Fīripo 4:20 - Rapa Nui

²⁰ Ki haꞌahana-hana tahi tātou ki te ꞌAtua, he Matuꞌa o tātou, ꞌātā ki te hopeꞌa raꞌa. ⌊ꞌĀmene⌋.

Fīripo 4:20 ပူးပေါင်းရင်းမြစ်များ

Māteo 28:20

E hāpī mo haꞌatura i te meꞌe taꞌatoꞌa hāpī atu e au ki a kōrua. ꞌE ꞌina ko rehu: ꞌi muri i a kōrua a au paurō te mahana ꞌātā ki te hopeꞌa iŋa o te ao».

Māteo 6:9

»Pē nei ana pure: “E te Matuꞌa o mātou o te raŋi ē, te meꞌe haŋa he moꞌa o te taŋata taꞌatoꞌa i tuꞌu ꞌīŋoa,

Rōmano 11:36

Taꞌatoꞌa meꞌe o te ꞌAtua i aŋa, ꞌe hai ia e ai e oho nō ena; i aŋa ai mo haꞌahana-hana ki a ia. ¡Ki haꞌahana-hana tahi ia tātou ki te ꞌAtua ꞌātā ki te hopeꞌa raꞌa! ⌊ꞌĀmene⌋.

Rōmano 16:27

¡ꞌĀtā ki te hopeꞌa raꞌa ki haꞌahana-hana tahi tātou hai Ietū Kiritō ki te ꞌAtua, ko ia mau nō te ꞌAtua, ꞌe i a ia mau nō te mārama-rama parautiꞌa! ꞌĀmene.

Ēfeto 3:21

Ka haꞌahana-hana te taŋata i te ꞌAtua, ꞌi te hora nei ꞌe ki te hopeꞌa raꞌa, ꞌi te pūai nui-nui ōꞌona haka takeꞌa e ia hai Ietū Kiritō ꞌe hai nuꞌu taꞌatoꞌa haka moe i te manaꞌu ꞌi ruŋa i a ia. Ka ai pē ira.

Fīripo 1:11

ꞌE pē ira takoꞌa he poreko mai roto i a kōrua meꞌe rahi te meꞌe riva-riva hai pūai o Ietū Kiritō, ꞌe he haꞌahana-hana ia te taŋata i te ꞌAtua.

Fīripo 4:23

Ka ai ꞌi ruŋa i a kōrua taꞌatoꞌa te riva rahi o Ietū Kiritō, he Pūꞌoko Haka Tere o tātou.

1 Timoteo 1:17

¡Ki moꞌa ꞌe ki haꞌahana-hana tahi tātou, ꞌātā ki te hopeꞌa raꞌa, ki te ꞌAriki, he ꞌAtua ꞌina ōꞌona haꞌamata, ꞌina ōꞌona hopeꞌa, ꞌina he mate, ꞌina he takeꞌa, ꞌe e tahi mau nō! Ka ai pē ira.

Meꞌe Haka Takeꞌa 1:6

Ko haka riro ꞌana i a tātou he nūnaꞌa taŋata haka tere ꞌāꞌana, ꞌe he ⌊oromatuꞌa⌋ aŋa ki te ꞌAtua, he Matuꞌa ōꞌona. ¡Ka ai i a ia te haꞌahana-hana o te taꞌatoꞌa ꞌe te pūai mo haka tere i te ao taꞌatoꞌa ꞌātā ki te hopeꞌa raꞌa! ⌊ꞌĀmene⌋.

Meꞌe Haka Takeꞌa 11:13

ꞌI rā hora mau ꞌana he mākenu-kenu tahi te henua ꞌe, ꞌi te mākenu-kenu, he mārere-rere te ꞌapa e tahi o te ꞌapa e hoꞌe ꞌahuru o rā kona, ꞌe he mā-mate e hitu taꞌutini taŋata. Te nuꞌu taꞌe mā-mate era he riꞌa-riꞌa rō atu ꞌai, he ⌊huri i te manaꞌu ki te ꞌAtua⌋ ꞌi te raŋi ꞌe he haꞌamata he haꞌahana-hana ki a ia.

Meꞌe Haka Takeꞌa 14:7

E kī pūai era: «E moꞌa kōrua i te ꞌAtua, e haꞌahana-hana kōrua i a ia ꞌo te ai ꞌī ko tuꞌu mai ꞌā te hora era mo ture ōꞌona i te taŋata. E haꞌamuri kōrua ki te kope ꞌāꞌana i aŋa i te raŋi, i te henua, i te vaikava ꞌe i te kona manana vai».

Meꞌe Haka Takeꞌa 5:12

Hai reꞌo pūai e kī era: «¡Te meꞌe mo te Māmoe tiŋaꞌi tūtia era: he moꞌa, he haka nui-nui ꞌe he haꞌahana-hana o te taŋata taꞌatoꞌa ꞌo tōꞌona pūai, ꞌo tōꞌona hauhaꞌa, ꞌo tōꞌona mārama-rama ꞌe ꞌo tōꞌona mana!».

Meꞌe Haka Takeꞌa 7:12

ꞌe he kī pē nei ē: «¡He aŋi ꞌana! Te meꞌe mo te tātou ꞌAtua: he haꞌahana-hana, he haka nui-nui, he moꞌa ꞌe he māuru-uru o te taꞌatoꞌa ꞌo te ꞌite ōꞌona i te meꞌe taꞌatoꞌa, ꞌo te ai i a ia te pūai ꞌe te mana. Ki haꞌahana-hana tātou ki a ia ꞌātā ki te hopeꞌa raꞌa. ¡⌊ꞌĀmene⌋!».