Fīripo 4:18 - Rapa Nui

¹⁸ He haka ꞌite atu a au: te meꞌe taꞌatoꞌa haka maꞌu mai era e kōrua ki a Epafororito ko tuꞌu mai ꞌana; rahi riꞌa-riꞌa ꞌe ꞌina he meꞌe hape toe ꞌāꞌaku. Te meꞌe nei pa he tūtia ꞌeo vaꞌai ki te ꞌAtua, ꞌe he meꞌe koa ꞌāꞌana.

Fīripo 4:18 ပူးပေါင်းရင်းမြစ်များ

Aŋa o te ꞌĀpōtoro 10:4

He noho he uꞌi a Koronerio ki tū merahi era koia ko riꞌa-riꞌa ꞌe he ꞌui: «¿He aha rā taꞌa meꞌe haŋa?». He kī e te merahi: «Ko ŋaroꞌa ꞌana e te ꞌAtua i taꞌa pure ꞌe e takeꞌa rō ꞌana i tuꞌu hāꞌūꞌū iŋa ki te veve.

Rōmano 12:1

E te taina, te ꞌAtua e haka ꞌaroha rō ꞌana i a tātou, ꞌe ꞌi ruŋa i a tātou tōꞌona riva rahi. ꞌO ira ꞌī a au he ani atu: e vaꞌai tahi kōrua i te kōrua hakari ꞌe i te kōrua manaꞌu ki te ꞌAtua pa he tūtia ora haꞌataꞌa māꞌana mo aŋa i tāꞌana meꞌe haŋa. Te meꞌe nei he rāveꞌa tano mo haꞌamuri ki te ꞌAtua.

2 Kōrinto 11:8

Te parautiꞌa, i tano ai a au mo aŋa atu ki a kōrua taꞌe e ꞌauhau mai ꞌi te meꞌe era i haka maꞌu rō mai e te tētahi taina o te tētahi atu kona hai meꞌe tara mōꞌoku.

2 Kōrinto 9:12

Te maꞌu i te hāꞌūꞌū nei ki te ŋā taina era o ira taꞌe nō e maꞌu ꞌā i te meꞌe hape o rāua, e aŋa takoꞌa ꞌā i te meꞌe mo ꞌata māuru-uru o rāua ki te ꞌAtua.

Ēfeto 5:2

E haka rē mo te haŋa e haka tika atu, pa he meꞌe aŋa e Ietū hora vaꞌai era i a ia ki te mate mo tātou. ꞌE tōꞌona mate era, mo te ꞌAtua, pa he tūtia ꞌeo.

Fīripo 4:12

E ꞌite rō ꞌā a au pē hē te noho iŋa ꞌi roto i te oŋe ꞌe pē hē te noho iŋa ꞌi roto i te mau. ꞌE e ꞌite takoꞌa rō ꞌana a au mo koa ka ai atu e mākona rō ꞌā ꞌo e maruaki rō ꞌana, e ai rō ꞌā ꞌo e taꞌe ai rō ꞌā tāꞌaku meꞌe.

2 Tētārōnika 1:3

E te taina, te meꞌe tano mo aŋa e mātou he māuru-uru he oho ki te ꞌAtua mo kōrua ꞌo te ai te haka moe iŋa o kōrua i te manaꞌu ꞌi ruŋa i a Ietū pe te ꞌata pūai e oho ena, ꞌe te haŋa o kōrua mo te rua pe te ꞌata rahi nō e oho ena.

ꞌEvereo 13:16

ꞌE ꞌina ko rehu mo aŋa i te meꞌe riva-riva ꞌe mo vaꞌai takoꞌa ki te rua o te meꞌe ai o kōrua. Te ŋā meꞌe nei he tūtia haŋa takoꞌa o te ꞌAtua.

1 Pētero 2:5

A kōrua takoꞌa pa he māꞌea ora, ꞌe te ꞌAtua, hai ŋā māꞌea ora ena ko kōrua, e aŋa mai ena i te kona mo haꞌamuri ki a ia. ꞌI roto a kōrua pa he ⌊oromatuꞌa⌋ haꞌataꞌa e ia māꞌana tūtia ki a ia i te meꞌe riva-riva haka poreko e te Vārua Maitai ꞌi roto i a kōrua, he tūtia koa ꞌāꞌana ꞌo te ai o kōrua ꞌa Ietū Kiritō.