Hura 1:16 - Rapa Nui

¹⁶ Te nuꞌu ena he riri-riri nō te aŋa mo te meꞌe taꞌatoꞌa, ꞌina e tahi meꞌe tano mo rāua, te meꞌe haŋa mau nō he haka koa i a rāua. Te vānaŋa iŋa e haka tuꞌu rō ꞌana pa he meꞌe ena ē: i a rāua mau nō te tano, ꞌe te aŋa he haka paka i te tētahi mo ravaꞌa nō i te meꞌe mai i a rāua.

Hura 1:16 ပူးပေါင်းရင်းမြစ်များ

Ruka 15:2

Te ⌊fariseo⌋ ꞌe te nuꞌu ⌊maꞌori o te haka tere hūrio⌋ e vānaŋa taꞌe au rō ꞌā mo Ietū pē nei ē: «Te meꞌe haŋa o te kope era he piri ki te nuꞌu hara ꞌe he kai ꞌi muri».

Ruka 19:7

I takeꞌa era e te taŋata, he haꞌamata he hēŋuꞌi-ŋuꞌi o ruŋa i a Ietū pē nei ē: «Ko oho ꞌā noho ꞌi te hare o te taŋata hara».

Ruka 5:30

Te fariseo ꞌe te maꞌori o te haka tere hūrio he haꞌamata he hēŋuꞌi-ŋuꞌi ꞌe he kī ki te nuꞌu hāpī ꞌa Ietū: —¿He aha a kōrua e kai ꞌe e unu ena ꞌi muri i te ⌊nuꞌu haka ꞌauhau i te taŋata hai moni mo te rōmano⌋ ꞌe ꞌi muri i te tētahi nuꞌu hara?

Iovani 6:41

He haꞌamata ia te hūrio ra-rahi he hēŋuꞌi-ŋuꞌi o ruŋa o Ietū ꞌo te kī ko ia te haraoa topa mai era mai te raŋi.

Iovani 6:61

I ꞌite era a Ietū o ruŋa i te aha e hēŋuꞌi-ŋuꞌi era, he kī: —¿Ko taꞌe au ꞌana ꞌō kōrua ꞌi te meꞌe ena?

1 Kōrinto 10:10

ꞌIna takoꞌa ko hēŋuꞌi-ŋuꞌi mo te ꞌAtua, pa he meꞌe aŋa e te tētahi o te nuꞌu era. He aŋa o te nuꞌu era i te meꞌe era i tiŋaꞌi ai e te merahi o te mate.

Karatia 5:16

ꞌO ira, ꞌī a au he kī atu: e haka rē mo haka tere atu i a kōrua e te Vārua Maitai, ꞌo aŋa i te meꞌe taꞌe tano pohe nō e te hakari.

Karatia 5:24

A tātou, te nuꞌu ꞌa Ietū Kiritō, ko veo ꞌana i te huru hara taꞌatoꞌa era o tātou o muꞌa ꞌā ꞌi ruŋa i te tātaurō, te auraꞌa, ko hārui ꞌana a tātou hai tuaꞌivi ki rā ŋā meꞌe.

Fīripo 2:14

Te meꞌe taꞌatoꞌa aŋa e kōrua, ana aŋa ꞌina ko tātake ꞌe ꞌina ko hēŋuꞌi-ŋuꞌi,

1 Tētārōnika 4:5

Taꞌe mo te meꞌe taꞌe tano pohe e te hakari e haka tere atu i a kōrua, pa he meꞌe aŋa o te nuꞌu ꞌina kai ꞌite ko ai te ꞌAtua parautiꞌa.

1 Timoteo 6:5

ꞌe te rava ture ꞌi roto i te nuꞌu ꞌina he manaꞌu riva-riva toe ꞌe ꞌina he aŋi-aŋi haka ꞌou he aha te meꞌe he parautiꞌa ꞌe he aha te meꞌe he reo-reo. Mo rāua te hāpī o ruŋa i te ꞌAtua he rāveꞌa e tahi mo ꞌono.

2 Timoteo 4:3

Nā e tuꞌu rō te mahana e ko haŋa haka ꞌou te taŋata ki te hāpī parautiꞌa. Te meꞌe ka aŋa era he kimi i te maꞌori hāpī i te meꞌe haŋa nō o rāua mo haka roŋo,

1 Pētero 1:14

Pa he ŋā poki haꞌatura ki te ꞌAtua, ꞌina ko haka tano haka ꞌou te kōrua noho iŋa ki te meꞌe taꞌe tano haka tere atu i a kōrua ꞌi muꞌa ꞌā, ꞌi te hora kai ꞌite ꞌana o ruŋa i te ꞌAtua.

1 Pētero 2:11

E te taina, a kōrua pa he nuꞌu o te kona kē noho ꞌi te ao nei mo te hora ꞌiti-ꞌiti nō e tahi. ꞌO ira, ꞌina ko vaꞌai i a kōrua ki te meꞌe pohe nō o te hakari, he meꞌe haka tapa i a kōrua mai te ara o te ꞌAtua.

1 Pētero 4:2

ꞌe te meꞌe haŋa nō ꞌāꞌana mo te hora toe ōꞌona ꞌi te ao nei he haka tere i a ia e te meꞌe haŋa e te ꞌAtua, ꞌe taꞌe ꞌō e te meꞌe taꞌe tano pohe e te hakari.

2 Pētero 2:10

Te nuꞌu ka ꞌata haka ūtuꞌa ena e te ꞌAtua he nuꞌu taꞌe moꞌa i a ia ꞌe he nuꞌu aŋa oho i te meꞌe pohe nō o te hakari. ꞌE te ŋā maꞌori reo-reo nei he nuꞌu pūꞌoko hio-hio, taꞌe raku i te rāua vānaŋa, ꞌe taꞌe riꞌa-riꞌa mo kī i te vānaŋa taꞌe tano mo te kope ꞌata hau rō atu ki a rāua.

2 Pētero 2:18

He teꞌo-teꞌo te aŋa o ruŋa i a rāua hai vānaŋa ꞌina e tahi auraꞌa. Hai meꞌe rake-rake mo te hakari ꞌe hai meꞌe taꞌe tano pohe nō o te hakari e aŋa ena mo haka huri i te manaꞌu o te nuꞌu aŋa riꞌa-riꞌa i eꞌa ai mai roto i te meꞌe taꞌe tano.

2 Pētero 3:3

Te meꞌe raꞌe mo taꞌe rehu i a kōrua ko te meꞌe nei: ꞌi te ŋā mahana hopeꞌa era e ai rō te nuꞌu, te rāua noho iŋa hai meꞌe pohe nō e te hakari, ꞌe pa he haka meꞌe-meꞌe

Hura 1:15

mo ture ꞌe mo haka ūtuꞌa i te taŋata o ruŋa i te meꞌe taꞌatoꞌa taꞌe tano aŋa ꞌe o ruŋa i te parauꞌino taꞌatoꞌa kī mōꞌona e te nuꞌu hara taparahi-taꞌata».

Hura 1:18

pē nei ē: «ꞌI te ŋā mahana hopeꞌa ena e ai rō te nuꞌu haka kata-kata ꞌi te ꞌAtua ꞌe ꞌi tāꞌana nuꞌu, ꞌe hai meꞌe taꞌe tano pohe nō e te hakari ka haka tere ena i a rāua».