Fīripo 4:3 - Rapa Nui

³ ꞌE a koe, e te hokorua aŋa ōꞌoku ē: e hāꞌūꞌū ki te ŋā taina ena. A rāua ananake ko kuā Keremente ꞌe tētahi atu nuꞌu i aŋa takoꞌa rō ꞌi muri i a au ꞌi te aŋa he haka ꞌite he oho i te ⌊roŋo riva-riva o ruŋa i a Ietū⌋. Te rāua ꞌīŋoa nā ꞌi ruŋa i te puka o te ꞌAtua, puka ꞌi ruŋa e pāpaꞌi ena te ꞌīŋoa o te nuꞌu ravaꞌa i te ora ꞌāpī ꞌina he hopeꞌa raꞌa.

Fīripo 4:3 ပူးပေါင်းရင်းမြစ်များ

Ruka 10:20

ꞌE, ka ai atu pē ira, te meꞌe o kōrua mo koa: ko pāpaꞌi ꞌā te kōrua ꞌīŋoa ꞌi te raŋi, taꞌe ꞌō ko haka roŋo atu ꞌā te tātane.

Rōmano 12:1

E te taina, te ꞌAtua e haka ꞌaroha rō ꞌana i a tātou, ꞌe ꞌi ruŋa i a tātou tōꞌona riva rahi. ꞌO ira ꞌī a au he ani atu: e vaꞌai tahi kōrua i te kōrua hakari ꞌe i te kōrua manaꞌu ki te ꞌAtua pa he tūtia ora haꞌataꞌa māꞌana mo aŋa i tāꞌana meꞌe haŋa. Te meꞌe nei he rāveꞌa tano mo haꞌamuri ki te ꞌAtua.

Rōmano 16:12

E ꞌaroha ki a Tiripena ꞌe ki a Tiripota, he ŋā viꞌe aŋa i te aŋa o te tātou Pūꞌoko Haka Tere ko Ietū Kiritō, ꞌe pē ira takoꞌa ꞌana ki a Peretire, taina haŋa rahi o tātou, vaꞌai i a ia ki te aŋa mā Ietū.

Rōmano 16:9

E ꞌaroha ki a ꞌUrupano, he hokorua aŋa o tātou ki te Kiritō, ꞌe ki tōꞌoku repahoa haŋa rahi ko ꞌĒtaki.

Fīripo 1:12

E te taina, e haŋa rō ꞌana a au mo ꞌite o kōrua: taꞌe he ꞌati mōꞌoku te meꞌe topa mai nei ki a au ꞌo te ai hai nei meꞌe ko rahi ko oho ꞌana te nuꞌu ŋaroꞌa i te roŋo riva-riva o ruŋa i a Ietū ꞌe haka moe i te manaꞌu ꞌi ruŋa i a ia.

Fīripo 1:16

Te nuꞌu nei e haka ꞌite ena o ruŋa i a Ietū Kiritō he haŋa mai ki a au ꞌe he ꞌite: o te ꞌAtua a au i maꞌu mai ki roto nei mo kī i te parautiꞌa o ruŋa i tāꞌana roŋo.

Fīripo 1:27

E te taina, te meꞌe haŋa: e uꞌi e haka tano te kōrua noho iŋa ki te roŋo riva-riva o te ꞌAtua. Te meꞌe haŋa nō, paꞌi, ꞌāꞌaku mo ꞌite mai o ruŋa i a kōrua, ka oho atu ꞌo ka taꞌe oho atu a au: nā kōrua e haka pūai mai ena e tahi nō manaꞌu ꞌi te haka ꞌite iŋa i te roŋo riva-riva o ruŋa i a Ietū

Fīripo 1:5

Mai te hora haka moe era, paꞌi, o kōrua i te manaꞌu ꞌi ruŋa i a Ietū ꞌātā ki te hora nei e hāꞌūꞌū rō mai ꞌā kōrua ꞌi tāꞌaku aŋa he haka ꞌite he oho i te ⌊roŋo riva-riva o ruŋa i a Ietū⌋.

Fīripo 1:7

Taꞌe he meꞌe mo māere te manaꞌu ōꞌoku i te ŋā meꞌe nei mo kōrua; e maꞌu rō ꞌana, paꞌi, au i a kōrua ꞌi roto i tōꞌoku māhatu. A kōrua, paꞌi, ka ai a au ꞌi roto i te hare maꞌuꞌaurī ꞌo ꞌi muꞌa o te nuꞌu ra-rahi e haka aŋi-aŋi ꞌā pē nei ē: he parautiꞌa mau ꞌā te ⌊roŋo riva-riva o te ꞌAtua⌋, ko te hokorua iŋa nō mai ꞌā kōrua ꞌi tāꞌaku aŋa vaꞌai mai e te ꞌAtua hai riva rahi ōꞌona.

Fīripo 4:2

He ani atu a au ki a kōrua, e ꞌEvoria ē, ꞌe e Tinitike ē: ka haka kore te riri o roto i a kōrua; a kōrua, paꞌi, he taina haka moe i te manaꞌu o ruŋa i a Ietū.

Kōrosa 1:7

Te meꞌe ena ꞌa Epafara, kope haŋa rahi o mātou aŋa takoꞌa ki te ꞌAtua, i hāpī atu. A ia he tāvini parautiꞌa ꞌa Ietū Kiritō.

Meꞌe Haka Takeꞌa 13:8

He haꞌamuri ia ki rā manuꞌino te taŋata taꞌatoꞌa te rāua ꞌīŋoa ꞌina o ruŋa i te puka pāpaꞌi o te ꞌīŋoa o te nuꞌu i a rāua te ora ꞌāpī ꞌina he hopeꞌa raꞌa. Te puka nei o te Māmoe tūtia era, ꞌe tōꞌona tūtia era ko haka tano era ꞌā mai te haꞌamata iŋa o te ao.

Meꞌe Haka Takeꞌa 17:8

»Te manuꞌino nei ꞌi te ao ꞌi muꞌa ꞌā; ꞌe ꞌi te hora nei, ꞌina. ꞌE, ka ai atu pē ira, pe muꞌa ka oho ena e eꞌa rō mai mai raro i te pū ꞌina he hopeꞌa te raro nui ꞌe, ka tano era, he hoa ki roto i te pōꞌauahi mo haka ūtuꞌa. Te nuꞌu te rāua ꞌīŋoa ꞌina o ruŋa i te puka pāpaꞌi i te ꞌīŋoa o te nuꞌu i a rāua te ora ꞌāpī ꞌina he hopeꞌa raꞌa mai te haꞌamata iŋa era ꞌā o te ao he māere ka takeꞌa ena i te manuꞌino nei, manuꞌino ꞌi te ao ꞌi muꞌa ꞌā, ŋaro era, ꞌe eꞌa haka ꞌou mai ena.

Meꞌe Haka Takeꞌa 20:12

He uꞌi atu ia a au i te nuꞌu mate, ka hōnui ꞌe ka taꞌe hōnui, e māroa rō ꞌana ꞌi muꞌa o tū pepe noho ꞌariki era. I oho era he mātaki-taki i te puka ꞌe i te puka takoꞌa era ꞌi ruŋa e pāpaꞌi rō ꞌā te ꞌīŋoa o te nuꞌu i a rāua te ora ꞌāpī ꞌina he hopeꞌa raꞌa. He ture ia i te nuꞌu mate tano ki te rāua meꞌe i aŋa pāpaꞌi ꞌi ruŋa i rā ŋā puka.

Meꞌe Haka Takeꞌa 20:15

ꞌe ꞌi ira i hoa ai i te nuꞌu ꞌina te rāua ꞌīŋoa o ruŋa i te puka pāpaꞌi o te ꞌīŋoa o te nuꞌu i a rāua te ora ꞌāpī ꞌina he hopeꞌa raꞌa vaꞌai e te ꞌAtua.

Meꞌe Haka Takeꞌa 21:27

ꞌE ki te hora hopeꞌa ꞌina e tahi meꞌe taꞌe tano mo oꞌo ki ira. E ko oꞌo te kope haꞌamuri ki te ꞌītoro ꞌe te kope reo-reo. Te nuꞌu nō mo oꞌo he nuꞌu te rāua ꞌīŋoa e pāpaꞌi rō ꞌā ꞌi ruŋa i te puka era o te Māmoe, he puka ꞌi ruŋa i pāpaꞌi ai i te ꞌīŋoa o te nuꞌu i a rāua te ora ꞌāpī ꞌina he hopeꞌa raꞌa vaꞌai e te ꞌAtua.

Meꞌe Haka Takeꞌa 3:5

’Te nuꞌu rē ki te pūai o Rukifero he uru i te kahu tea-tea, ꞌe ꞌina a au e ko haka kore i te rāua ꞌīŋoa mai ruŋa i te puka ꞌi ruŋa e pāpaꞌi ena i te ꞌīŋoa o te nuꞌu i a rāua te ora ꞌāpī ꞌina he hopeꞌa raꞌa vaꞌai e te ꞌAtua. ꞌE he haka māhani e au i a rāua ki tōꞌoku Matuꞌa ꞌe ki tōꞌona merahi pa he nuꞌu ꞌāꞌaku.