Fīripo 3:7 - Rapa Nui

⁷ Te meꞌe taꞌatoꞌa ena, meꞌe manaꞌu era e au e hauhaꞌa rō ꞌā mo tano ōꞌoku ki te mata o te ꞌAtua, hora nei, ꞌo te ai ōꞌoku ꞌa Ietū Kiritō, e ꞌite nei a au meꞌe hauhaꞌa-ꞌore.

Fīripo 3:7 ပူးပေါင်းရင်းမြစ်များ

Māteo 16:26

»ꞌIna e tahi auraꞌa mo te taŋata ai i tāꞌana meꞌe taꞌatoꞌa haŋa o te ao nei ꞌe ꞌina i a ia te ora ꞌāpī ꞌina he hopeꞌa raꞌa. ꞌIna e tahi meꞌe mo vaꞌai ꞌo mo aŋa e te taŋata mo ꞌauhau ki te ꞌAtua mo ravaꞌa i rā ora.

Marko 10:50

A ruŋa i rere ai tū kope era, he hoa i tōꞌona kapa, ꞌe he haka hāhine.

Ruka 14:26

«Mo ai e tahi o kōrua e oho mai ena ki a au i hau ꞌi te haŋa ki tōꞌona matuꞌa tane, ki tōꞌona matuꞌa vahine, ki tāꞌana viꞌe, ki tāꞌana ŋā poki, ki tōꞌona taina ꞌe, takoꞌa, ki a ia mau ꞌā ki te haŋa mai ōꞌona ki a au, e ko tano mo taŋata hāpī ꞌāꞌaku.

Ruka 14:33

»Ko tū meꞌe ꞌā mo kōrua. Mo haŋa o kōrua mo riro he nuꞌu hāpī ꞌāꞌaku, e manaꞌu, ꞌi raꞌe, ana tano kōrua mo ꞌamo i te paŋahaꞌa. Kope nō ena o roto i a kōrua mo taꞌe haka rē i tāꞌana meꞌe haŋa taꞌatoꞌa, e ko tano mo taŋata hāpī ꞌāꞌaku.

Ruka 16:8

»I ꞌite era i rā meꞌe e tū taŋata ꞌono era he kī: “¡Ko te mārama-rama i te kope aŋa i te meꞌe tuꞌu pē rā!”». He kī haka ꞌou e Ietū: «He aŋi ꞌā, ꞌata hau ꞌi te ꞌite te nuꞌu taꞌe ⌊haka moe i te manaꞌu⌋ ꞌi ruŋa i te ꞌAtua mo aŋa i te meꞌe mo te rāua riva-riva ki te nuꞌu haka moe i te manaꞌu ꞌi ruŋa i te ꞌAtua.

Aŋa o te ꞌĀpōtoro 27:38

I mākona tahi era mātou, he hoa i te tariko topa ki roto i te vaikava mo haka rehe i te paŋahaꞌa o te pahī.

ꞌEvereo 11:26

Tōꞌona manaꞌu: i hau rō atu mōꞌona te ꞌamo i te ꞌati topa ꞌi ruŋa i te nuꞌu ŋatu i te haŋu ki te ⌊Mētia⌋ mo uŋa mai e te ꞌAtua ki te ai i a ia te hauhaꞌa o Ehipto; a ia, paꞌi, e tiaki ꞌana ki te meꞌe hopeꞌa o te riva-riva mo vaꞌai e te ꞌAtua.