Iovani 1:14 - Rapa Nui

¹⁴ Tū Vānaŋa era i riro rō he taŋata ꞌe i noho rō ꞌi muri i a tātou. Ko takeꞌa ꞌana e tātou tōꞌona pūai, pūai vaꞌai e te ꞌAtua Matuꞌa ki tāꞌana Poki era e tahi mau nō. Te haŋa o te ꞌAtua mo tātou ꞌe te parautiꞌa o ruŋa ōꞌona i haka takeꞌa mai ai ꞌi ruŋa i a ia.

Iovani 1:14 ပူးပေါင်းရင်းမြစ်များ

Māteo 1:16

A Hākovo he matuꞌa o Kōsē, kenu ꞌa ⌊Māria⌋, matuꞌa vahine o Ietū, kope kī e tātou he ⌊Kiritō⌋.

Ruka 2:11

ꞌI ꞌaŋarīnā, ꞌi te kona poreko o Tāvita ko Vērene, i poreko ai te ⌊Kiritō⌋, he Pūꞌoko Haka Tere o tātou; māꞌana e haka eꞌa i te taŋata mai roto i te ūtuꞌa o te hara ꞌe e vaꞌai i te ora ꞌāpī ꞌina he hopeꞌa raꞌa o te ꞌAtua.

Ruka 2:7

He poreko poki tane, poki ꞌatariki ꞌa Māria. He haꞌī hai kahu ꞌe he haka moe ꞌi roto i te meꞌe hāŋai puaꞌa. A rāua, paꞌi, ꞌi te kona hāpaꞌo puaꞌa, ꞌi te meꞌe ko ꞌī tahi ꞌā te hare e te taŋata.

Ruka 9:32

A kuā Pētero ia e hāꞌuru ꞌā. I ꞌara era he takeꞌa i te pūai ꞌana-ꞌana o Ietū ꞌe i tū ŋā kope era hoko rua.

Iovani 1:1

ꞌI te hora era kai aŋa ꞌā te ao, ko ai era ꞌana te Vānaŋa, ꞌe rā Vānaŋa ararua ko te ꞌAtua ꞌe a ia he ꞌAtua.

Iovani 11:40

He kī haka ꞌou e Ietū: —¿Kai kī atu ꞌō e au, mo haka moe mai ōꞌou i tuꞌu manaꞌu ꞌi ruŋa i a au, he takeꞌa e koe i te pūai o te ꞌAtua?

Iovani 14:6

He pāhono e Ietū: —Ko au te ara, te parautiꞌa, ꞌe te ora. Hai au mau nō kōrua ana tuꞌu ki te ꞌAtua Matuꞌa.

Iovani 14:9

He pāhono e Ietū: —E Ripe, ꞌi muri i a kōrua ꞌana a au, ꞌe, ¿kai aŋi-aŋi ꞌā e koe ko ai a au? Te kope takeꞌa i a au ko takeꞌa ꞌā i te Matuꞌa. ¿He aha ia a koe e kī mai ena mo haka takeꞌa atu ōꞌoku i te Matuꞌa?

Iovani 17:22

»Te nuꞌu vaꞌai mai era e koe ko haka nui-nui ꞌana e au pa he haka nui-nui iŋa mai era ōꞌou i a au, mo riro o rāua e tahi mau nō pē tātou.

Iovani 17:24

»E Koro, ꞌāꞌau a rāua i vaꞌai mai, ꞌe e haŋa rō ꞌana a au mo noho atu o rāua ꞌi te kona ꞌi ira a au ka noho nei, ki takeꞌa ai i te pūai ꞌe i te nui-nui vaꞌai mai e koe, he haŋa mai ōꞌou mai te hora era ꞌā kai aŋa ꞌana i te ao.

Iovani 18:37

He ꞌui ia e Pirato: —¿Ka kī ꞌō he ꞌariki mau ꞌā a koe? He pāhono e Ietū: —Nā e koe ko kī ꞌā: he ꞌariki au. I oho mai ai ꞌe i poreko ai a au ꞌi te ao nei mo haka ꞌite i te parautiꞌa. Te nuꞌu taꞌatoꞌa o te parautiꞌa he haka roŋo mai.

Iovani 2:11

Te meꞌe aŋa nei e Ietū ꞌi Kānā o Karirea he mana raꞌe aŋa e ia. Pē ira i takeꞌa ai i tōꞌona nui-nui ꞌe he haka moe rō ꞌai tāꞌana nuꞌu hāpī i te manaꞌu ꞌi ruŋa i a ia.

Iovani 3:16

»ꞌI te haŋa rahi o te ꞌAtua ki te taŋata taꞌatoꞌa o te ao, he vaꞌai i tāꞌana Poki mau nō era e tahi mo mate, ꞌe nuꞌu nō era mo haka moe i te manaꞌu ꞌi ruŋa, e ko haka tapa e te ꞌAtua mai muri i a ia ꞌe e ko haka ūtuꞌa; he vaꞌai i te ora ꞌāpī ꞌina he hopeꞌa raꞌa.

Iovani 3:18

»Te taŋata haka moe i tōꞌona manaꞌu ꞌi ruŋa i te Poki o te ꞌAtua e ko haka ūtuꞌa; ꞌe te taŋata taꞌe haka moe i te manaꞌu ꞌi ruŋa i a ia ko ai era ꞌana te ūtuꞌa mōꞌona ꞌo te taꞌe haka moe i te manaꞌu ꞌi ruŋa i te Poki mau nō era e tahi o te ꞌAtua.

Iovani 6:51

Ko au mau ꞌana te haraoa ora topa mai era mai te raŋi; te kope kai i te haraoa nei he ravaꞌa i te ora ꞌāpī ꞌina he hopeꞌa raꞌa. ꞌE nei haraoa he hakari mau nei ꞌā ōꞌoku. He vaꞌai e au mo ravaꞌa e te taŋata o te henua taꞌatoꞌa i te ora ꞌāpī».

Iovani 8:32

he ꞌite kōrua i te parautiꞌa, ꞌe hai nā parautiꞌa he eꞌa kōrua mai te rima o te meꞌe haka ꞌekaravo atu i a kōrua.

Aŋa o te ꞌĀpōtoro 13:33

ꞌī ko haka tano ꞌā ꞌi te tātou taꞌu nei hai haka ora e ia i a Ietū mai te mate. ꞌI te puka o te hīmene ꞌi te rua hīmene i pāpaꞌi ai o ruŋa i te meꞌe nei pē nei ē: “A koe he poki ꞌāꞌaku; ꞌe ꞌi te hora nei ko haka ꞌite mau ꞌā e au ko au tuꞌu Matuꞌa”.

Rōmano 8:3

Te ꞌAtua ko aŋa ꞌā i te meꞌe taꞌe ravaꞌa e te ⌊haka tere iŋa ꞌa Mōtē⌋ mo aŋa, ꞌi te pūai kore o te taŋata. Ko haka kore ꞌā i te pūai o te hara mai ruŋa i te taŋata hai uŋa mai i tāꞌana Poki pa he taŋata ꞌe pa he tūtia mo ꞌamo e tōꞌona hakari i te ūtuꞌa o te tātou hara.

Rōmano 9:5

Ko rāua te hakaara o te tātou tupuna, ꞌe mai i a rāua i poreko ai te Kiritō. A ia, paꞌi, he ꞌAtua o te meꞌe taꞌatoꞌa ꞌe ki a ia ana haꞌahana-hana ꞌātā ki te hopeꞌa raꞌa. ⌊ꞌĀmene⌋.

1 Kōrinto 15:47

Te taŋata raꞌe era ko ꞌĀtamu hai ꞌōꞌone i aŋa ai, ꞌi te meꞌe era o te ao nei a ia. ꞌE te rua ꞌĀtamu ko Ietū Kiritō, ꞌe a ia o te raŋi.

2 Kōrinto 12:9

ꞌE pē nei i kī mai ai: «ꞌIna. Ko haꞌatiꞌa ꞌana, paꞌi, e au mo māui-ui ōꞌou, mo aŋi-aŋi e koe pē nei ē: hai riva rahi nei ōꞌoku ꞌina aꞌu meꞌe haŋa toe mo haꞌaoromaꞌi i te ꞌati taꞌatoꞌa piri atu, ꞌe mo aŋi-aŋi takoꞌa ōꞌou: te pūai ōꞌoku e ꞌata takeꞌa ena ꞌi te hora hāꞌūꞌū ōꞌoku ki te nuꞌu pūai kore». Pē ira a Ietū i kī mai ai. ꞌO ira e koa rō ꞌana a au ꞌe e teꞌo-teꞌo rō ꞌana o tōꞌoku taꞌe pūai, mo ꞌite e te nuꞌu pē nei ē: hai pūai mau nō o te Kiritō a au e tāvini nei ki a ia.

Karatia 4:4

ꞌE, i tano era te hora, he uŋa mai e te ꞌAtua i tāꞌana Poki ꞌe he haka poreko mai roto i te viꞌe haꞌatura ki te ⌊haka tere iŋa ꞌa Mōtē⌋,

Ēfeto 3:8

Te tētahi nuꞌu haꞌataꞌa e te ꞌAtua māꞌana i hau rō atu ki a au. Ka ai atu pē ira, i vaꞌai nō mai ki a au e te ꞌAtua i te aŋa he haka ꞌite ki te nuꞌu taꞌe hūrio i te roŋo o ruŋa i te hauhaꞌa mo vaꞌai e te ⌊Kiritō⌋ ki a rāua, hauhaꞌa e ko ravaꞌa mo aŋi-aŋi hai manaꞌu taŋata mau nō.

Kōrosa 1:19

I a Ietū Kiritō te huru ꞌe te pūai taꞌatoꞌa o te ꞌAtua; pē ira i haŋa ai e te ꞌAtua.

Kōrosa 2:3

Māꞌana mau nō e hāꞌūꞌū mai mo aŋi-aŋi riva-riva i te roŋo nui-nui nei.

Kōrosa 2:9

Te huru ꞌe te pūai taꞌatoꞌa, paꞌi, o te ꞌAtua i a Ietū Kiritō, ka ai atu tōꞌona hakari hakari taŋata.

1 Timoteo 3:16

He meꞌe nui-nui mau ꞌana te parautiꞌa haka ꞌite mai era e te ꞌAtua pē nei ē: Te Kiritō i tuꞌu mai ai pa he taŋata, i haka ꞌite rō mai e te ⌊Vārua Maitai⌋ he Poki o te ꞌAtua, ꞌe he merahi te mataꞌite. Te roŋo riva-riva o ruŋa i a ia i haka ꞌite rō ki te hau taꞌatoꞌa, i haka moe rō te manaꞌu o te taŋata ꞌi ruŋa i a ia, ꞌe i toꞌo rō e te ꞌAtua ki muri i a ia.

ꞌEvereo 1:3

Te ꞌana-ꞌana ꞌe te pūai nui-nui o te ꞌAtua e takeꞌa ena ꞌi ruŋa i tāꞌana Poki; a ia he ꞌāriŋa mau ꞌā o te ꞌAtua, ꞌe ꞌāꞌana te haka noho i te meꞌe taꞌatoꞌa o te ao ꞌi tōꞌona kona hai kī mau nō e ia. I tuꞌu mai era ki te ao nei, he aŋa tahi i tāꞌana meꞌe taꞌatoꞌa mo aŋa mo haka kore e te ꞌAtua i te tātou hara. I oti tahi era nei aŋa, he hoki ki te raŋi ꞌe he noho ꞌi te pāꞌiŋa mataꞌu o te ꞌAtua.

ꞌEvereo 1:5

Te ꞌAtua ꞌina kai kī ki te merahi pē nei ē: «He Poki koe ꞌāꞌaku, ꞌe ꞌi ꞌaŋarīnā he haka takeꞌa e au: a au he Matuꞌa ōꞌou». ꞌE ꞌina kai kī takoꞌa mo te merahi: «He ai a au he matuꞌa mōꞌona, ꞌe a ia mo poki ꞌāꞌaku».

ꞌEvereo 10:5

ꞌO ira, hora tuꞌu mai era o Ietū ki te ao nei i kī ai ki te ꞌAtua: «ꞌIna ꞌō koe he koa ki te tūtia o te ꞌanimare ꞌe ki te tētahi atu meꞌe haka ꞌou mo vaꞌai atu; he hakari ōꞌoku taꞌa meꞌe i vaꞌai mai mo tūtia atu.

ꞌEvereo 2:11

Te kope ꞌāꞌana te haka tano i te taŋata ki te mata o te ꞌAtua ꞌe te nuꞌu haka kore e ia i te hape o tū Matuꞌa tahi ꞌana a rāua. ꞌO ira te Poki o te ꞌAtua e taꞌe haꞌamā ena mo kī he taina rāua ōꞌona.

ꞌEvereo 5:5

Pē ira takoꞌa ꞌana te ⌊Kiritō⌋, taꞌe ꞌāꞌana i haꞌataꞌa i a ia mo oromatuꞌa hopeꞌa o te ra-rahi. O te ꞌAtua i vaꞌai i te aŋa nui-nui era; ꞌāꞌana, paꞌi, i kī: «He Poki koe ꞌāꞌaku, ꞌe ꞌi ꞌaŋarīnā he haka takeꞌa e au: a au he Matuꞌa ōꞌou».

1 Iovani 4:14

ꞌE o mātou mau ꞌana i takeꞌa ꞌe i haka ꞌite pē nei ē: te Matuꞌa ko uŋa mai ꞌana i tāꞌana Poki mo eꞌa o te taŋata o te ao mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa hai ia.

1 Iovani 4:9

Ko haka takeꞌa mai ꞌana e te ꞌAtua i tōꞌona haŋa hai uŋa mai i tāꞌana Poki mau nō era e tahi ki te ao nei mo ravaꞌa e tātou te ora ꞌāpī ꞌina he hopeꞌa raꞌa hai ia.

2 Iovani 1:7

ꞌI te kona taꞌatoꞌa o te ao e noho mai ena meꞌe rahi nō atu nuꞌu reo-reo e kī ena kai oho mai a Ietū hai hakari taŋata. Te kope kī pē ira he kope haꞌavare ꞌe he kope taꞌe haŋa ki te ⌊Kiritō⌋.

Meꞌe Haka Takeꞌa 19:13

ꞌE tōꞌona ꞌīŋoa takoꞌa: «He Vānaŋa o te ꞌAtua». Te kope nei e uru rō ꞌana i te kahu ko haka ruku ꞌā ꞌi roto i te toto.

Meꞌe Haka Takeꞌa 21:3

ꞌE he ŋaroꞌa e au i te reꞌo pūai e tahi mai te kona pepe noho ꞌariki era e kī ꞌā: «Mai te hora nei pe muꞌa, ka noho ena te ꞌAtua ꞌi muri i tāꞌana taŋata. Ki a ia a rāua ka haꞌatura tahi ena. ꞌE ꞌina he ꞌAtua e ko haka rē i a rāua ki te hora hopeꞌa.