Fīripo 3:18 - Rapa Nui

¹⁸ Ko kī atu era ꞌā e au ꞌe hai taŋi ka kī haka ꞌou atu ena: nuꞌu rahi te nuꞌu kī: ꞌa Ietū a rāua, ꞌe te parautiꞌa mau, e riri rō ꞌana mōꞌona. O te rāua noho iŋa taꞌe tano, paꞌi, te haka takeꞌa mai pē nei ē: te mate era o Ietū ꞌi ruŋa i te tātaurō ꞌina e tahi hauhaꞌa mo rāua.

Fīripo 3:18 ပူးပေါင်းရင်းမြစ်များ

Ruka 19:41

I hāhine i oho era a Ietū ki Hērutarema, ꞌe i takeꞌa riva-riva era, he taŋi mo rā kona.

Aŋa o te ꞌĀpōtoro 20:19

Te mahana te mahana i noho atu ai a au ꞌi roto i a kōrua e aŋa ꞌā i te aŋa o te ꞌAtua pa he kope taꞌe manaꞌu i hau rō atu ki te rua koia ko pariŋi tōꞌoku matavai. I haꞌaoromaꞌi rō au i te rahi o te ꞌati topa mai, he rava aŋa mai o te hūrio ra-rahi i te meꞌe rake-rake.

Rōmano 9:2

ka pō ka ꞌōtea e maꞌu nei a au i te māui-ui ꞌi roto i tōꞌoku māhatu

1 Kōrinto 1:18

Te roŋo o te mate o Ietū ꞌi ruŋa i te tātaurō he meꞌe maꞌa-maꞌa nō atu e tahi mo te nuꞌu ꞌi ruŋa i a rāua ka topa ena te ūtuꞌa o te ꞌAtua. ꞌE mo tātou mo te nuꞌu eꞌa mai roto i te ūtuꞌa o te hara he pūai o te ꞌAtua.

1 Kōrinto 6:9

¿Kai ꞌite ꞌana hō kōrua: te nuꞌu aŋa i te meꞌe taꞌe tano ki te mata o te ꞌAtua e ko oꞌo ki roto i te nūnaꞌa taŋata haka tere e ia? ꞌIna kōrua ko reo-reo ki a kōrua ꞌā. ꞌIna, paꞌi, o roto i te nūnaꞌa taŋata haka tere e te ꞌAtua te nuꞌu moe i te viꞌe i te taŋata taꞌe he viꞌe ꞌo taꞌe he kenu ꞌāꞌana, ꞌina he nuꞌu haꞌamuri ki te ꞌītoro, he nuꞌu taiꞌata, he ŋāŋata haꞌariro i a rāua pa he viꞌe, he hiku, he toke-toke, he nuꞌu nou-nou, he nuꞌu rava taꞌero, he nuꞌu vānaŋa taꞌe tano mo te rua, ꞌe he nuꞌu toke i te rua hai reo-reo.

2 Kōrinto 11:13

A rāua he ꞌāpōtoro reo-reo e haka tuꞌu rō ꞌana i a rāua pa he ꞌāpōtoro o te Kiritō.

2 Kōrinto 11:29

ꞌo viri tāꞌue e tahi o rāua ki roto ꞌi te hara ꞌo te taꞌe pūai o tōꞌona haka moe iŋa i te manaꞌu ꞌi ruŋa i a Ietū ꞌe ꞌo te haka hara i a ia e te kope e tahi. Ka meꞌe era, he riri ia a au mo rā kope era ꞌāꞌana i haka hara.

2 Kōrinto 2:4

ꞌE, hora pāpaꞌi atu era ōꞌoku i rā parau, i manaꞌu rahi rō atu a au ki a kōrua ꞌe i rahi rō te mamae o tōꞌoku māhatu, ꞌātā i taŋi rō a au. Ka ai atu pē ira, taꞌe i pāpaꞌi atu ai mo haka māui-ui i te kōrua māhatu; mo haka ꞌite atu i te rahi o tōꞌoku haŋa mo kōrua.

Karatia 1:7

ꞌE te parautiꞌa, ꞌina he rua roŋo riva-riva o te ꞌAtua. Te meꞌe nō, e ai rō ꞌana te nuꞌu nā e haka mira-mira ꞌana i te kōrua manaꞌu. E haŋa ꞌā mo haka poteko i te ⌊roŋo riva-riva o ruŋa i a Ietū⌋.

Karatia 2:14

ꞌO ira, i takeꞌa era e au ꞌina he tano tāꞌana meꞌe aŋa ki te parautiꞌa o te roŋo riva-riva o ruŋa i a Ietū, he kī e au ki a Pētero ꞌi muꞌa o te taina taꞌatoꞌa: «Mo ai e tano rō ꞌā mōꞌou, e te hūrio ē, mo noho pa he taŋata taꞌe he hūrio, ¿e tano rō ꞌana ia mo kī o tātou ki te nuꞌu taꞌe he hūrio mo haka tere i a rāua pa he hūrio?».

Karatia 2:21

Kai taꞌe haka hauhaꞌa a au i te riva rahi o te ꞌAtua pa he nuꞌu era. Mo ai rō, paꞌi, hai haꞌatura ki te haka tere iŋa ꞌa Mōtē e tano ena te taŋata ki te mata o te ꞌAtua, i mate tahaŋa nō ia a Ietū.

Karatia 5:21

He fiꞌiꞌi, he rava taꞌero, he rava kai, ꞌe tētahi haka ꞌou atu meꞌe tuꞌu pē ira. ꞌE ꞌī a au he kī haka ꞌou atu i te meꞌe kī atu era e au ꞌi muꞌa ꞌā: te nuꞌu pē nei ꞌina e ko oꞌo ki roto i te nūnaꞌa taŋata haka tere e te ꞌAtua.

Karatia 6:12

Te nuꞌu kī atu mo hore i te kiri o te kinoŋa, e kī atu ena pē ira mo tano o rāua ki te mata o te nuꞌu ra-rahi o te ⌊hūrio⌋, ꞌo tute i a rāua mo tōtōā ꞌo te hāpī pē nei ē: hai haka moe nō i te manaꞌu ꞌi ruŋa i a Ietū ꞌe ꞌi ruŋa i te meꞌe ravaꞌa e ia hai mate iŋa era ōꞌona ꞌi ruŋa i te tātaurō he eꞌa te taŋata mai roto i te ūtuꞌa o te hara ꞌe he ravaꞌa i te ora ꞌāpī ꞌina he hopeꞌa raꞌa.

Karatia 6:14

Tāꞌaku meꞌe mau nō mo teꞌo-teꞌo he meꞌe aŋa era e Ietū Kiritō, Pūꞌoko Haka Tere o tātou. Hai mate iŋa era ōꞌona ꞌi ruŋa i te tātaurō i taꞌe ai haka ꞌou ai a au he ꞌekaravo o te meꞌe o te ao nei, ꞌe ꞌina he pūai toe o te ŋā meꞌe nei mo haka tere mai i a au.

Ēfeto 4:17

Te meꞌe haŋa ꞌa Ietū Kiritō mo kī atu e au ko te meꞌe nei: ꞌina kōrua ko noho haka ꞌou pa he nuꞌu taꞌe ꞌite ko ai te ꞌAtua parautiꞌa. Te noho iŋa, paꞌi, o rā nuꞌu e haka tano ena ki te manaꞌu taꞌe hauhaꞌa ꞌe taꞌe hāꞌūꞌū i a rāua.

Fīripo 1:4

ꞌe hai koa a au e pure nei mo kōrua taꞌatoꞌa.

1 Tētārōnika 4:6

ꞌIna e tahi o kōrua mo tōtōā i te taina ⌊haka moe i te manaꞌu⌋ ꞌi ruŋa i a Ietū hai toꞌo i tāꞌana viꞌe māꞌana. Ko haka ꞌite atu era ꞌā, paꞌi, e mātou pē nei ē: te ꞌAtua e haka ūtuꞌa rō ꞌā i te nuꞌu aŋa i te meꞌe tuꞌu pē nei hai ūtuꞌa taparahi-taꞌata.

2 Tētārōnika 3:11

ꞌE, hora nei, ko ŋaroꞌa ꞌana e mātou pē nei ē: tētahi o kōrua e hupe-hupe rō ꞌā; te rāua meꞌe aŋa nō he haka mira-mira i te aŋa o te tētahi.

2 Pētero 2:10

Te nuꞌu ka ꞌata haka ūtuꞌa ena e te ꞌAtua he nuꞌu taꞌe moꞌa i a ia ꞌe he nuꞌu aŋa oho i te meꞌe pohe nō o te hakari. ꞌE te ŋā maꞌori reo-reo nei he nuꞌu pūꞌoko hio-hio, taꞌe raku i te rāua vānaŋa, ꞌe taꞌe riꞌa-riꞌa mo kī i te vānaŋa taꞌe tano mo te kope ꞌata hau rō atu ki a rāua.

Hura 1:13

A rāua takoꞌa pa he vave taparahi-taꞌata, ꞌe te meꞌe taꞌe tano haꞌamā aŋa e rāua pa he kuta-kuta ꞌōꞌone o te vaikava. Te nuꞌu ena takoꞌa pa he hetuꞌu eꞌa mai te rāua ara, ꞌe nā ko ai era ꞌā te ūtuꞌa mo rāua, he noho mau rō ꞌāvai ꞌi roto i te kona hopeꞌa o te pōꞌuri.