Iovani 1:16 - Rapa Nui

¹⁶ ꞌE, ꞌi te riva rahi ōꞌona, he haꞌamaitai nō mai te aŋa i a tātou.

Iovani 1:16 ပူးပေါင်းရင်းမြစ်များ

Māteo 13:12

Te kope aŋi-aŋi ꞌe toꞌo mōꞌona i te parautiꞌa o te ꞌAtua he haka ꞌata aŋi-aŋi. ꞌE te kope ꞌina he toꞌo i rā meꞌe mōꞌona, ꞌātā ki te meꞌe ꞌiti-ꞌiti ꞌite e ia o ruŋa i te ꞌAtua ka toꞌo ena.

Māteo 3:11

»Te parautiꞌa, e papatito atu ena a au hai vai mo takeꞌa e te nuꞌu ko huri ꞌana te kōrua manaꞌu ki te ꞌAtua. ꞌE nā he oho mai te kope māꞌana e papatito atu hai ⌊Vārua Maitai⌋ ꞌe hai ahi. A ia ꞌata hau rō atu ꞌi te pūai ki a au; a au mau nei e ko tano mo maꞌu i tōꞌona kirivaꞌe.

Māteo 3:14

A Iovani kai haŋa ꞌi raꞌe mo papatito i a Ietū ꞌe he kī: —¿Taꞌe ꞌō ko au te meꞌe mo papatito mai e koe? ꞌE, ka ai atu pē ira, ¿e oho mai ꞌā koe mo papatito atu e au?

Ruka 21:15

Māꞌaku e vaꞌai atu i te vānaŋa mārama-rama mo pāhono ki rā nuꞌu ꞌo ravaꞌa e tahi meꞌe mo kī i te kōrua reo-reo e te nuꞌu te rāua manaꞌu mau nō he tōtōā i a kōrua.

Iovani 3:34

Te kope uŋa mai e te ꞌAtua e haka ꞌite ꞌana i te vānaŋa o te ꞌAtua; i a ia, paꞌi, te pūai o te Vārua Maitai i vaꞌai ai e te ꞌAtua.

Rōmano 5:17

Hai hara o te kope mau nō e tahi e mate ena te taŋata taꞌatoꞌa, ꞌe hai meꞌe aŋa e te taŋata mau nō e tahi ko Ietū Kiritō, e ai ena te meꞌe nui-nui. Hai ia, paꞌi, e ai ena, i te nuꞌu taꞌatoꞌa tano ki te mata o te ꞌAtua, te ora ꞌāpī ꞌina he hopeꞌa raꞌa hai riva rahi ōꞌona taꞌe e ꞌauhau, ꞌe a rāua ka haka tere ena ꞌi muri i a Ietū.

Rōmano 5:2

ꞌE, takoꞌa, hai haka moe i te manaꞌu ꞌi ruŋa i a Ietū e ꞌite nei a tātou o ruŋa i te riva rahi o te ꞌAtua, ꞌe e noho nei ꞌi roto. E koa rahi nei a tātou ꞌo te ai, pe muꞌa ka oho ena, i a tātou te huru riva o te ꞌAtua, he roa haŋa ꞌāꞌana mo tātou.

Rōmano 5:20

Te ꞌAtua i vaꞌai ai i te ⌊haka tere iŋa ꞌa Mōtē⌋ mo aŋi-aŋi e te taŋata he aŋi mau ꞌana e rahi rō ꞌana te rāua hara. ꞌE, ka ai atu e rahi rō ꞌā te hara, te ꞌAtua i haka ꞌite rō mai: ꞌata hau rō atu ki te hara tōꞌona riva rahi.

Rōmano 8:9

ꞌE, a kōrua ꞌina he haka tere haka ꞌou hai manaꞌu taŋata; e haka tere ena hai Vārua Maitai ꞌo te ai nā ꞌi roto i a kōrua te Vārua o te ꞌAtua. Te nuꞌu ꞌina he Vārua o te ⌊Kiritō⌋ o roto i a rāua, taꞌe o te Kiritō.

Ēfeto 1:23

a rāua he hakari ōꞌona. Mai i a ia e ravaꞌa ena e rāua i te ora ꞌe i te pūai; ꞌāꞌana, paꞌi, te vaꞌai i te ora ki te meꞌe taꞌatoꞌa o te ao.

Ēfeto 3:19

Ka ai atu ꞌina e tahi kope mo aŋi-aŋi riva-riva i te rahi o tōꞌona haŋa mo te taŋata, tāꞌaku meꞌe ani ki te ꞌAtua, he ꞌata haka ꞌite he oho atu ꞌi roto i te kōrua māhatu i te haŋa o Ietū Kiritō mo kōrua, ꞌātā ka riro rō te kōrua huru, pa he huru riva ōꞌona ꞌina e tahi hape.

Kōrosa 1:19

I a Ietū Kiritō te huru ꞌe te pūai taꞌatoꞌa o te ꞌAtua; pē ira i haŋa ai e te ꞌAtua.

Kōrosa 2:3

Māꞌana mau nō e hāꞌūꞌū mai mo aŋi-aŋi riva-riva i te roŋo nui-nui nei.

1 Pētero 1:11

Te meꞌe o rāua i haŋa mo aŋi-aŋi o rā roŋo: a hē ꞌe pē hē ka tano te meꞌe kī era ki a rāua e te Vārua o te ⌊Kiritō⌋ pē nei ē: e topa rō te ꞌati ꞌi ruŋa i te Kiritō ꞌe ki oti he haka nui-nui.

1 Pētero 1:2

Te manaꞌu o te ꞌAtua Matuꞌa i haꞌataꞌa ai i a kōrua: mo haka riro i a kōrua he nuꞌu ꞌina e tahi hara haꞌataꞌa māꞌana hai Vārua Maitai ꞌe haꞌatura ki a Ietū ꞌi te haka kore e te ꞌAtua i te kōrua hara hai toto tehe era o Ietū ꞌi ruŋa i te tātaurō. Ka rahi ka oho nō te riva rahi ꞌe te haumārū o te ꞌAtua ꞌi ruŋa i a kōrua.