe mo kī o ruŋa ōꞌou ki te nuꞌu uŋa mai. ¿E ai rō ꞌana taꞌa meꞌe mo kī mai o ruŋa i a koe?

Iovani 1:25

He ꞌui e rā nuꞌu: —Mo ai ia taꞌe koe he Kiritō, taꞌe koe ko ꞌĒria, ꞌe taꞌe takoꞌa koe he perofeta, ¿he aha ia koe e ⌊papatito⌋ ena?

Iovani 6:14

I takeꞌa era e te taŋata i tū mana aŋa era e Ietū he kī: «He aŋi mau ꞌana ꞌō ko te kope ena te perofeta era mo oho mai ki te ao nei».

Iovani 7:40

E ai rō ꞌana te taŋata, i ŋaroꞌa era i te vānaŋa nei, he kī: «Te taŋata era he perofeta mau era ꞌā mo tuꞌu mai».