Iovani 1:17 - Rapa Nui

¹⁷ Hai ⌊Mōtē⌋ te ꞌAtua i haka ꞌite mai ai i tāꞌana roŋo mo tātou, ꞌe hai Ietū Kiritō i haka ꞌite mai ai i tōꞌona haŋa mo tātou ꞌe i te parautiꞌa o ruŋa i a ia.

Iovani 1:17 ပူးပေါင်းရင်းမြစ်များ

Iovani 1:14

Tū Vānaŋa era i riro rō he taŋata ꞌe i noho rō ꞌi muri i a tātou. Ko takeꞌa ꞌana e tātou tōꞌona pūai, pūai vaꞌai e te ꞌAtua Matuꞌa ki tāꞌana Poki era e tahi mau nō. Te haŋa o te ꞌAtua mo tātou ꞌe te parautiꞌa o ruŋa ōꞌona i haka takeꞌa mai ai ꞌi ruŋa i a ia.

Iovani 14:6

He pāhono e Ietū: —Ko au te ara, te parautiꞌa, ꞌe te ora. Hai au mau nō kōrua ana tuꞌu ki te ꞌAtua Matuꞌa.

Iovani 18:37

He ꞌui ia e Pirato: —¿Ka kī ꞌō he ꞌariki mau ꞌā a koe? He pāhono e Ietū: —Nā e koe ko kī ꞌā: he ꞌariki au. I oho mai ai ꞌe i poreko ai a au ꞌi te ao nei mo haka ꞌite i te parautiꞌa. Te nuꞌu taꞌatoꞌa o te parautiꞌa he haka roŋo mai.

Iovani 5:45

»ꞌIna kōrua ko manaꞌu he hāꞌaki kōrua e au ki tōꞌoku Matuꞌa; te kōrua hape ko tuhi era ꞌana e te meꞌe pāpaꞌi era e ⌊Mōtē⌋. A kōrua e manaꞌu ena: hai haka moe i te manaꞌu ꞌi ruŋa i rā meꞌe he ravaꞌa e kōrua i te ora.

Iovani 7:19

»¿Taꞌe ꞌō ko vaꞌai atu ꞌana a ⌊Mōtē⌋ i te haka tere iŋa o te hūrio? ꞌE, ꞌina e tahi o kōrua i haꞌatura. ¿He aha ia a kōrua e haŋa ena mo tiŋaꞌi mai i a au?

Iovani 8:32

he ꞌite kōrua i te parautiꞌa, ꞌe hai nā parautiꞌa he eꞌa kōrua mai te rima o te meꞌe haka ꞌekaravo atu i a kōrua.

Iovani 9:29

Ko ꞌite ꞌana a mātou i vānaŋa rō te ꞌAtua ki a Mōtē, ꞌe te kope ena, kai ꞌite a mātou mai hē i eꞌa mai ai.

Aŋa o te ꞌĀpōtoro 28:23

He haꞌaꞌau ia a Pauro ananake ko tū nuꞌu era i te mahana mo piri haka ꞌou o rāua. I tuꞌu era ki rā mahana, he oho meꞌe rahi nuꞌu ki te hare ꞌi ira e noho era a Pauro. Mai te pōꞌā ki te ahi-ahi i vānaŋa ai a Pauro o ruŋa i te ⌊haka tere iŋa ꞌāpī o te ꞌAtua⌋. E uꞌi ꞌana mo haka aŋi-aŋi riva-riva ki rā nuꞌu o ruŋa i a Ietū hai meꞌe pāpaꞌi e ⌊Mōtē⌋ ꞌe e te perofeta.

Aŋa o te ꞌĀpōtoro 7:38

ꞌE, takoꞌa, hora era ꞌā ꞌi te kona ꞌone taꞌe noho taŋata te itaraera, ko Mōtē te meꞌe i vānaŋa ararua ko te merahi ꞌi ruŋa i te maꞌuŋa ko Tinaī ꞌe i maꞌu i te vānaŋa ki te tātou tupuna. Ki a Mōtē e haka ꞌite era e te merahi i te vānaŋa o te ꞌAtua vaꞌai i te ora ꞌina he hopeꞌa raꞌa mo haka ꞌite mai ki a tātou ki te itaraera.

Rōmano 6:14

Pē ira e ko ai haka ꞌou ꞌi ruŋa i a kōrua te pūai o te hara. Te kōrua ora, paꞌi, ꞌi te riva rahi o te ꞌAtua ꞌe taꞌe ꞌi te haꞌatura ki te ⌊haka tere iŋa ꞌa Mōtē⌋.

2 Kōrinto 1:20

hai ia, paꞌi, e haka tano tahi ena e te ꞌAtua i tāꞌana meꞌe hōrea. ꞌO ira, ꞌi te hora haꞌahana-hana o tātou ki te ꞌAtua e kī nei: «⌊ꞌĀmene⌋».

Karatia 3:17

Iā. Tāꞌaku kī: te hōrea kī era e te ꞌAtua ki a ꞌAparahama ꞌina e ko tano mo haka kore ꞌe mo taꞌe haka hauhaꞌa e te haka tere iŋa ꞌa Mōtē. Te hōrea aŋa era, paꞌi, e te ꞌAtua ki a ꞌAparahama, ko kī era ꞌana ka maha hānere ka toru ꞌahuru matahiti ki te haka tere iŋa era ꞌa Mōtē.

ꞌEvereo 9:22

Ki te haka tere iŋa era ꞌa Mōtē, te rahi raꞌa o te meꞌe e haka maꞌitaki era hai toto. ꞌE ꞌina e ko haka kore i te hara mo taꞌe tehe o te toto.