Fīripo 4:10 - Rapa Nui

¹⁰ Ko koa ꞌana ꞌe ko māuru-uru ꞌana a au ki te ꞌAtua ꞌo te haka takeꞌa haka ꞌou mai o kōrua, ꞌi te hora nei, i te kōrua manaꞌu iŋa mai ki a au hai haka maꞌu mai o kōrua hai moni. Ko ꞌite ꞌana e au he manaꞌu nō te aŋa o kōrua mo hāꞌūꞌū mai. Te meꞌe nō, he ravaꞌa iho e kōrua i te rāveꞌa pē hē ana haka maꞌu mai i te kōrua hāꞌūꞌū.

Fīripo 4:10 ပူးပေါင်းရင်းမြစ်များ

2 Kōrinto 11:9

ꞌE, ꞌi rā hora era ōꞌoku ꞌi muri i a kōrua, e hape era tāꞌaku meꞌe, ꞌina a au he no-noꞌi atu. O te taina tuꞌu mai mai Mātērōnia i hāꞌūꞌū mai. A au, paꞌi, e uꞌi rō ꞌana ꞌo riro a au he meꞌe paŋahaꞌa e tahi mo kōrua, ꞌe pē ira a au e aŋa e oho nei ꞌi te kona taꞌatoꞌa o Ākāia. ꞌO ira, ꞌina e tahi kope o rā ŋā kona mo kī i tōꞌoku reo-reo ana teꞌo-teꞌo a au o ruŋa i te taꞌe no-noꞌi i te moni mo haka ꞌite i te roŋo riva-riva o te ꞌAtua. ꞌE tāꞌaku vānaŋa nei e kī atu ena pa he parautiꞌa ena ꞌā o tāꞌaku vānaŋa taꞌatoꞌa kī atu o ruŋa i te Kiritō.

2 Kōrinto 6:7

hai hāpī i te roŋo parautiꞌa, ꞌe hai pūai o te ꞌAtua ꞌi roto i a mātou. Te noho iŋa tano nei o mātou ki te mata o ꞌAtua, ꞌi te hora taꞌatoꞌa, pa he meꞌe e rua maꞌu e te vaꞌehau ꞌi te rima ꞌi te hora o te tamaꞌi, e tahi o rā meꞌe mo moto ꞌe te rua mo puru i a ia ꞌo pū.

Karatia 6:10

Mo ai i a tātou te rāveꞌa mo hāꞌūꞌū, he hāꞌūꞌū tātou, ꞌe he nuꞌu taina haka moe i te manaꞌu ꞌi ruŋa i a Ietū te meꞌe raꞌe o tātou mo hāꞌūꞌū.

Karatia 6:6

Te kope hāpī i te vānaŋa o te ꞌAtua, e hāꞌūꞌū hai meꞌe ai ꞌāꞌana ki te maꞌori hāpī i a ia.

Fīripo 1:1

A au, a Pauro, ꞌe a Timoteo, tāvini o Ietū Kiritō, he ꞌaroha atu ki a kōrua ki te nuꞌu o Fīripo haꞌataꞌa e te ꞌAtua māꞌana ꞌo te ⌊haka moe i te manaꞌu⌋ ꞌi ruŋa i a Ietū. Te ꞌaroha nei mo te taꞌatoꞌa o kōrua ananake ko te nuꞌu pūꞌoko haka tere o kōrua ꞌe ko te kōrua ⌊taina hāꞌūꞌū⌋.

Fīripo 1:3

ꞌI te taꞌatoꞌa nō hora manaꞌu ōꞌoku ki a kōrua e māuru-uru nei au mo kōrua ki te tātou ꞌAtua,

Fīripo 2:30

A Epafororito, paꞌi, i vaꞌai rō i a ia ki te mate mo aŋa ki a Ietū. Te parautiꞌa, i oho rō mo mate ꞌi te hāꞌūꞌū mai i a au ꞌi te aŋa ꞌina e ko ravaꞌa e kōrua mo aŋa he kore o kōrua o muri i a au.