Iovani 1:11 - Rapa Nui

¹¹ Ki te ao aŋa era e ia i oho mai ai, ꞌe kai tapa atu e te rahi raꞌa o tōꞌona taŋata.

Iovani 1:11 ပူးပေါင်းရင်းမြစ်များ

Māteo 15:24

He kī e Ietū: —I uŋa mai ai i a au e te ꞌAtua ki te itaraera mau nō. A rāua pa he māmoe ꞌā ko ŋaro ꞌana.

Ruka 19:14

»Te nuꞌu o rā henua ꞌina he haŋa ki rā taŋata. He uŋa ia ꞌi tuꞌa ꞌā i te nuꞌu mo kī ki te kope māꞌana e haka ꞌariki: “Kai haŋa a mātou ki te taŋata ena mo ꞌariki o mātou”.

Iovani 1:10

I noho rō te Vānaŋa ꞌi ruŋa i te henua, ꞌe, ka ai atu hai ia te ꞌAtua i aŋa ai i te ao, kai ꞌite e te taŋata ko ai a ia.

Iovani 1:12

ꞌE te nuꞌu toꞌo ꞌe haka moe i te manaꞌu ꞌi ruŋa i a ia, ki a rāua i vaꞌai ai i te parau mo riro he ŋā poki o te ꞌAtua.

Iovani 19:27

ꞌE ki tū kope hāpī era ꞌāꞌana i kī ai: «Nā tuꞌu matuꞌa vahine nā; māꞌau a ia e hāpaꞌo». ꞌE mai rā hora i hāpaꞌo ai e rā kope i te matuꞌa vahine o Ietū.

Iovani 3:32

ꞌe e haka ꞌite mai ꞌana o ruŋa o tāꞌana meꞌe i ŋaroꞌa ꞌe i takeꞌa, ꞌe taŋata taꞌe rahi te taŋata i haka roŋo ki tāꞌana vānaŋa.

Aŋa o te ꞌĀpōtoro 13:26

»E tōꞌoku taina haka ara takoꞌa mai i a ⌊ꞌAparahama⌋ ꞌe e te taŋata o te rua henua moꞌa i te ꞌAtua ē: te roŋo riva-riva o te eꞌa iŋa o te taŋata mai roto i te ūtuꞌa o te hara ꞌe te ravaꞌa iŋa i te ora ꞌāpī ꞌina he hopeꞌa raꞌa mo tātou taꞌatoꞌa.

Aŋa o te ꞌĀpōtoro 13:46

A Pauro ꞌe a Verenāvē, ꞌina he riꞌa-riꞌa, he pāhono: «Te vānaŋa o te ꞌAtua ꞌi raꞌe a māua ana haka ꞌite atu ki a kōrua ki te hūrio. I taꞌe haŋa ena e kōrua ki tāꞌana vānaŋa, e takeꞌa ena: a kōrua he nuꞌu ꞌina he tano mo te ora ꞌāpī ꞌina he hopeꞌa raꞌa vaꞌai e te ꞌAtua. ꞌO ira, hora nei he oho a māua ki te nuꞌu taꞌe he hūrio.

Aŋa o te ꞌĀpōtoro 21:6

I oti era te ꞌaroha, he eke a mātou ki ruŋa i te pahī, ꞌe he hoki rā nuꞌu ki te rāua hare.

Rōmano 15:8

ꞌIna ko rehu i a kōrua: a Ietū i oho mai ai mo tāvini ki te ⌊hūrio⌋, mo tano o te hōrea vaꞌai era ki te mātou tupuna ꞌi muꞌa ꞌā, ꞌe mo haka takeꞌa: te ꞌAtua e haka tano rō ꞌana i tāꞌana hōrea.

Rōmano 9:1

Pa he taŋata haka moe au i te manaꞌu ꞌi ruŋa i a Ietū Kiritō, he parautiꞌa tāꞌaku meꞌe nei ka kī atu ena, taꞌe he reo-reo. O te ⌊Vārua Maitai⌋ te ꞌata haka aŋi-aŋi mai he parautiꞌa mau ꞌā tōꞌoku manaꞌu:

Rōmano 9:5

Ko rāua te hakaara o te tātou tupuna, ꞌe mai i a rāua i poreko ai te Kiritō. A ia, paꞌi, he ꞌAtua o te meꞌe taꞌatoꞌa ꞌe ki a ia ana haꞌahana-hana ꞌātā ki te hopeꞌa raꞌa. ⌊ꞌĀmene⌋.

Karatia 4:4

ꞌE, i tano era te hora, he uŋa mai e te ꞌAtua i tāꞌana Poki ꞌe he haka poreko mai roto i te viꞌe haꞌatura ki te ⌊haka tere iŋa ꞌa Mōtē⌋,