Iovani 1:1 - Rapa Nui

¹ ꞌI te hora era kai aŋa ꞌā te ao, ko ai era ꞌana te Vānaŋa, ꞌe rā Vānaŋa ararua ko te ꞌAtua ꞌe a ia he ꞌAtua.

Iovani 1:1 ပူးပေါင်းရင်းမြစ်များ

Māteo 1:23

«E tahi uka kai moe ꞌā e te taŋata e tupu rō te poki ꞌe he poreko poki tane. He nape i te ꞌīŋoa ko ꞌEmanuera». Te haꞌaauraꞌa o te ꞌīŋoa nei: «He ꞌAtua ꞌi muri i a tātou».

Ruka 24:53

Te aŋa ananake he noho ꞌi te ⌊Kona Haꞌamuri ꞌAtua⌋ ꞌe he haꞌahana-hana ki a ia.

Iovani 1:14

Tū Vānaŋa era i riro rō he taŋata ꞌe i noho rō ꞌi muri i a tātou. Ko takeꞌa ꞌana e tātou tōꞌona pūai, pūai vaꞌai e te ꞌAtua Matuꞌa ki tāꞌana Poki era e tahi mau nō. Te haŋa o te ꞌAtua mo tātou ꞌe te parautiꞌa o ruŋa ōꞌona i haka takeꞌa mai ai ꞌi ruŋa i a ia.

Iovani 1:18

ꞌIna e tahi taŋata i takeꞌa i te ꞌAtua; o tāꞌana Poki nō era e tahi, he ꞌAtua, noho ꞌi muri i a ia, i takeꞌa ꞌe i haka ꞌite mai o ruŋa.

Iovani 1:2

Ko ai nō era ꞌana te Vānaŋa ꞌi rā hora ararua ko te ꞌAtua.

Iovani 16:28

Mai te Matuꞌa a au i oho mai ai ki te ao nei, ꞌe, hora nei, he haka rē a au i te ao ꞌe he hoki a au ki a ia.

Iovani 17:5

ꞌE, ꞌi te hora nei, e Koro ē, ka haka takeꞌa haka ꞌou koe i tōꞌoku pūai ꞌe i tōꞌoku nui-nui ai i a au ꞌi te hora era ōꞌoku ꞌi muꞌa i a koe ꞌā, hora kai aŋa ꞌana i te ao.

Iovani 20:28

I ꞌauē a Tōmā i kī ai: —¡E te Pūꞌoko Haka Tere ōꞌoku ē, e te ꞌAtua ōꞌoku ē!

Iovani 8:58

He pāhono e Ietū: —ꞌĪ a au he kī atu i te parautiꞌa: ko ai era ꞌana a au i poreko mai ai a ꞌAparahama.

Rōmano 9:5

Ko rāua te hakaara o te tātou tupuna, ꞌe mai i a rāua i poreko ai te Kiritō. A ia, paꞌi, he ꞌAtua o te meꞌe taꞌatoꞌa ꞌe ki a ia ana haꞌahana-hana ꞌātā ki te hopeꞌa raꞌa. ⌊ꞌĀmene⌋.

Ēfeto 3:9

ꞌE ko vaꞌai takoꞌa mai ꞌana i te aŋa he haka aŋi-aŋi ōꞌoku ki te taŋata taꞌatoꞌa pē hē i haka tano ai e ia i tāꞌana meꞌe manaꞌu era mo aŋa. Te ꞌAtua, kope ꞌāꞌana i aŋa i te meꞌe taꞌatoꞌa, ko haka ꞌite mai ꞌana i tāꞌana meꞌe manaꞌu era mo aŋa, he meꞌe taꞌe haka ꞌite era ki te taŋata ꞌi muꞌa ꞌā,

Fīripo 2:6

pē nei ē: Ka ai atu a ia he ꞌAtua, i haŋa nō mo haka rē i rā tōroꞌa

Kōrosa 1:15

O te ⌊Kiritō⌋ te haka ꞌite mai i te huru o te ꞌAtua, kope ꞌina he takeꞌa e tātou. Te Kiritō ko ai era ꞌana ꞌi raꞌe ki te aŋa i te ao, ꞌe i hau rō atu ki te meꞌe taꞌatoꞌa aŋa e te ꞌAtua.

Kōrosa 1:17

Ko ai era ꞌana te Kiritō ki te meꞌe taꞌatoꞌa, ꞌe hai ia e noho tahi ena ꞌi tōꞌona kona.

1 Timoteo 3:16

He meꞌe nui-nui mau ꞌana te parautiꞌa haka ꞌite mai era e te ꞌAtua pē nei ē: Te Kiritō i tuꞌu mai ai pa he taŋata, i haka ꞌite rō mai e te ⌊Vārua Maitai⌋ he Poki o te ꞌAtua, ꞌe he merahi te mataꞌite. Te roŋo riva-riva o ruŋa i a ia i haka ꞌite rō ki te hau taꞌatoꞌa, i haka moe rō te manaꞌu o te taŋata ꞌi ruŋa i a ia, ꞌe i toꞌo rō e te ꞌAtua ki muri i a ia.

Tito 2:13

ꞌātā ka tuꞌu rō mai te meꞌe nui-nui tiaki e tātou: he hoki iŋa haka ꞌou mai o te tātou ꞌAtua pūai ko Ietū Kiritō, kope haka eꞌa i te taŋata mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa.

ꞌEvereo 13:8

E te taina, ko tū manaꞌu ꞌā te manaꞌu o Ietū Kiritō ꞌi muꞌa ꞌā, ꞌi ꞌaŋarīnā ꞌe ki te hora hopeꞌa.

ꞌEvereo 7:3

ꞌIna e tahi meꞌe ꞌite e te nuꞌu o ruŋa i te matuꞌa tane ꞌe o ruŋa i te matuꞌa vahine ꞌe o tōꞌona tupuna; pē ira ꞌā o ruŋa i tōꞌona poreko ꞌe o ruŋa i tōꞌona mate. ꞌO ira e tuꞌu rō ꞌā pa he meꞌe ena ē: ko te aŋa ko te oho iŋa ꞌā a ia i tāꞌana aŋa pa he oromatuꞌa ꞌina he hopeꞌa raꞌa, pē Ietū, Poki o te ꞌAtua.

2 Pētero 1:1

A au, a Pētero, kī takoꞌa ko Tīmona, tāvini ꞌe ⌊ꞌāpōtoro⌋ ꞌa Ietū Kiritō, he ꞌaroha atu ki a kōrua ki te nuꞌu i a rāua takoꞌa te hauhaꞌa he ⌊haka moe i te manaꞌu⌋ ꞌi ruŋa i a Ietū, pa he haka moe iŋa nei o te mātou manaꞌu, he meꞌe ravaꞌa hai riva rahi o te ꞌAtua ꞌe o Ietū Kiritō, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa.

1 Iovani 5:20

ꞌE, ko ꞌite takoꞌa ꞌā e tātou: ko tuꞌu mai ꞌana te Poki o te ꞌAtua, ꞌe ko vaꞌai mai ꞌā i te mārama-rama mo aŋi-aŋi ko ai te ꞌAtua parautiꞌa. ꞌE hora nei, ananake tātou ko nei ꞌAtua ꞌo te ai a tātou o tāꞌana Poki ko Ietū Kiritō. A ia he ꞌAtua parautiꞌa vaꞌai i te ora ꞌāpī ꞌina he hopeꞌa raꞌa.

1 Iovani 5:7

Hoko toru mataꞌite o te meꞌe nei:

Meꞌe Haka Takeꞌa 1:11

e kī mai ꞌā: «E pāpaꞌi ꞌi ruŋa i te puka te meꞌe taꞌatoꞌa ena ka takeꞌa ena e koe ꞌe ꞌai ka haka maꞌu rō ki te ŋā nūnaꞌa taŋata era hoko hitu haka moe i te manaꞌu ꞌi ruŋa i a Ietū o te ŋā kona era o ꞌĀtia: ki Ēfeto, ki ꞌĒtēmīrina, ki Perekamo, ki Tiatira, ki Tare, ki Pīrārēpia, ꞌe ki Rāōrītea».

Meꞌe Haka Takeꞌa 1:17

I takeꞌa era e au, he tū-turi a au he moe a tōꞌona vaꞌe pa he meꞌe: ko mate ꞌana a au. He haka puā mai ia e rā kope i tōꞌona rima mataꞌu ꞌe he kī mai: «ꞌIna koe ko riꞌa-riꞌa. A au he Raꞌe ꞌe he Hopeꞌa,

Meꞌe Haka Takeꞌa 1:2

ꞌE a au e pāpaꞌi atu ena hai parautiꞌa i tāꞌana meꞌe taꞌatoꞌa haka takeꞌa mai era. ꞌE he mataꞌite a au o te roŋo nei o te ꞌAtua ꞌe o te meꞌe taꞌatoꞌa haka ꞌite mai era e Ietū Kiritō.

Meꞌe Haka Takeꞌa 1:8

Te ꞌAtua o te hora nei, o muꞌa ꞌā ꞌe ka tuꞌu mai ena, ꞌAtua i a ia te pūai taꞌatoꞌa, pē nei e kī ena: «A au he Haꞌamata ꞌe he Hopeꞌa».

Meꞌe Haka Takeꞌa 19:13

ꞌE tōꞌona ꞌīŋoa takoꞌa: «He Vānaŋa o te ꞌAtua». Te kope nei e uru rō ꞌana i te kahu ko haka ruku ꞌā ꞌi roto i te toto.

Meꞌe Haka Takeꞌa 2:8

»E pāpaꞌi takoꞌa ki te merahi o te nūnaꞌa taŋata haka moe i te manaꞌu ꞌi ruŋa i a au o ꞌĒtēmīrina: “Pē nei te kī o te kope he Raꞌe ꞌe he Hopeꞌa, he kope i mate rō ꞌe i ora haka ꞌou rō:

Meꞌe Haka Takeꞌa 21:6

I oti era he kī haka ꞌou mai: «Nā ko aŋa tahi ꞌā. A au he Haꞌamata ꞌe he Hopeꞌa. ꞌE te kope haŋa ki te vai he vaꞌai e au, taꞌe e ꞌauhau, mai te kona tehe o te vai vaꞌai i te ora ꞌāpī ꞌina he hopeꞌa raꞌa.

Meꞌe Haka Takeꞌa 22:13

A au he Haꞌamata ꞌe he Hopeꞌa.

Meꞌe Haka Takeꞌa 3:14

»E pāpaꞌi takoꞌa ki te merahi o te nūnaꞌa taŋata haka moe i te manaꞌu ꞌi ruŋa i a au o Rāōrītea: “Pē nei te kī o te kope he ⌊ꞌĀmene⌋, he mataꞌite kī mau nō i te parautiꞌa, he kope hai ia te ꞌAtua i aŋa ai i te meꞌe taꞌatoꞌa: