Fīripo 3:8 - Rapa Nui

⁸ ꞌE taꞌe nō pē ira. Mōꞌoku, ꞌina e tahi meꞌe mo hāhine ki te meꞌe ena he māhani ki a Ietū Kiritō, Pūꞌoko Haka Tere ōꞌoku. Ko hoa tahi ꞌana e au i rā ŋā meꞌe mo koa ōꞌona; mōꞌoku, paꞌi, rā ŋā meꞌe taꞌatoꞌa he tūtaꞌe nō atu e tahi o te ao nei. Tāꞌaku meꞌe haŋa nō ko ia

Fīripo 3:8 ပူးပေါင်းရင်းမြစ်များ

Ruka 1:43

¿Ko ai a au i oho mai ai te matuꞌa vahine o te Kiritō uꞌi i a au?

Ruka 11:20

ꞌE, mo haka eꞌa ōꞌoku i te tātane mai roto i te taŋata hai pūai o te ꞌAtua, ko tuꞌu mai ꞌana ia te ⌊haka tere iŋa ꞌāpī o te ꞌAtua⌋ ki a kōrua.

Iovani 14:20

ꞌI rā mahana ka aŋi-aŋi ena e kōrua: a māua ko te Matuꞌa e tahi mau nō, a au o kōrua, ꞌe a kōrua ꞌāꞌaku.

Iovani 14:7

Mo ꞌite o kōrua ko ai a au, he ꞌite takoꞌa ko ai te Matuꞌa. ꞌE mai te hora nei ka ꞌite ena a kōrua ko ai a ia; ko takeꞌa ko oho nō mai era ꞌā, paꞌi, e kōrua i a ia.

Iovani 16:3

Te ŋā meꞌe nei ka aŋa atu ena ki a kōrua ꞌo te taꞌe ꞌite ko ai a au ꞌe ko ai te Matuꞌa.

Iovani 17:3

Te meꞌe he ora ꞌāpī ꞌina he hopeꞌa raꞌa ko te meꞌe nei: he ꞌite e rāua ko ai mau a koe, he ꞌAtua parautiꞌa e tahi mau nō, ꞌe ko ai a au a Ietū Kiritō, he kope uŋa mai e koe.

Iovani 17:8

Ko haka ꞌite ꞌana e au i taꞌa roŋo vaꞌai mai era, ꞌe he aŋi mau ꞌana mo rāua. Ko ꞌite ꞌana he parautiꞌa mau ꞌā mai i a koe a au i oho mai ai ꞌe ꞌāꞌau a au i uŋa mai.

Iovani 20:13

He ꞌui e tū ŋā merahi era: ¿He aha rā koe e taŋi ena? He kī e Māria: —He toꞌo, hoꞌi, i te hakari o tōꞌoku Maꞌori, ꞌe kai ꞌite a au ꞌi hē i haka rē ai.

Iovani 20:28

I ꞌauē a Tōmā i kī ai: —¡E te Pūꞌoko Haka Tere ōꞌoku ē, e te ꞌAtua ōꞌoku ē!

Aŋa o te ꞌĀpōtoro 20:24

Te meꞌe era ꞌina e au he tapa atu, ka ai atu he mate a au. Te meꞌe haŋa nō ꞌāꞌaku he haka oti tahi hai koa i te aŋa vaꞌai mai e Ietū, he haka ꞌite he oho i te roŋo riva-riva o ruŋa i te riva rahi o te ꞌAtua.

Rōmano 8:18

Ki tōꞌoku manaꞌu, te ꞌati ꞌamo e tātou ꞌi te hora nei taꞌe ꞌā he meꞌe ki te meꞌe hopeꞌa o te nui-nui ka takeꞌa ena e tātou pe muꞌa ka oho ena.

Rōmano 8:39

e te meꞌe o te kona hopeꞌa o te ruŋa nui ꞌe e te meꞌe o te kona hopeꞌa o te raro nui, ꞌe e te tētahi atu meꞌe aŋa e te ꞌAtua. ꞌIna mau ꞌā e tahi meꞌe mo haka kore mai ruŋa i a tātou i te haŋa o te ꞌAtua haka takeꞌa mai hai Ietū Kiritō, he Pūꞌoko Haka Tere o tātou.

1 Kōrinto 2:2

E noho atu era a au ꞌi muri i a kōrua te meꞌe mau nō ꞌāꞌaku i manaꞌu he hāpī atu o ruŋa i a Ietū Kiritō ꞌe o ruŋa i tōꞌona mate iŋa ꞌi ruŋa i te tātaurō.

1 Kōrinto 9:10

i manaꞌu ai mo tātou. Te haka tere iŋa era ꞌa Mōtē, paꞌi, i pāpaꞌi ai mo te tātou riva-riva. Te auraꞌa: te kope ꞌārote i te henua ꞌe te kope tiŋi-tiŋi i te karu tariko e aŋa ꞌā i te rāua aŋa koia ko manaꞌu e ai takoꞌa rō to rāua o rā kai ꞌoka era.

2 Kōrinto 4:4

Te nuꞌu nei, ꞌi te taꞌe haka moe i te rāua manaꞌu ꞌi ruŋa i a Ietū, ko haka pōhāhā ꞌā i te rāua manaꞌu e Rukifero, ꞌatua o te ao nei, ꞌo aŋi-aŋi, ꞌo takeꞌa i te māꞌeha o te mōrī o te roŋo riva-riva o ruŋa i te pūai ꞌe i te nui-nui o te ⌊Kiritō⌋, ꞌāriŋa ora o te ꞌAtua.

2 Kōrinto 4:6

O te ꞌAtua kī era pē nei ē: «Ka ai te mōrī ꞌi roto i te pōhāhā», te haka māꞌeha i te mātou manaꞌu mo haka māꞌeha takoꞌa e mātou i te manaꞌu o te tētahi nuꞌu hai haka ꞌite i te pūai ꞌe i te nui-nui o te ꞌAtua takeꞌa ꞌi ruŋa i a Ietū Kiritō.

Ēfeto 4:13

ꞌātā ka ai rō e tahi mau nō manaꞌu ꞌo te māhani ꞌe ꞌo te haka moe i te manaꞌu ꞌi ruŋa i te Poki o te ꞌAtua. ꞌE pē ira takoꞌa ka paꞌari ka oho ena te tātou manaꞌu o ruŋa i te meꞌe o te ꞌAtua, ꞌātā ka ai rō te tātou huru, huru riva, pa he huru riva o Ietū Kiritō, ꞌina e tahi hape.

Fīripo 1:1

A au, a Pauro, ꞌe a Timoteo, tāvini o Ietū Kiritō, he ꞌaroha atu ki a kōrua ki te nuꞌu o Fīripo haꞌataꞌa e te ꞌAtua māꞌana ꞌo te ⌊haka moe i te manaꞌu⌋ ꞌi ruŋa i a Ietū. Te ꞌaroha nei mo te taꞌatoꞌa o kōrua ananake ko te nuꞌu pūꞌoko haka tere o kōrua ꞌe ko te kōrua ⌊taina hāꞌūꞌū⌋.

Fīripo 3:10

ꞌE hora nei, tāꞌaku meꞌe haŋa he māhani riva-riva he oho ōꞌoku i te ⌊Kiritō⌋ ꞌe he ŋaroꞌa ꞌi roto i a au tōꞌona aŋa iŋa mai hai pūai, pa he aŋa iŋa era o te ꞌAtua hai pūai hora haka ora era i a Ietū mai te mate. ꞌE, takoꞌa, he ꞌite ōꞌoku mo haꞌaoromaꞌi, pē ia, i te ꞌati mo aŋa i te meꞌe haŋa o te ꞌAtua, ꞌe ꞌātā mo mate ꞌo te ai ōꞌoku ꞌa Ietū Kiritō, ana haŋa te ꞌAtua.

Fīripo 3:12

ꞌIna a au he kī: ko tuꞌu ꞌana ꞌō a au ki te roa hopeꞌa: he taŋata ꞌina e tahi hape pē Ietū. Te meꞌe nō ꞌāꞌaku mo kī atu: ꞌī a au e aŋa e oho nō ꞌā mo tuꞌu pē ia; hora haꞌataꞌa era, paꞌi, i a au māꞌana, he meꞌe ena te meꞌe haŋa mōꞌoku.

Fīripo 3:7

Te meꞌe taꞌatoꞌa ena, meꞌe manaꞌu era e au e hauhaꞌa rō ꞌā mo tano ōꞌoku ki te mata o te ꞌAtua, hora nei, ꞌo te ai ōꞌoku ꞌa Ietū Kiritō, e ꞌite nei a au meꞌe hauhaꞌa-ꞌore.

2 Timoteo 4:6

E Timoteo, ko hāhine ꞌana a au mo mate; ko tuꞌu ꞌana a au ꞌi te hora nei pa he tūtia mo te ꞌAtua.

ꞌEvereo 3:14

E te taina, mo haka moe mo oho nō tātou i te manaꞌu ꞌi ruŋa i a Ietū ki te hora hopeꞌa pa he hora raꞌe era ꞌā, mo tātou takoꞌa te meꞌe taꞌatoꞌa ꞌa Ietū Kiritō.

1 Pētero 2:7

Mo kōrua mo te nuꞌu haka moe i te manaꞌu ꞌi ruŋa i a Ietū, te māꞌea ena māꞌea hauhaꞌa rahi. ꞌE mo te nuꞌu taꞌe haka moe i te manaꞌu ꞌi ruŋa i a ia, e kī ena ꞌi ruŋa i te Pāpaꞌi Moꞌa pē nei ē: «Te māꞌea taꞌe haŋa era e te nuꞌu aŋa hare, ko riro ꞌana he māꞌea matuꞌa haka noho hare».

2 Pētero 1:2

Ka rahi ka oho te riva rahi ꞌe te haumārū o te ꞌAtua ꞌi ruŋa i a kōrua ꞌi te hora taꞌatoꞌa ꞌite oho o kōrua o ruŋa i a ia ꞌe o ruŋa i a Ietū, Pūꞌoko Haka Tere o tātou.

2 Pētero 1:3

Te ꞌAtua, hai pūai ōꞌona, e hāꞌūꞌū mai ena hai rauhuru rāveꞌa mo riva o tātou mo haꞌatura ki a ia ꞌe mo tano o te tātou noho iŋa ki tōꞌona mata. Te meꞌe nei e ravaꞌa ena hai māhani o tātou ki a ia, kope haꞌataꞌa i a tātou mo huaꞌai ꞌāꞌana hai haka ꞌite mai i tōꞌona huru riva ꞌe i tōꞌona pūai nui-nui.

2 Pētero 1:8

ꞌE mo ai nā i a kōrua te ŋā meꞌe nei ꞌe e haka pūai e oho rō ꞌana, ꞌina ia te kōrua noho iŋa e ko māuꞌa, ꞌe te māhani o kōrua ki te tātou Pūꞌoko Haka Tere ko Ietū Kiritō e ko māuꞌa takoꞌa.

2 Pētero 3:18

Te meꞌe mau o kōrua mo aŋa he uꞌi mo māhani riva-riva ki te tātou Pūꞌoko Haka Tere ko Ietū Kiritō, kope haka eꞌa i a tātou mai roto i te ūtuꞌa o te hara ꞌe vaꞌai mai i te ora ꞌāpī ꞌina he hopeꞌa raꞌa, ꞌe ꞌai kōrua ka noho ka oho rō ꞌi roto i tōꞌona haŋa. ¡Ki haꞌahana-hana tātou ki a ia ꞌi te hora nei ꞌe ꞌi te hora taꞌatoꞌa! Ka ai pē ira.

1 Iovani 1:3

E haka ꞌite atu ena o ruŋa i tū kope takeꞌa ꞌe ŋaroꞌa era e mātou, mo ravaꞌa takoꞌa e kōrua i te ora ꞌāpī nei i a mātou, he ora i te ꞌAtua Matuꞌa ꞌe i tāꞌana Poki ko Ietū Kiritō,

1 Iovani 2:19

A rāua mai roto i a tātou i eꞌa ai, ꞌe, ka ai atu pē ira, taꞌe a rāua o tātou. ꞌĀhani, paꞌi, o tātou ko noho mai ꞌana. Te meꞌe nei i topa ai mo takeꞌa riva-riva: taꞌe taꞌatoꞌa nuꞌu o roto i a tātou he nuꞌu o tātou.

1 Iovani 5:20

ꞌE, ko ꞌite takoꞌa ꞌā e tātou: ko tuꞌu mai ꞌana te Poki o te ꞌAtua, ꞌe ko vaꞌai mai ꞌā i te mārama-rama mo aŋi-aŋi ko ai te ꞌAtua parautiꞌa. ꞌE hora nei, ananake tātou ko nei ꞌAtua ꞌo te ai a tātou o tāꞌana Poki ko Ietū Kiritō. A ia he ꞌAtua parautiꞌa vaꞌai i te ora ꞌāpī ꞌina he hopeꞌa raꞌa.