Hura 1:1 - Rapa Nui

¹ A au, a Hura, tāvini o Ietū Kiritō, ꞌe taina o ⌊Tanatiako⌋, he ꞌaroha atu ki a kōrua ki te nuꞌu haŋa e te ꞌAtua Matuꞌa ꞌe haꞌataꞌa māꞌana, he nuꞌu hāpaꞌo ꞌa Ietū Kiritō.

Hura 1:1 ပူးပေါင်းရင်းမြစ်များ

Māteo 10:3

ko Feripe, ko Torometi, ko Tōmā, ko Māteo, kope haka ꞌauhau i te taŋata hai moni mo te rōmano; ko Tanatiako, poki ꞌa Arafeo; ko Tāreo,

Māteo 13:55

¿Taꞌe ꞌō a ia ko te poki era o te tāmuta, ꞌe ko ⌊Māria⌋ tōꞌona matuꞌa vahine? ¿Taꞌe ꞌō he taina o ⌊Tanatiako⌋, o ⌊Kōsē⌋, o Tīmona ꞌe o Hura?

Marko 3:18

Te meꞌe takoꞌa i toꞌo: ko Antarea, ko Feripe, ko Torometi, ko Māteo, ko Tōmā, ko Tanatiako, poki ꞌa Arafeo, ko Tāreo, ko Tīmona, o roto i te nūnaꞌa he ⌊kananeo⌋,

Marko 6:3

¿Taꞌe ꞌō te kope nei he tāmuta, he poki ꞌa ⌊Māria⌋, ꞌe he taina o ⌊Tanatiako⌋, o ⌊Kōsē⌋, o Hura ꞌe o Tīmona? ¿Taꞌe ꞌō ꞌi nei takoꞌa e noho ena tōꞌona ŋā taina vahine ena? ꞌE te nuꞌu o ira he riri rō atu ꞌai mo Ietū, ꞌe kai haka moe i te rāua manaꞌu ꞌi ruŋa i a ia.

Ruka 6:16

ko Hura, poki ꞌa Tanatiako, ꞌe ko Hura Ikariote, hoꞌo era i a Ietū.

Iovani 12:26

Te kope haŋa mo aŋa mai ki a au ka oho mai ꞌi muri i a au. ꞌE ꞌi te kona era ꞌi ira a au, ꞌi ira takoꞌa a ia. Te kope aŋa mai ki a au he haka nui-nui e tōꞌoku Matuꞌa.

Iovani 14:22

He ꞌui e Hura era taꞌe ko Hura Ikariote: —E Ietū, ¿he aha ka ai ena ki a mātou nō koe ka haka takeꞌa mai ena ꞌe taꞌe ki te nuꞌu taꞌatoꞌa o te ao?

Iovani 15:16

»Taꞌe hai haŋa o kōrua i ai ena he nuꞌu hāpī ꞌāꞌaku. ꞌĀꞌaku kōrua i haꞌataꞌa ꞌe ko uŋa ꞌā mo ꞌata rahi te kōrua hua iŋa, te auraꞌa, mo ꞌata rahi te kōrua meꞌe riva-riva aŋa, ꞌe mo taꞌe ŋaro nā meꞌe ki te hora hopeꞌa. ꞌE te meꞌe no-noꞌi e kōrua hai ꞌīŋoa ōꞌoku he vaꞌai atu e te Matuꞌa.

Iovani 17:15

»Taꞌe a au e ani atu ꞌā mo toꞌo ōꞌou i a rāua mai te ao nei. E kī atu ena mo hāpaꞌo nō ōꞌou i a rāua ꞌo ravaꞌa e Rukifero.

Iovani 17:17

Hai ꞌite o te nuꞌu nei i te parautiꞌa o ruŋa i a koe e haꞌataꞌa māꞌau, mo tāvini mau nō atu ki a koe; taꞌa vānaŋa ena, paꞌi, he parautiꞌa.

Iovani 17:19

Mo te riva-riva o rāua, he haꞌataꞌa a au i a au mo tāvini atu ki a koe, ki haꞌataꞌa parautiꞌa atu ai a rāua mo tāvini atu ki a koe.

Iovani 6:39

ꞌE tāꞌana meꞌe haŋa he taꞌe ŋaro e tahi o te nuꞌu vaꞌai mai e ia, ꞌe he haka ora e au i a rāua mai te mate ꞌi te mahana o te ture hopeꞌa.

Aŋa o te ꞌĀpōtoro 1:13

I tuꞌu era ki Hērutarema, he eke ananake ki te piha o ruŋa o te hare ꞌi ira e noho era. Te nuꞌu nei ko Pētero, ko Iovani, ko ⌊Tanatiako⌋, ko Antarea, ko Feripe, ko Tōmā, ko Torometi, ko Māteo, ko Tanatiako poki ꞌa Arafeo, ko Tīmona he ⌊sērote⌋, ko Hura poki ꞌa Tanatiako.

Aŋa o te ꞌĀpōtoro 20:32

»Hora nei, e kuā taina ē, he vaꞌai a au i a kōrua ki te rima o te ꞌAtua mo hāpaꞌo, ꞌe he ani atu mo maꞌu mo oho nō kōrua i te roŋo hāpī atu era e au o ruŋa i te riva rahi o te ꞌAtua. ꞌI te roŋo nei te pūai mo ꞌata haka hio-hio i te kōrua manaꞌu ꞌi ruŋa i a Ietū ki ravaꞌa ai i te meꞌe taꞌatoꞌa hōrea e te ꞌAtua mo te nuꞌu haꞌataꞌa māꞌana.

Aŋa o te ꞌĀpōtoro 27:23

Te ꞌAtua, kope ki a ia a au e aŋa nei ꞌe ꞌāꞌana a au, i uŋa mai i te merahi e tahi ꞌi ꞌaŋapō

Rōmano 1:1

He ꞌaroha atu a au, a Pauro, tāvini o Ietū Kiritō, haꞌataꞌa e ia mo ꞌāpōtoro mo haka ꞌite mo oho i te ⌊roŋo riva-riva o te ꞌAtua⌋

Rōmano 1:6

ꞌI roto i rā nuꞌu a kōrua takoꞌa. Te ꞌAtua, paꞌi, e haŋa rahi rō atu ꞌana ki a kōrua ki te nuꞌu o Roma. Hai haŋa ōꞌona e ai ena a kōrua he taŋata ꞌa Ietū Kiritō ꞌe e ai takoꞌa ena o roto i te nūnaꞌa taŋata haꞌataꞌa māꞌana. Ka ai ꞌi ruŋa i a kōrua te riva rahi ꞌe te haumārū o te ꞌAtua, he Matuꞌa o tātou, ꞌe o Ietū Kiritō, he Pūꞌoko Haka Tere o tātou.

Rōmano 16:18

A rāua, paꞌi, taꞌe he tāvini o te tātou Pūꞌoko Haka Tere he Kiritō; he tāvini o te meꞌe pohe ꞌe haŋa nō o rāua. Hai vānaŋa koroꞌiti ꞌe reka e reo-reo ena ki te nuꞌu māhatu rehe-rehe taꞌe manaꞌu e aŋa rō ꞌō e te rua i te meꞌe taꞌe tano ki a rāua.

Rōmano 6:22

A kōrua ꞌi te hora nei taꞌe he tāvini toe o te hara, he tāvini o te ꞌAtua. Te meꞌe nei mo te kōrua riva-riva mau ꞌā; pē ira he tano he oho te kōrua noho iŋa ki te mata o te ꞌAtua, ꞌe, ꞌi te hora hopeꞌa, he ravaꞌa i te ora ꞌāpī ꞌina he hopeꞌa raꞌa vaꞌai e ia.

Rōmano 8:30

Ki te nuꞌu haꞌataꞌa e te ꞌAtua māꞌana i kī rō mo haka moe i te manaꞌu ꞌi ruŋa i a ia. ꞌE taꞌe nō ko te meꞌe ena, i haka tano rō i a rāua ki tōꞌona mata ꞌe i hōrea rō pē nei ē: pe muꞌa ka oho ena a rāua ꞌi roto i tōꞌona nui-nui, te auraꞌa, i a rāua takoꞌa te huru riva ōꞌona.

Rōmano 9:24

A tātou taꞌatoꞌa, paꞌi, he nuꞌu haꞌataꞌa māꞌana ka hūrio ꞌe ka taꞌe hūrio.

1 Kōrinto 6:11

Tētahi o kōrua i aŋa rō i te ŋā meꞌe nei ꞌi muꞌa ꞌā. ꞌE, hora nei, ꞌi te ai o te tātou Pūꞌoko Haka Tere ko Ietū Kiritō hai haka moe i te manaꞌu ꞌi ruŋa i a ia, te ꞌAtua ko haka kore ꞌana i te kōrua hara, ko haꞌataꞌa ꞌana i a kōrua māꞌana, ꞌe ko haka riro ꞌana he nuꞌu tano ki tōꞌona mata ꞌi te ai o te ⌊Vārua Maitai⌋ ꞌi roto i a kōrua.

Ēfeto 5:26

I aŋa ai a Ietū i te meꞌe nei mo haka riro i a tātou i te nuꞌu taꞌatoꞌa haka moe i te manaꞌu ꞌi ruŋa i a ia he nuꞌu ꞌina e tahi hape ki te mata o te ꞌAtua hai ⌊papatito⌋ ꞌe hai vānaŋa era ꞌāꞌana,

1 Tētārōnika 5:23

Mo te ꞌAtua, kope vaꞌai mai i te haumārū, e haka maꞌitaki i te kōrua huru ꞌe i te kōrua noho iŋa ki te roa ꞌina e tahi hara mo tuhi atu. ꞌE māꞌana takoꞌa e hāpaꞌo i a kōrua ꞌina e tahi hape, mai te hakari ki te vārua, ꞌātā ki te hoki iŋa mai o te tātou Pūꞌoko Haka Tere ko Ietū Kiritō.

2 Timoteo 1:9

Te ꞌAtua ko haka eꞌa ꞌā i a tātou mai roto i te ūtuꞌa o te hara mo riro o tātou he nuꞌu ꞌāꞌana. I aŋa ai pē ira, taꞌe he huru riva o tātou, he haŋa mau ꞌā ōꞌona, ꞌe mai te hora era ꞌā kai aŋa ꞌana i te ao i haŋa rō ai mo haka takeꞌa mai i tōꞌona riva rahi hai Ietū Kiritō.

2 Timoteo 4:18

ꞌe pē ira takoꞌa ꞌā ka haka eꞌa ena i a au mai roto i te ꞌati taꞌatoꞌa ꞌe ka maꞌu ena i a au ki te raŋi ki te ao haka tere e ia. ¡Ki haꞌahana-hana tahi tātou ki a ia ꞌātā ki te hopeꞌa raꞌa! ⌊ꞌĀmene⌋.

ꞌEvereo 3:1

ꞌO ira, e te taina ē, a kōrua, te nuꞌu haꞌataꞌa ꞌe haŋa e te ꞌAtua mo tuꞌu ki muri i a ia ꞌi te raŋi, e manaꞌu riva-riva o ruŋa i a Ietū, he kope ꞌi ruŋa i a ia a tātou e haka moe ena i te manaꞌu. A ia he kope uŋa mai e te ꞌAtua mo ⌊oromatuꞌa hopeꞌa o te ra-rahi⌋ o tātou.

Tanatiako 1:1

A au, a ⌊Tanatiako⌋, tāvini o te ꞌAtua ꞌe o te Pūꞌoko Haka Tere ko Ietū Kiritō, he ꞌaroha atu ki a kōrua ki te taina ⌊haka moe i te manaꞌu⌋ ꞌi ruŋa i a Ietū o te hoꞌe ꞌahuru mā piti mata o te itaraera noho ꞌi te henua taꞌatoꞌa.

1 Pētero 1:2

Te manaꞌu o te ꞌAtua Matuꞌa i haꞌataꞌa ai i a kōrua: mo haka riro i a kōrua he nuꞌu ꞌina e tahi hara haꞌataꞌa māꞌana hai Vārua Maitai ꞌe haꞌatura ki a Ietū ꞌi te haka kore e te ꞌAtua i te kōrua hara hai toto tehe era o Ietū ꞌi ruŋa i te tātaurō. Ka rahi ka oho nō te riva rahi ꞌe te haumārū o te ꞌAtua ꞌi ruŋa i a kōrua.

1 Pētero 1:5

ꞌO te haka moe o tātou i te manaꞌu ꞌi ruŋa i a Ietū, te ꞌAtua e hāpaꞌo e oho mai ena i a tātou hai pūai nui-nui ōꞌona, ki ravaꞌa ai e tātou, ꞌi te mahana hopeꞌa, i te ora ꞌina he hopeꞌa raꞌa hāpaꞌo mo tātou.

1 Pētero 2:9

ꞌE a kōrua he huaꞌai toꞌo e te ꞌAtua, he oromatuꞌa aŋa ki te ꞌariki, he nuꞌu haꞌataꞌa māꞌana, ꞌe he taŋata haka tere e ia. Te ꞌAtua, kope haka eꞌa i a kōrua mai roto i te pōhāhā o te meꞌe taꞌe tano mo oꞌo ki roto i tōꞌona mōrī nui-nui ena, i haꞌataꞌa ai i a kōrua mo haka ꞌite mo oho o ruŋa i te meꞌe nui-nui aŋa e ia.

1 Pētero 5:10

ꞌE ki oti i te haꞌaoromaꞌi tahi i te ꞌati topa atu ꞌi ruŋa i a kōrua, he meꞌe e ko roa rahi, he haka riro e te ꞌAtua i a kōrua he nuꞌu ꞌina e tahi hape, e hio-hio rō ꞌana te manaꞌu ꞌi ruŋa i a ia, nuꞌu pūai mo haꞌaoromaꞌi, ꞌe nuꞌu noho, ki te hora hopeꞌa, ꞌi te ara o te ꞌAtua. A ia, paꞌi, he ꞌAtua kī mai, ꞌi tōꞌona riva rahi, mo noho o tātou ꞌi muri i a ia ꞌina he hopeꞌa raꞌa ꞌi roto i tōꞌona nui-nui ꞌana-ꞌana hai haka moe o tātou i te manaꞌu ꞌi ruŋa i a Ietū Kiritō,

2 Pētero 1:1

A au, a Pētero, kī takoꞌa ko Tīmona, tāvini ꞌe ⌊ꞌāpōtoro⌋ ꞌa Ietū Kiritō, he ꞌaroha atu ki a kōrua ki te nuꞌu i a rāua takoꞌa te hauhaꞌa he ⌊haka moe i te manaꞌu⌋ ꞌi ruŋa i a Ietū, pa he haka moe iŋa nei o te mātou manaꞌu, he meꞌe ravaꞌa hai riva rahi o te ꞌAtua ꞌe o Ietū Kiritō, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa.

Hura 1:21

E uꞌi ꞌo rehu te rahi o te haŋa o te ꞌAtua mo tātou. ꞌE e tiaki ki te mahana ka vaꞌai mai ena e te tātou Pūꞌoko Haka Tere ko Ietū Kiritō, hai riva rahi ōꞌona, i te ora ꞌāpī ꞌina he hopeꞌa raꞌa.

Hura 1:3

E te taina, ko haŋa ꞌana a au mo pāpaꞌi atu o ruŋa i te eꞌa iŋa mai roto i te ūtuꞌa o te hara ꞌe te ravaꞌa iŋa i te ora ꞌāpī ꞌina he hopeꞌa raꞌa, he meꞌe ai i a kōrua ꞌe i a au. ꞌE, ko uꞌi ꞌana e au ꞌi te hora nei, te meꞌe ꞌāꞌaku mo hōrou mo pāpaꞌi atu: e maꞌu hio-hio ꞌi roto i te kōrua māhatu te hāpī parautiꞌa vaꞌai mai e te ꞌAtua ki a tātou ki te nuꞌu haꞌataꞌa e ia māꞌana ꞌe e hāpaꞌo ꞌo huri hai manaꞌu taŋata.