Fīripo 4:6 - Rapa Nui

⁶ ꞌIna ko manaꞌu rahi ki te meꞌe topa atu ꞌi ruŋa i a kōrua. E pure ki te ꞌAtua, e ani ki a ia mo hāꞌūꞌū atu, ꞌe ꞌina ko rehu mo māuru-uru.

Fīripo 4:6 ပူးပေါင်းရင်းမြစ်များ

Māteo 10:19

»ꞌI te hora vaꞌai i a kōrua ki te nuꞌu ra-rahi, ꞌina ko manaꞌu rahi he aha te meꞌe mo vānaŋa ꞌe pē hē kōrua ka kī ena. Ka tuꞌu ena te hora mo vānaŋa, mo te ꞌAtua e vaꞌai atu i te vānaŋa mo kī.

Māteo 13:22

»Te kona mauku pū-pū vī-viri era o te karu he nuꞌu haka roŋo i te roŋo o te ꞌAtua, ꞌe, ꞌi te pūai o te haŋa ki te meꞌe o te ao nei ꞌe ki te ꞌono he mira-mira te manaꞌu. Taꞌatoꞌa meꞌe nei he haka vavau i te vānaŋa o te ꞌAtua ꞌe ꞌina e ko haka rē mo hua ꞌi roto i a rāua.

Māteo 6:34

ꞌIna ko manaꞌu rahi o ruŋa i te meꞌe ka topa ena āpō; āpō ana manaꞌu iho o ruŋa. Taꞌatoꞌa nō mahana e ai rō ꞌana tōꞌona ꞌati.

Māteo 6:8

ꞌIna ko aŋa pē rāua. ꞌI raꞌe ki te kōrua no-noꞌi, paꞌi, ko ꞌite era ꞌā e te kōrua Matuꞌa o te raŋi i te meꞌe riva-riva mo kōrua.

Ruka 10:41

He pāhono e Ietū: —E Maratuka, ko te ꞌaroha i a koe. ¿He aha e haka ŋāruru-ruru tahaŋa ena i tuꞌu pūꞌoko hai ŋā meꞌe taꞌatoꞌa ena?

Ruka 12:22

He kī ia a Ietū i te meꞌe nei ki tāꞌana nuꞌu hāpī: «ꞌIna ko manaꞌu rahi kōrua o ruŋa o te meꞌe mo kai ꞌe o ruŋa o te kahu mo uru.

Ruka 12:29

»ꞌIna kōrua ko manaꞌu rahi o ruŋa i te meꞌe mo kai ꞌe o ruŋa i te meꞌe mo unu.

Ruka 18:1

Hai ꞌaꞌamu haꞌaauraꞌa i hāpī ai e Ietū ki te nuꞌu mo pure mo oho ki te ꞌAtua ꞌe mo taꞌe haka hōriŋa.

Ruka 18:7

Mo ai pē ira e manaꞌu era, ¿e ko hāꞌūꞌū hō te ꞌAtua ki te nuꞌu haꞌataꞌa e ia māꞌana pure ki a ia paurō te mahana? ¿E haka tiaki mau rō e te ꞌAtua?

1 Kōrinto 7:21

Mo ai ōꞌou he ꞌekaravo ꞌi te hora haka moe i tuꞌu manaꞌu ꞌi ruŋa i a Ietū, nōatu. ꞌE, mo ai tāꞌue o te rāveꞌa mo eꞌa ōꞌou mai te rima o te taŋata haka aŋa atu, e eꞌa.

1 Kōrinto 7:32

Te meꞌe haŋa ꞌāꞌaku: ꞌina ko ai te meꞌe o te ao nei mo manaꞌu rahi o kōrua. Te taŋata taureꞌa-reꞌa, ꞌi te ai hoko tahi nō, ꞌina e tahi meꞌe taꞌe haꞌatiꞌa i a ia mo aŋa ki te tātou Pūꞌoko Haka Tere, ꞌe, takoꞌa, mo haka koa.

2 Kōrinto 1:11

Te meꞌe haŋa he hāꞌūꞌū he pure mai o kōrua mo te mātou aŋa. ꞌE mo rahi o te nuꞌu pure mo mātou, he rahi takoꞌa ia te nuꞌu māuru-uru ki te ꞌAtua o tōꞌona haꞌamaitai mai i a mātou.

Ēfeto 5:20

ꞌO te ai o kōrua ꞌa Ietū Kiritō, Pūꞌoko Haka Tere o tātou, e māuru-uru e oho ki te ꞌAtua Matuꞌa mo te meꞌe taꞌatoꞌa.

Ēfeto 6:18

E te taina, ꞌina kōrua ko haka rē i te pure; e ani e oho ki te ꞌAtua hai pūai o te Vārua Maitai. E uꞌi ꞌo hōriŋa rō ꞌe ꞌo oho kē rō te manaꞌu. E pure mo te nuꞌu taꞌatoꞌa haꞌataꞌa e te ꞌAtua māꞌana.

Kōrosa 3:15

ꞌE mo te haumārū vaꞌai e Ietū Kiritō e hāꞌūꞌū atu mo ꞌite o kōrua he aha te meꞌe tano mo aŋa. Te ꞌAtua ko haꞌataꞌa ꞌana i a kōrua i te nuꞌu haka moe i te manaꞌu ꞌi ruŋa i a Ietū mo riro e tahi mau nō hakari ꞌe mo noho o kōrua taꞌatoꞌa ꞌi roto i te haumārū. ꞌE, e ꞌite kōrua mo māuru-uru mo oho ki te ꞌAtua.

Kōrosa 3:17

Te meꞌe taꞌatoꞌa kī ꞌe aŋa e kōrua, e tano o te nuꞌu ꞌa Ietū Kiritō. ꞌE e māuru-uru e oho ki te ꞌAtua Matuꞌa mo te meꞌe taꞌatoꞌa aŋa e Ietū mo kōrua.

Kōrosa 4:2

ꞌIna kōrua ko haka rē ꞌi te pure. E pure ꞌā, e uꞌi ꞌo oho kē te manaꞌu. E māuru-uru ki te ꞌAtua

1 Timoteo 2:1

ꞌĪ a au he kī atu: e no-noꞌi, e ani, e pure ꞌe e māuru-uru ki te ꞌAtua mo te taŋata taꞌatoꞌa o te ao.

1 Timoteo 5:5

Te viꞌe hove o roto i te taina kope kore mo hāpaꞌo i a ia he ŋatu nō te haŋu ki te ꞌAtua mo hāꞌūꞌū. ꞌO ira ka pō ka ꞌōtea e pure e ani ena.

1 Pētero 4:7

Te paꞌo iŋa o te ao nā ko hāhine mai ꞌana. ꞌO ira, e ꞌite mo hāito i te kōrua meꞌe kī ꞌe i te kōrua meꞌe aŋa, ki riva ai te kōrua pure.

1 Pētero 5:7

E haka rē ꞌi te rima o te ꞌAtua te meꞌe taꞌatoꞌa haka mana-manaꞌu atu i a kōrua; e haŋa rō ꞌana, paꞌi, a ia mo hāpaꞌo atu i a kōrua.