Hura 1:4 - Rapa Nui

⁴ Nā, paꞌi, hai reo-reo ko oꞌo ꞌana ki roto i te nūnaꞌa taŋata ⌊haka moe i te manaꞌu⌋ ꞌi ruŋa i a Ietū te nuꞌu haka ꞌite mai era ꞌi ruŋa i te ⌊Pāpaꞌi Moꞌa⌋ e ai rō ꞌā te ūtuꞌa mo rāua. Te nuꞌu nei he nuꞌu taparahi-taꞌata toꞌo i te riva rahi o te tātou ꞌAtua pa he ꞌōtohe mo aŋa i te meꞌe haŋa nō e te rāua hakari, ꞌe ꞌina he haŋa ki te tātou Pūꞌoko Haka Tere ko Ietū Kiritō.

Hura 1:4 ပူးပေါင်းရင်းမြစ်များ

Māteo 13:25

E haꞌuru nō ꞌā rā taŋata ꞌe te nuꞌu taꞌatoꞌa o tōꞌona hare, he tuꞌu e tahi kope taꞌe haŋa ki rā taŋata, he pī takoꞌa ꞌi rā kona hai mauku rake-rake ꞌe he eꞌa he oho.

Iovani 17:3

Te meꞌe he ora ꞌāpī ꞌina he hopeꞌa raꞌa ko te meꞌe nei: he ꞌite e rāua ko ai mau a koe, he ꞌAtua parautiꞌa e tahi mau nō, ꞌe ko ai a au a Ietū Kiritō, he kope uŋa mai e koe.

Aŋa o te ꞌĀpōtoro 11:23

I tuꞌu era he takeꞌa pē hē i haꞌamaitai ai e te ꞌAtua i rā nuꞌu. He toꞌo rō atu ꞌai te koa ꞌe he haka haŋu he oho i rā nuꞌu mo haka hio-hio mo oho nō i te manaꞌu ꞌi ruŋa i a Ietū.

Aŋa o te ꞌĀpōtoro 15:24

Ko ꞌite ꞌana a mātou i tuꞌu rō atu te tētahi nuꞌu mai nei, taꞌe o mātou i uŋa atu, ꞌe ko haka mira-mira ꞌā i te kōrua manaꞌu hai vānaŋa o rāua.

Karatia 2:4

Ka ai atu pē ira, i ai rō ꞌi ira te nuꞌu haka tuꞌu i a rāua pa he nuꞌu ⌊haka moe i te manaꞌu⌋ ꞌi ruŋa i a Ietū, te haŋa mo uꞌi hoki ko te maꞌu iŋa ꞌana a mātou i te ⌊haka tere iŋa ꞌa Mōtē⌋ ꞌe, mo taꞌe ai pē ira, mo haka ꞌamo haka ꞌou mai i rā haka tere iŋa. ꞌE te parautiꞌa, ꞌina he pūai toe o te haka tere iŋa ꞌa Mōtē ꞌi ruŋa i a tātou ꞌo te ai o tātou ꞌa Ietū Kiritō.

Karatia 5:13

E te taina, o te ꞌAtua i haka eꞌa i a tātou mai te meꞌe he ꞌamo i te haka tere iŋa ꞌa Mōtē mo tano o tātou ki tōꞌona mata. Te parautiꞌa nei ꞌina ko ai mo tātou he ꞌōtohe mo aŋa i te meꞌe taꞌe tano pohe nō e te hakari. Te meꞌe o tātou mo aŋa he haŋa ꞌe he hāꞌūꞌū ki te rua hai māhatu.

Ēfeto 4:14

E ko ai haka ꞌou ia a tātou pa he ŋā poki e ko roa he huri te manaꞌu ꞌi te haka roŋo ki te hāpī taꞌe he parautiꞌa haka ꞌite e te nuꞌu mārama-rama ꞌite i te reo-reo.

1 Timoteo 5:8

Te parautiꞌa, te taŋata taꞌe hāpaꞌo i tōꞌona huaꞌai ꞌe i tāꞌana huaꞌai mau ꞌā e hārui ꞌana hai tuaꞌivi i te hāpī parautiꞌa o te ꞌAtua, ꞌe tōꞌona māhatu ꞌata hau ꞌi te rake-rake ki te nuꞌu ꞌina he ⌊haka moe i te manaꞌu⌋ ꞌi ruŋa i te ꞌAtua; te nuꞌu era, paꞌi, e hāpaꞌo rō ꞌana i te rāua huaꞌai.

2 Timoteo 2:12

Mo haꞌaoromaꞌi o tātou i te ꞌati hai pūai, he haka tere a tātou ꞌi tōꞌona ao ꞌi muri i a ia. Mo kī o tātou kai ꞌite a tātou ko ai a ia, pē ira takoꞌa ꞌā ka kī ena e ia mo tātou.

2 Timoteo 3:6

O rāua, paꞌi, te nuꞌu oho ki hare era ki hare era ꞌe hai reo-reo e ravaꞌa ena mo haka tere i te ŋā viꞌe ꞌina he pūai o te manaꞌu, ꞌamo meꞌe rahi hara, ꞌe pohe ki te meꞌe taꞌe tano.

1 Pētero 2:16

E noho kōrua pa he nuꞌu taꞌe haka tere e te meꞌe o te ao nei; te ꞌAtua, paꞌi, ko haka eꞌa ꞌana i a kōrua mai rā haka tere iŋa. ꞌE, ka ai atu pē ira, e uꞌi ꞌo riro te parautiꞌa nei he ꞌōtohe e tahi mo aŋa o kōrua i te meꞌe taꞌe tano. Te meꞌe haŋa mau: e noho kōrua pa he tāvini o te ꞌAtua.

1 Pētero 2:8

ꞌE e kī takoꞌa ena: «He māꞌea e tahi ꞌi ruŋa ka tu-tuki ena». Te nuꞌu taꞌe haka moe i te manaꞌu ꞌi ruŋa i a Ietū e tu-tuki ena ꞌo te taꞌe haꞌatura ki te roŋo o te ꞌAtua, he meꞌe mau ꞌana mo topa ki te nuꞌu taꞌe haka roŋo.

1 Pētero 4:18

Mo haꞌatiꞌa o te ꞌAtua mo topa o te ꞌati ꞌātā ꞌi ruŋa i te nuꞌu tano ki tōꞌona mata ꞌi raꞌe ki te toꞌo i a rāua ki te raŋi, ¿he aha rā nei te meꞌe ka topa ena ki te taŋata hara taꞌe moꞌa i a ia?

2 Pētero 2:10

Te nuꞌu ka ꞌata haka ūtuꞌa ena e te ꞌAtua he nuꞌu taꞌe moꞌa i a ia ꞌe he nuꞌu aŋa oho i te meꞌe pohe nō o te hakari. ꞌE te ŋā maꞌori reo-reo nei he nuꞌu pūꞌoko hio-hio, taꞌe raku i te rāua vānaŋa, ꞌe taꞌe riꞌa-riꞌa mo kī i te vānaŋa taꞌe tano mo te kope ꞌata hau rō atu ki a rāua.

2 Pētero 2:7

Te taŋata i ora o rā ŋā kona ko ⌊Rota⌋, he taŋata aŋa i te meꞌe tī-tika ki te mata o te ꞌAtua. A ia e taꞌe au rō ꞌana ꞌi te noho iŋa taꞌe tano o te nuꞌu taparahi-taꞌata o ira.

2 Pētero 3:7

Te raŋi ꞌe te henua o te hora nei ko haka rē ꞌā e te ꞌAtua mo tutu hai ahi. ꞌI te mahana era o te ture hopeꞌa ꞌe o te haka ūtuꞌa i te nuꞌu aŋa i te meꞌe taꞌe tano ka tutu ena hai nei ahi.

1 Iovani 2:22

¿Ko ai ia te kope reo-reo? He kope kī: a Ietū taꞌe he ⌊Kiritō⌋. Ko ia te kiritō reo-reo ꞌo te ai pa he taꞌe haŋa iŋa era ꞌā ōꞌona ki te ꞌAtua Matuꞌa, pē ira ꞌā e taꞌe haŋa takoꞌa ena ki tāꞌana Poki.

Hura 1:15

mo ture ꞌe mo haka ūtuꞌa i te taŋata o ruŋa i te meꞌe taꞌatoꞌa taꞌe tano aŋa ꞌe o ruŋa i te parauꞌino taꞌatoꞌa kī mōꞌona e te nuꞌu hara taparahi-taꞌata».

Hura 1:18

pē nei ē: «ꞌI te ŋā mahana hopeꞌa ena e ai rō te nuꞌu haka kata-kata ꞌi te ꞌAtua ꞌe ꞌi tāꞌana nuꞌu, ꞌe hai meꞌe taꞌe tano pohe nō e te hakari ka haka tere ena i a rāua».

Meꞌe Haka Takeꞌa 15:4

¿Ko ai te meꞌe mo taꞌe moꞌa i a koe, e te mātou Pūꞌoko Haka Tere ē? ¿Ko ai te meꞌe mo taꞌe haꞌahana-hana atu? Ko koe mau nō te meꞌe hara kore. Taꞌatoꞌa nuꞌu o te ao ka haꞌamuri atu ena. Ko takeꞌa ꞌana, paꞌi, e te taꞌatoꞌa: taꞌa meꞌe aŋa meꞌe tī-tika».