Hura 1:12 - Rapa Nui

¹² Te nuꞌu ena he haꞌamā e tahi ꞌi te hora kai i te haraoa mo haka manaꞌu i te mate iŋa o Ietū. ꞌIna a rāua he moꞌa i te ŋoŋoro ena; te meꞌe aŋa nō he kai, he unu ꞌe he reka. Te nuꞌu ena pa he nuꞌu hāpaꞌo māmoe hāpaꞌo i a rāua mau nō, pa he raŋi vai kore maꞌu e te tokerau. ꞌE pa he tumu ꞌina he hua, ꞌina e tahi meꞌe riva-riva mo poreko mai roto i te nuꞌu ena. A rāua he meꞌe mate, pa he tumu ko oꞌi ꞌā a te aka ꞌe ko paka-paka ꞌana.

Hura 1:12 ပူးပေါင်းရင်းမြစ်များ

Māteo 13:6

ꞌI te taꞌe hio-hio o te aka ꞌe ꞌi te pūai o te raꞌā, he paka-paka.

Māteo 15:13

He kī e Ietū: —Te tumu taꞌe ꞌoka e tōꞌoku Matuꞌa mai tōꞌona aka ka oꞌi era.

Marko 4:6

ꞌI te taꞌe hio-hio o te aka ꞌe ꞌi te pūai o te raꞌā, he paka-paka.

Ruka 12:45

»ꞌE mo haꞌamata mo tōtōā e rā tāvini i te tētahi tāvini, mo noho mo kai ꞌe mo unu ka taꞌero rō ꞌi te manaꞌu iŋa pē nei ē: e ko hōrou e ko tuꞌu te taŋata era ꞌāꞌana te haka aŋa,

Ruka 16:19

»E ai rō ꞌā e tahi taŋata ꞌono; e uru era hai kahu hopeꞌa o te riva-riva. Paurō te mahana e aŋa era i te ŋoŋoro nui-nui.

Ruka 21:34

»E uꞌi kōrua ꞌo haka rehe-rehe ki te meꞌe taꞌe au, ki te ꞌava unu ꞌe ki te manaꞌu ki te meꞌe o te ao nei, ꞌo tuꞌu rō mai te mahana o te ture hopeꞌa

Ruka 8:6

»Tētahi i vī-viri a te kona papa ꞌōꞌone taꞌe rahi. I tupu era kai roa i paka-paka rō ai ꞌi te vai kore o rā kona.

Ēfeto 4:14

E ko ai haka ꞌou ia a tātou pa he ŋā poki e ko roa he huri te manaꞌu ꞌi te haka roŋo ki te hāpī taꞌe he parautiꞌa haka ꞌite e te nuꞌu mārama-rama ꞌite i te reo-reo.

Fīripo 3:19

Te meꞌe hopeꞌa ka topa era ki te nuꞌu era he ūtuꞌa o te ꞌAtua. He meꞌe pohe nō o te hakari te rāua ꞌatua. Te meꞌe haꞌamā he meꞌe teꞌo-teꞌo e tahi o rāua, ꞌe te rāua manaꞌu ꞌi ruŋa i te meꞌe o te ao mau nō nei.

1 Timoteo 5:6

ꞌE te viꞌe hove haŋa ki te meꞌe o te ao nō nei pa he viꞌe mate ka ai atu e ora nō ꞌā.

ꞌEvereo 13:9

ꞌO ira, ꞌina ko haka roŋo ꞌe ꞌina ko maꞌu i te hāpī kē, taꞌe he hāpī parautiꞌa haka ꞌite atu era. E haka pūai e oho te tātou māhatu hai riva rahi o te ꞌAtua, ꞌe taꞌe ꞌō hai haꞌatura o tātou ki te ⌊haka tere iŋa era ꞌa Mōtē⌋ o ruŋa i te kai, he meꞌe ꞌina e tahi hauhaꞌa mo te nuꞌu maꞌu i rā haka tere iŋa.

Tanatiako 5:5

E noho ena kōrua ꞌi te ao nei ꞌi roto i te hauhaꞌa ꞌe ꞌi roto i te reka. E haka porio ꞌā pa he puaꞌa, ¡ꞌe nā e tuꞌu rō te mahana he tiŋaꞌi!