Hura 1:23 - Rapa Nui

²³ ꞌE ki te tētahi e uꞌi e haka eꞌa mai roto i te ūtuꞌa o te pōꞌauahi. E haka ꞌaroha kōrua i te nuꞌu hara, ꞌe e uꞌi kōrua e te hara era o rāua pa he ꞌōꞌone haka pea-pea i te kahu, ꞌo pea-pea takoꞌa rō kōrua.

Hura 1:23 ပူးပေါင်းရင်းမြစ်များ

Rōmano 11:14

he haŋa ōꞌoku mo haka mākota i tōꞌoku taŋata koiꞌite pē ira tētahi o rāua ana haka moe i te manaꞌu ꞌi ruŋa i a Ietū mo eꞌa mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

1 Kōrinto 15:33

ꞌIna kōrua ko haka rē mo reo-reo atu e te rua. Pa he vānaŋa kī e te kope e tahi: «Te hokorua aŋa i te meꞌe taꞌe tano he haka riro i a koe pē ia takoꞌa».

1 Kōrinto 3:15

ꞌE mo vera, e ko vaꞌai; ꞌe, ka ai atu pē ira, ko te eꞌa iŋa ꞌana rā kope mai roto i te ūtuꞌa o te hara ꞌe ko te ravaꞌa iŋa ꞌana i te ora ꞌāpī ꞌina he hopeꞌa raꞌa, pa he taŋata ravaꞌa tere mai roto i te hare e vera rō ꞌā ꞌina he meꞌe maꞌu ꞌi te rima.

2 Kōrinto 5:11

He moꞌa o mātou i te Kiritō ꞌe he haŋa mo haꞌatura ki a ia, e kimi nei a mātou i te rāveꞌa taꞌatoꞌa mo aŋi-aŋi e te nuꞌu i te roŋo parautiꞌa o te ꞌAtua, mo haka moe o rāua i te manaꞌu ꞌi ruŋa i a Ietū. Te ꞌAtua e ꞌite rō ꞌana e aŋa nei a mātou i te meꞌe nei hai māhatu maꞌitaki, ꞌe a mātou e haŋa rō ꞌā mo ꞌite takoꞌa e kōrua.

2 Tētārōnika 3:14

ꞌE mo ai e tahi taina taꞌe haꞌatura ki te meꞌe kī atu e mātou ꞌi ruŋa i te parau nei, e uꞌi ko ai, ꞌe ꞌai ka haka tapa rō kōrua mai muri, ki haꞌamā ai.

1 Timoteo 4:16

E uꞌi riva-riva te huru o tuꞌu noho iŋa ꞌe te huru o tuꞌu hāpī iŋa i te rua; e haka hio-hio e oho nō koe i te ŋā meꞌe taꞌatoꞌa ena. Mo aŋa ōꞌou pē ira, taꞌe ko koe nō te meꞌe ka eꞌa ena mai roto i te ūtuꞌa o te hara, pē ira ꞌana te nuꞌu haka roŋo atu.

2 Iovani 1:11

Te kope ꞌaroha ki a ia e peꞌe ꞌā ki te aŋa taꞌe tano o rā taŋata ꞌe e ꞌāpiti ꞌā ki a ia.

Hura 1:22

E haka ꞌaroha ꞌe e hāꞌūꞌū e oho kōrua i te nuꞌu e ꞌaka-ꞌaka rō ꞌana te rāua manaꞌu.

Meꞌe Haka Takeꞌa 3:18

ꞌO ira, mo haŋa ōꞌou mo ꞌono parautiꞌa, e hoꞌo, mai i a au, i te piru riva-riva tunu hai ahi; ꞌe e hoꞌo takoꞌa, mai i a au, i te kahu tea-tea mo uru mo ꞌapi i te haꞌamā o tuꞌu kahu kore, ꞌe i te rāꞌau mo paru o te mata mo takeꞌa.

Meꞌe Haka Takeꞌa 3:4

’Ka ai atu pē ira, nai nā e ai rō ꞌana te tētahi nuꞌu kai ꞌōꞌone te rāua kahu, te auraꞌa, ꞌina a rāua kai aŋa i te meꞌe taꞌe tano. Te nuꞌu ena ꞌi muri i a au ka haꞌere ena e uru rō ꞌana i te kahu tea-tea, he meꞌe tano mo rāua.