Hura 1:3 - Rapa Nui

³ E te taina, ko haŋa ꞌana a au mo pāpaꞌi atu o ruŋa i te eꞌa iŋa mai roto i te ūtuꞌa o te hara ꞌe te ravaꞌa iŋa i te ora ꞌāpī ꞌina he hopeꞌa raꞌa, he meꞌe ai i a kōrua ꞌe i a au. ꞌE, ko uꞌi ꞌana e au ꞌi te hora nei, te meꞌe ꞌāꞌaku mo hōrou mo pāpaꞌi atu: e maꞌu hio-hio ꞌi roto i te kōrua māhatu te hāpī parautiꞌa vaꞌai mai e te ꞌAtua ki a tātou ki te nuꞌu haꞌataꞌa e ia māꞌana ꞌe e hāpaꞌo ꞌo huri hai manaꞌu taŋata.

Hura 1:3 ပူးပေါင်းရင်းမြစ်များ

Aŋa o te ꞌĀpōtoro 17:3

He haka aŋi-aŋi e Pauro i te meꞌe kī ꞌi ruŋa i te Pāpaꞌi Moꞌa pē nei ē: te Kiritō e mate rō ꞌe ki mate, e ora haka ꞌou rō. He kī: «Te Kiritō ko te Ietū nei e au e haka ꞌite atu ena».

Aŋa o te ꞌĀpōtoro 18:28

ꞌI muꞌa i te nuꞌu taꞌatoꞌa, e haka ꞌite e oho era a ꞌĀporo i te hape o te meꞌe kī e te hūrio, ꞌe hai meꞌe pāpaꞌi ꞌi ruŋa i te Pāpaꞌi Moꞌa e haka takeꞌa era: he parautiꞌa a Ietū he Kiritō.

Aŋa o te ꞌĀpōtoro 20:27

Ko haka ꞌite tahi atu ꞌana, paꞌi, a au i te meꞌe haŋa o te ꞌAtua; ꞌina kai naꞌa atu e tahi meꞌe.

Aŋa o te ꞌĀpōtoro 28:28

»E ꞌite kōrua: mai te hora nei pe muꞌa ka oho ena, te ꞌAtua he haka ꞌite takoꞌa ki te nuꞌu taꞌe he hūrio i te roŋo pē hē te taŋata ana eꞌa mai roto i te ūtuꞌa o te hara ꞌe ana ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua, ꞌe ko rāua te nuꞌu ka haka roŋo ena». [

Aŋa o te ꞌĀpōtoro 4:12

Te eꞌa mai roto i te ūtuꞌa o te hara ꞌe te ai o te ora ꞌāpī ꞌina he hopeꞌa raꞌa vaꞌai e te ꞌAtua, mai i a Ietū mau nō ana ravaꞌa. Te ꞌAtua, paꞌi, ꞌina kai vaꞌai ki te rua kope i te aŋa nei.

Aŋa o te ꞌĀpōtoro 6:7

Te ⌊roŋo riva-riva o te ꞌAtua⌋ pe te ꞌata rahi nō e oho era, ꞌe te nuꞌu haka moe i te manaꞌu ꞌi ruŋa i a Ietū ko ꞌata rahi ꞌā ꞌi Hērutarema. ꞌE meꞌe rahi ⌊oromatuꞌa⌋ hūrio i haka moe takoꞌa i te rāua manaꞌu ꞌi ruŋa i a Ietū.

Aŋa o te ꞌĀpōtoro 9:13

I ŋaroꞌa era e ꞌĀnānia i te meꞌe nei, he kī: —E Ietū, ko rahi ꞌana te nuꞌu i vānaŋa mai o ruŋa i te taŋata ena ꞌe o te meꞌe taꞌe tano taꞌatoꞌa aŋa e ia ki tuꞌu taŋata ꞌi Hērutarema.

Aŋa o te ꞌĀpōtoro 9:22

ꞌE a Sauro pe te ꞌata haŋu nō e vānaŋa e haka aŋi-aŋi era: a Ietū he ⌊Kiritō⌋, ꞌe, ꞌi te tano o tāꞌana vānaŋa, te ⌊hūrio⌋ o Rāmako ꞌina he ravaꞌa i te vānaŋa mo pāhono.

1 Kōrinto 15:3

Te roŋo raꞌe i hāpī atu e au he meꞌe haka ꞌite mai: a Ietū Kiritō i mate ai mo te tātou hara, pe he meꞌe hāꞌaki ꞌi ruŋa i te ⌊Pāpaꞌi Moꞌa⌋;

Karatia 2:5

ꞌIna a mātou kai haka roŋo ki te rāua manaꞌu, ꞌo taꞌe maꞌu haka ꞌou kōrua i te roŋo parautiꞌa o ruŋa i a Ietū hāpī atu era e mātou.

Karatia 3:28

ꞌE ꞌi te hora nei, ki te mata o te ꞌAtua, taꞌe he meꞌe te ai ōꞌou he ⌊hūrio⌋ ꞌo he ⌊kirieko⌋, he ꞌekaravo ꞌo taꞌe he ꞌekaravo, he viꞌe ꞌo he taŋata. ꞌO te ai o tātou ꞌa Ietū Kiritō, a tātou taꞌatoꞌa e tahi mau nō.

Karatia 6:11

¡Ka uꞌi rā te nu-nui o tāꞌaku tiꞌaraꞌa! Hai rima mau nei ꞌā ōꞌoku i pāpaꞌi ai i te vānaŋa nei.

Ēfeto 1:1

A au, a Pauro, ⌊ꞌāpōtoro⌋ ꞌa Ietū Kiritō hai haŋa o te ꞌAtua, he ꞌaroha atu ki a kōrua ki te taŋata haꞌataꞌa e ia māꞌana o Ēfeto, nuꞌu ꞌa Ietū Kiritō ꞌo te ⌊haka moe i te manaꞌu⌋ ꞌi ruŋa i a ia.

Fīripo 1:1

A au, a Pauro, ꞌe a Timoteo, tāvini o Ietū Kiritō, he ꞌaroha atu ki a kōrua ki te nuꞌu o Fīripo haꞌataꞌa e te ꞌAtua māꞌana ꞌo te ⌊haka moe i te manaꞌu⌋ ꞌi ruŋa i a Ietū. Te ꞌaroha nei mo te taꞌatoꞌa o kōrua ananake ko te nuꞌu pūꞌoko haka tere o kōrua ꞌe ko te kōrua ⌊taina hāꞌūꞌū⌋.

Fīripo 1:27

E te taina, te meꞌe haŋa: e uꞌi e haka tano te kōrua noho iŋa ki te roŋo riva-riva o te ꞌAtua. Te meꞌe haŋa nō, paꞌi, ꞌāꞌaku mo ꞌite mai o ruŋa i a kōrua, ka oho atu ꞌo ka taꞌe oho atu a au: nā kōrua e haka pūai mai ena e tahi nō manaꞌu ꞌi te haka ꞌite iŋa i te roŋo riva-riva o ruŋa i a Ietū

Kōrosa 1:2

he ꞌaroha atu ki a kōrua ki te nuꞌu taꞌatoꞌa haꞌataꞌa e te ꞌAtua māꞌana o Kōrosa, taina ⌊haka moe i te manaꞌu⌋ ꞌi ruŋa i a Ietū taꞌe haka rē i a ia ki te hora hopeꞌa. Ka ai ꞌi ruŋa i a kōrua te riva rahi ꞌe te haumārū o te ꞌAtua, Matuꞌa o tātou.

1 Tētārōnika 2:2

Ko ꞌite ꞌana e kōrua: ꞌi raꞌe ki te tuꞌu atu o mātou ki a kōrua ena i vā-vā ꞌe i tōtōā rō mai i a mātou ꞌi te kona era ko Fīripo. Ka ai atu pē ira, i hāꞌūꞌū nō mai te ꞌAtua mo haka ꞌite atu ki a kōrua i te ⌊roŋo riva-riva o ruŋa i a Ietū⌋ taꞌe e riꞌa-riꞌa ꞌe taꞌe e tapa atu i te nuꞌu riri mo mātou.

1 Timoteo 1:18

E Timoteo, e te poki ꞌāꞌaku ē, ꞌī a au he haka rē atu i te roŋo nei: pa he vaꞌai iŋa o te vaꞌehau i a ia ꞌi te hora o te tamaꞌi, ana vaꞌai takoꞌa koe i a koe mo haka ꞌite mo oho o ruŋa i te roŋo parautiꞌa o te ꞌAtua hai pūai o tuꞌu haka moe iŋa i te manaꞌu ꞌi ruŋa i a ia ꞌe hai manaꞌu riva-riva takoꞌa ōꞌou tano ki te meꞌe kī era e te perofeta o ruŋa i a koe ꞌi muꞌa ꞌā. ꞌE nā tētahi nuꞌu, ꞌi te taꞌe haka roŋo ki te rāua manaꞌu riva-riva, ko oho kē ꞌana mai roto i te ara o te ꞌAtua.

1 Timoteo 6:12

E vaꞌai tahi koe i a koe mo hio-hio mo oho nō o tuꞌu manaꞌu ꞌi ruŋa i te ꞌAtua ꞌe mo aŋa ki a ia, pa he vaꞌai iŋa ena o te vaꞌehau i a ia ki te mate ꞌi te hora o te tamaꞌi. ꞌIna ko haka pakoꞌo mai tuꞌu rima te ora ꞌāpī ꞌina he hopeꞌa raꞌa vaꞌai atu e te ꞌAtua. Mo ravaꞌa i rā meꞌe i toꞌo ai i a koe e te ꞌAtua ꞌi te hora kī ōꞌou, ꞌi muꞌa i te rahi o te mataꞌite, i tuꞌu haka moe i te manaꞌu ꞌi ruŋa i a Ietū.

2 Timoteo 1:13

Ana hāpī koe, e uꞌi e haka tano ki te hāpī iŋa parautiꞌa haka ꞌite atu era e au koia ko te haka moe ko te oho i te manaꞌu ꞌi ruŋa i a Ietū, ꞌe ko te haŋa ko te oho ki te rua ꞌo te ai ōꞌou ꞌa Ietū Kiritō.

ꞌEvereo 13:22

E te taina, he ani atu au mo haka roŋo riva-riva kōrua ki tāꞌaku meꞌe ꞌiti-ꞌiti pāpaꞌi atu ena mo haka pūai i te kōrua manaꞌu ꞌi ruŋa i te ꞌAtua.

ꞌEvereo 6:9

E te taina haŋa rahi ē, ka ai atu meꞌe paŋahaꞌa te mātou meꞌe kī atu, e ꞌite riva-riva rō ꞌā e mātou: a kōrua pa he henua hua o te kai riva-riva tano o te nuꞌu eꞌa mai roto i te ūtuꞌa o te hara ꞌe ravaꞌa i te ora ꞌāpī ꞌina he hopeꞌa raꞌa.

1 Pētero 5:12

A Tirivano i hāꞌūꞌū mai mo pāpaꞌi atu i te parau nei. Mōꞌoku a ia he taina taꞌe haka rē i te ꞌAtua ki te hora hopeꞌa. Tāꞌaku meꞌe ꞌiti-ꞌiti haka pāpaꞌi atu ena he meꞌe mo hatu ꞌe mo haka aŋi-aŋi atu pē nei ē: te riva rahi ꞌe te haŋa o te ꞌAtua ꞌi ruŋa i a kōrua. ꞌO ira, e uꞌi ꞌo hārui rō hai tuaꞌivi i tōꞌona haŋa mo kōrua.

2 Pētero 1:1

A au, a Pētero, kī takoꞌa ko Tīmona, tāvini ꞌe ⌊ꞌāpōtoro⌋ ꞌa Ietū Kiritō, he ꞌaroha atu ki a kōrua ki te nuꞌu i a rāua takoꞌa te hauhaꞌa he ⌊haka moe i te manaꞌu⌋ ꞌi ruŋa i a Ietū, pa he haka moe iŋa nei o te mātou manaꞌu, he meꞌe ravaꞌa hai riva rahi o te ꞌAtua ꞌe o Ietū Kiritō, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa.

2 Pētero 2:21

I hau rō atu ꞌi te tano ꞌāhani i taꞌe ꞌite o ruŋa i te ara tī-tika o te ꞌAtua, ki te māhani ꞌe ꞌai ka hārui hai tuaꞌivi i te roŋo moꞌa o te ꞌAtua vaꞌai ki a rāua.

Hura 1:1

A au, a Hura, tāvini o Ietū Kiritō, ꞌe taina o ⌊Tanatiako⌋, he ꞌaroha atu ki a kōrua ki te nuꞌu haŋa e te ꞌAtua Matuꞌa ꞌe haꞌataꞌa māꞌana, he nuꞌu hāpaꞌo ꞌa Ietū Kiritō.

Hura 1:17

E te taina, e uꞌi ꞌo rehu te vānaŋa kī ꞌi muꞌa ꞌā e te ⌊ꞌāpōtoro⌋ o te tātou Pūꞌoko Haka Tere ko Ietū Kiritō

Hura 1:20

ꞌE a kōrua, e te taina ē, e haka hio-hio e oho nō ꞌi roto i te hāpī parautiꞌa hai haka moe i te manaꞌu ꞌi ruŋa i a Ietū, ꞌe e pure hai pūai o te ⌊Vārua Maitai⌋.

Meꞌe Haka Takeꞌa 12:11

Ko rē ꞌā nei ŋā taina ki rā kope hai toto tehe era o te Māmoe ꞌe hai roŋo riva-riva haka ꞌite era e rāua. ꞌIna kai riꞌa-riꞌa ꞌi te mate, i vaꞌai nō i a rāua mo mate.

Meꞌe Haka Takeꞌa 2:10

’ꞌIna koe ko riꞌa-riꞌa ꞌi te ꞌati ka topa ena. Tētahi o kōrua e puru rō ꞌi roto i te hare maꞌuꞌaurī hai Rukifero, he rāveꞌa e tahi mo haka ꞌatu atu i a kōrua taꞌatoꞌa. E hoꞌe ꞌahuru mahana ka ꞌamo ena kōrua i rā ꞌati. E haka noho e oho nō koe i tuꞌu manaꞌu ꞌi ruŋa i a au ka ai atu he mate koe ꞌo te aŋa pē ira, ꞌe he vaꞌai atu e au i te ora ꞌāpī ꞌina he hopeꞌa raꞌa mo haka koa i a koe.