Fīripo 4:5 - Rapa Nui

⁵ E ꞌite e te nuꞌu taꞌatoꞌa: nuꞌu riva kōrua. Te hoki iŋa mai, paꞌi, o Ietū ko hāhine ꞌana.

Fīripo 4:5 ပူးပေါင်းရင်းမြစ်များ

Māteo 6:25

»ꞌĪ a au he kī atu: ꞌina kōrua ko manaꞌu rahi ki te meꞌe mo kai ꞌe mo unu mo ora o kōrua, ꞌe ꞌina takoꞌa ko manaꞌu rahi ki te meꞌe mo uru. ¿Ka kī ꞌō e ora ena te taŋata mo kai mau nō, ꞌe te hakari e ai ena mo uru nō i te kahu?

Māteo 6:34

ꞌIna ko manaꞌu rahi o ruŋa i te meꞌe ka topa ena āpō; āpō ana manaꞌu iho o ruŋa. Taꞌatoꞌa nō mahana e ai rō ꞌana tōꞌona ꞌati.

Ruka 21:34

»E uꞌi kōrua ꞌo haka rehe-rehe ki te meꞌe taꞌe au, ki te ꞌava unu ꞌe ki te manaꞌu ki te meꞌe o te ao nei, ꞌo tuꞌu rō mai te mahana o te ture hopeꞌa

1 Kōrinto 16:22

Mo taꞌe haŋa o te kope e tahi ki te tātou Pūꞌoko Haka Tere ko Ietū Kiritō, mo te ꞌAtua e haka ūtuꞌa. ¡E te mātou Pūꞌoko Haka Tere ē, ka hōrou koe ka hoki mai!

1 Kōrinto 6:7

Te ai te oho nō o te ture ꞌi roto i a kōrua e takeꞌa ena ko rē atu ꞌana ki a kōrua te manaꞌu taꞌe tano. Te meꞌe mau o kōrua mo aŋa he haꞌaoromaꞌi i te kope aŋa atu i te meꞌe taꞌe tano ꞌe toke atu i a kōrua.

1 Kōrinto 8:13

ꞌO ira, mo ai tāꞌue hai kai ōꞌoku i te kiko ana taꞌe haka moe haka ꞌou tōꞌoku taina i tōꞌona manaꞌu ꞌi ruŋa i a Ietū, ꞌina ia a au e ko kai haka ꞌou.

1 Kōrinto 9:25

Te nuꞌu ꞌāꞌati e hāpaꞌo rō ꞌana i a rāua mo te hora o te ꞌāꞌati. E aŋa ena pē ira mo rē i te hei, ꞌe rā hei e hopeꞌa era he mae-mae. ꞌE, a tātou e aŋa nei mo ravaꞌa i te meꞌe te hauhaꞌa e ko kore ki te hora hopeꞌa.

2 Kōrinto 10:1

E te taina, nā ꞌi roto i a kōrua te nuꞌu e haꞌaꞌino rō ꞌā i a au pē nei ē: ꞌi te hora ōꞌoku ꞌi muri i a kōrua, ꞌina a au he kī atu ki te kōrua ꞌāriŋa i te kōrua hape, ꞌe, ꞌi te hora mo pāpaꞌi atu, he ture nō atu tāꞌaku aŋa. ꞌO ira, a au, a Pauro, he ani atu hai haŋa ꞌe hai riva rahi o te ⌊Kiritō⌋:

2 Tētārōnika 2:2

Mo tuꞌu tāꞌue atu e tahi kope e kī rō ꞌā: ko haka takeꞌa ꞌana ki a ia e te ⌊Vārua Maitai⌋ e tahi meꞌe, ꞌo ko tuꞌu ꞌana te hāpī mai i a mātou, ka ai atu i vānaŋa ꞌo i pāpaꞌi, pē nei ē: ko hoki mai era ꞌā te tātou Pūꞌoko Haka Tere ko Ietū, he ani atu a mātou: ꞌina kōrua ko haka roŋo ꞌe ꞌina ko riꞌa-riꞌa.

Tito 3:2

nuꞌu taꞌe vānaŋa ꞌino mo te rua, taꞌe moto, riva, ꞌe ꞌite i te moꞌa i te nuꞌu taꞌatoꞌa.

ꞌEvereo 10:25

ꞌIna ko taꞌe haka taka-taka tātou mo haꞌamuri ki te ꞌAtua, pa he tētahi nuꞌu. Te meꞌe o tātou mo aŋa he ꞌata haka hio-hio i te manaꞌu o te tātou taina ꞌi te ŋā hora nei; ko ꞌite ꞌana, paꞌi, a tātou ko hāhine mai ꞌā te hoki iŋa mai o te tātou Pūꞌoko Haka Tere ko Ietū Kiritō.

ꞌEvereo 10:37

E kī rō ꞌana, paꞌi, ꞌi ruŋa i te Pāpaꞌi Moꞌa: «Nā he tuꞌu mai te kope era mo oho mai; e ko roa hia.

1 Pētero 1:11

Te meꞌe o rāua i haŋa mo aŋi-aŋi o rā roŋo: a hē ꞌe pē hē ka tano te meꞌe kī era ki a rāua e te Vārua o te ⌊Kiritō⌋ pē nei ē: e topa rō te ꞌati ꞌi ruŋa i te Kiritō ꞌe ki oti he haka nui-nui.

1 Pētero 4:7

Te paꞌo iŋa o te ao nā ko hāhine mai ꞌana. ꞌO ira, e ꞌite mo hāito i te kōrua meꞌe kī ꞌe i te kōrua meꞌe aŋa, ki riva ai te kōrua pure.

Meꞌe Haka Takeꞌa 22:20

Te kope haka ꞌite he parautiꞌa te ŋā meꞌe nei e kī rō ꞌā: «He aŋi ꞌā, e ko roa hia a au ka tuꞌu atu ena». ꞌE te kī ꞌāꞌaku: «¡Ka ai pē ira! ¡Ka oho mai koe, e Ietū ē, e te mātou Pūꞌoko Haka Tere ē!».

Meꞌe Haka Takeꞌa 22:7

He ŋaroꞌa ia e au i a Ietū e kī ꞌana: «¡E ko roa hia a au ka tuꞌu atu ena! ¡Ko te koa i te nuꞌu haꞌatura ki te roŋo o ruŋa i te meꞌe mo topa pe muꞌa ka oho ena hāꞌaki ꞌi ruŋa i te puka nei!».