Iovani 1:19 - Rapa Nui

¹⁹ He vānaŋa nei ꞌa Iovani ꞌi te hora uŋa e te nuꞌu hōnui ⌊hūrio⌋ i te ⌊oromatuꞌa⌋ ꞌe i te ⌊rēvita⌋ mai Hērutarema mo ꞌite ko ai mau a Iovani. He ꞌui e rā nuꞌu: —¿He Kiritō rō koe?

Iovani 1:19 ပူးပေါင်းရင်းမြစ်များ

Iovani 1:7

I oho mai ai pa he mataꞌite mo vānaŋa o ruŋa i rā mōrī mo haka moe o te taŋata taꞌatoꞌa i te rāua manaꞌu ꞌi ruŋa i rā mōrī hai vānaŋa era ꞌāꞌana.

Iovani 10:24

He haka vari e te hūrio ꞌe he ꞌui: —¿ꞌĀtā ki hē koe ka haka mira-mira nō mai ena i te mātou manaꞌu? Hoki he ⌊Kiritō⌋ mau ꞌā koe, ka kī rō mai ꞌai.

Iovani 10:31

He toꞌo haka ꞌou e te hūrio i te māꞌea mo tau ki a Ietū,

Iovani 11:19

ꞌe nuꞌu rahi te nuꞌu hūrio i oho i uꞌi i a Māria ararua ko Maratuka mo ꞌaroha ꞌe mo hokorua ꞌi te rāua ꞌati.

Iovani 2:18

He kī e te nuꞌu hūrio ra-rahi: —Ka aŋa mai koe e tahi mana, ki ꞌite ai mātou i a koe ꞌō te parau mo aŋa i te ŋā meꞌe ena.

Iovani 2:20

He kī e te hūrio: —E maha ꞌahuru mā ono matahiti i aŋa ai te kona nei, ꞌe, ¿i a koe e toru nō mahana ko tuꞌu haka ꞌou ꞌā?

Iovani 5:10

he kī e te hūrio ra-rahi ki tū kope era: —Mahana nei he mahana haka ora; ꞌina he haꞌatiꞌa mo ꞌamo i te hēriki.

Iovani 5:15

He oho ia rā taŋata he ꞌaꞌamu ki te hūrio ra-rahi: a Ietū a ia i haka ora.

Iovani 5:16

He riri ia rā nuꞌu mo Ietū ꞌo te haka ora i te nuꞌu māui-ui ꞌi te mahana haka ora.

Iovani 5:18

Hai meꞌe nei i ꞌata riri ai rā nuꞌu mo Ietū ꞌe he haŋa mo tiŋaꞌi, taꞌe nō ꞌō ꞌo te taꞌe moꞌa i te mahana haka ora, ꞌo te kī takoꞌa: te ꞌAtua he Matuꞌa ōꞌona, ꞌe hai rā kī iŋa i haka tuꞌu ai he ꞌAtua mau ꞌā a ia.

Iovani 6:41

He haꞌamata ia te hūrio ra-rahi he hēŋuꞌi-ŋuꞌi o ruŋa o Ietū ꞌo te kī ko ia te haraoa topa mai era mai te raŋi.

Iovani 6:52

He haꞌamata ia te hūrio he tātake ki a rāua ꞌā: «¿Pē hē te kope nei ana vaꞌai mai i tōꞌona hakari mo kai e tātou?».

Iovani 7:1

I oti era he oho a Ietū ki kona era ki kona era o Karirea. Kai haŋa mo oho ki Hūrea ꞌi te meꞌe era te nuꞌu ⌊hūrio⌋ ra-rahi o ira e haŋa ꞌā mo tiŋaꞌi i a ia.

Iovani 7:11

Te nuꞌu hūrio ra-rahi ia e kimi ꞌana i a Ietū a roto i te nuꞌu o tū kona ŋoŋoro era koia ko kī: «¿ꞌI hē ia tū taŋata era?».

Iovani 7:15

Te nuꞌu ra-rahi o te hūrio ko māere atu ꞌana e kī era: «¿Pē hē ia te kope ena, kai hāpī ia, i ꞌite rō ai i te ŋā meꞌe taꞌatoꞌa ena?».

Iovani 8:22

He kī e te hūrio ra-rahi: —¿E manaꞌu ꞌana ꞌō pēaha te kope era mo tiŋaꞌi i a ia, ꞌo ira e kī mai ena e ko tuꞌu tātou ki te kona ena ōꞌona ka oho ena?

Iovani 8:48

He kī ia e te hūrio ra-rahi: —¿Ko takeꞌa ꞌā? He aŋi mau ꞌā te mātou meꞌe kī: o ⌊Tāmāria⌋ koe ꞌe ꞌi roto i a koe te tātane.

Iovani 8:52

He pāhono e te hūrio: —Ko tano mau ꞌā te manaꞌu o mātou: nā ꞌi roto i a koe te tātane. A ꞌAparahama, paꞌi, ananake ko te perofeta taꞌatoꞌa ko mā-mate tahi ꞌana, ꞌe, ¿nā koe e kī ꞌā te kope haka roŋo i taꞌa vānaŋa, ꞌina e ko mate?

Iovani 8:57

He kī e te hūrio ki a Ietū: —Kai tano ꞌā tuꞌu pae ꞌahuru matahiti, ꞌe, ¿nā koe e kī mai ena ko takeꞌa ꞌana e koe a ꞌAparahama?

Aŋa o te ꞌĀpōtoro 13:25

I hāhine era a Iovani mo haka mao i rā aŋa, he kī: “Taꞌe ko au te taŋata ena e kōrua e manaꞌu ena. Nā e tuꞌu rō mai e tahi kope ꞌata hau rō atu ki a au, ꞌātā e ko tano a au ni mo kume nō i te hau o tōꞌona kirivaꞌe”.

Aŋa o te ꞌĀpōtoro 19:4

He kī e Pauro: —He aŋi ꞌā, a Iovani i papatito rō i te nuꞌu huri i te rāua manaꞌu ki te ꞌAtua haka tapa mai roto i te meꞌe taꞌe tano. ꞌE i kī takoꞌa rō e ia mo haka moe i te manaꞌu ꞌi ruŋa i te kope ꞌi tuꞌa i a ia ka tuꞌu era, te auraꞌa, ko Ietū.

1 Iovani 1:5

Te roŋo hāpī mai era e Ietū Kiritō ꞌe e haka ꞌite atu ena e mātou: te ꞌAtua he Mōrī ꞌe ꞌina he meꞌe pōꞌuri ꞌi ruŋa i a ia.