Fīripo 3:11 - Rapa Nui

¹¹ Te tumu e haŋa nei a au ki te ŋā meꞌe nei: mo haka ora i a au e te ꞌAtua mai te mate pe muꞌa ka oho ena.

Fīripo 3:11 ပူးပေါင်းရင်းမြစ်များ

Ruka 14:14

A rāua, paꞌi, ꞌina e tahi meꞌe ai mo haka hoki atu. ꞌE, ꞌi te mahana ora mai te mate o te nuꞌu tano ki te mata o te ꞌAtua, ka ꞌauhau atu ena ꞌo te meꞌe aŋa taꞌatoꞌa e koe».

Iovani 11:24

He kī e Maratuka: —ꞌĒ-ē, ko ꞌite ꞌana e au e ora haka ꞌou rō ꞌi te hora haka ora i te nuꞌu mate ꞌi te mahana o te ture hopeꞌa.

Aŋa o te ꞌĀpōtoro 23:6

I aŋi-aŋi era e Pauro: ꞌi roto i tū nuꞌu ra-rahi era te nuꞌu ⌊saruseo⌋ ꞌe te nuꞌu ⌊fariseo⌋, he kī haka ꞌou i haka pūai i te reꞌo: —E te taina, he fariseo a au, pa he oho iŋa o tōꞌoku tupuna. Te māroa atu ōꞌoku ꞌi muꞌa o kōrua ꞌi ꞌaŋarīnā ꞌo te ai he parautiꞌa mau ꞌā mōꞌoku te ꞌAtua e haka ora rō i te taŋata mai te mate pe muꞌa ka oho ena.

Aŋa o te ꞌĀpōtoro 26:7

A tātou, te hoꞌe ꞌahuru mā piti mata o te itaraera, ko te ŋatu iŋa ꞌana i te haŋu mo takeꞌa i te haka tano iŋa o rā hōrea. ꞌO ira e haꞌamuri ꞌe e haꞌatura ena a tātou ki te ꞌAtua te pō te ꞌōtea. ꞌE, ka atu pē ira, o ruŋa o te meꞌe nei, e te ꞌariki ko ꞌAkiripa ē, i horo ai i a au e te hūrio ra-rahi.

Aŋa o te ꞌĀpōtoro 27:12

ꞌI te taꞌe au o te ꞌuahu o rā kona mo noho o te pahī ꞌi te toŋa, te rahi raꞌa o te nuꞌu o ruŋa he manaꞌu i hau ꞌi te riva mo uꞌi i te rāveꞌa mo reva mai ira ki Fēnise, he ꞌuahu haka ꞌou e tahi o Kereta e pava rō ꞌā i te tokerau mo noho ꞌi ira ꞌi rā ŋā ꞌāvaꞌe.

Rōmano 11:14

he haŋa ōꞌoku mo haka mākota i tōꞌoku taŋata koiꞌite pē ira tētahi o rāua ana haka moe i te manaꞌu ꞌi ruŋa i a Ietū mo eꞌa mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

1 Kōrinto 15:23

ꞌe taꞌatoꞌa ꞌi tōꞌona hora: ꞌi raꞌe te Kiritō, ꞌe ki hoki mai a ia, he nuꞌu ꞌāꞌana.

1 Kōrinto 9:22

ꞌE ꞌi te hora ōꞌoku ꞌi roto i te nuꞌu kai hio-hio ꞌā te rāua haka moe iŋa i te manaꞌu ꞌi ruŋa i a Ietū, he haka tere takoꞌa a au i a au pē rāua, mo haka hio-hio i te rāua manaꞌu ꞌi ruŋa i a Ietū. Te roa: e haka tere nei a au i a au pa he taꞌatoꞌa nō, he rāveꞌa e tahi mo haka eꞌa i te tētahi o rāua mai roto i te ūtuꞌa o te hara ꞌe mo ravaꞌa i te ora ꞌāpī ꞌina he hopeꞌa raꞌa vaꞌai e te ꞌAtua.

1 Kōrinto 9:27

ꞌIna a au he haꞌatiꞌa mo haka tere mai i a au e tōꞌoku hakari; ꞌāꞌaku te haka tere ꞌo viri a au ki roto i te meꞌe taꞌe tano pohe e tōꞌoku hakari ꞌe ꞌo taꞌe ravaꞌa e au, e te kope hāpī i te rua, i te meꞌe vaꞌai e te ꞌAtua.

2 Kōrinto 11:3

ꞌE, e riꞌa-riꞌa rō ꞌā a au ꞌo kore te kōrua haŋa parautiꞌa ki te Kiritō, pa he meꞌe topa ki a ⌊Eva⌋ ꞌi te hora haka roŋo ki te reo-reo o tū kōreha era ko Rukifero.

1 Tētārōnika 3:5

ꞌO ira, ꞌi te niva-niva o mātou ꞌo te taꞌe ꞌite mai hoki e haka moe e oho nō ꞌana kōrua i te manaꞌu ꞌi ruŋa i a Ietū, i uŋa atu ai au i a Timoteo mo ꞌite mai o ruŋa i a kōrua. Tōꞌoku riꞌa-riꞌa: ꞌo hoa kōrua i te kōrua haka moe iŋa i te manaꞌu ꞌi ruŋa i a Ietū ka haka ꞌatu atu ena i a kōrua e Rukifero, ꞌe ꞌo māuꞌa te mātou aŋa ꞌi roto i a kōrua.

2 Tētārōnika 2:3

Te meꞌe nei ꞌāꞌaku e kī atu ena: e uꞌi kōrua ꞌo haka roŋo rō ki te reo-reo kī atu e te nuꞌu. ꞌI raꞌe, paꞌi, ki te hoki iŋa mai o Ietū, e rahi rō te nuꞌu riri mo te ꞌAtua ꞌe haka tumu i te ture ki a ia. ꞌI rā hora ka eꞌa mai ena e tahi taŋata riri taparahi-taꞌata mo te ꞌAtua, kope mōꞌona ko ai era ꞌana te ūtuꞌa he pōꞌauahi.

2 Timoteo 4:8

Te meꞌe toe nō he vaꞌai mai i tōꞌoku hei, hei vaꞌai ki te nuꞌu aŋa i te meꞌe tī-tika ki te mata o te ꞌAtua ka vaꞌai mai ena ꞌi te mahana o te ture hopeꞌa e Ietū Kiritō, kope ture hai parautiꞌa i te hape o te taŋata. ꞌE taꞌe ki a au nō ka vaꞌai mai ena, ki te nuꞌu taꞌatoꞌa tiaki hai māhatu ki tōꞌona hoki iŋa mai.

ꞌEvereo 11:35

He haka moe i te manaꞌu ꞌi ruŋa i te ꞌAtua te tētahi ŋā viꞌe i ravaꞌa haka ꞌou ai i te rāua huaꞌai mai te mate ꞌe te tētahi nuꞌu i mā-mate ai i tōtōā he taꞌe haŋa mo hārui i te ꞌAtua hai tuaꞌivi ꞌi te tiaki ki te noho iŋa riva-riva ꞌi te raŋi ki ora haka ꞌou rāua mai te mate.

Meꞌe Haka Takeꞌa 20:5

He ora iŋa raꞌe nei o te taŋata mai te mate. ꞌE te tētahi atu nuꞌu mā-mate, ki oti rā hoꞌe taꞌutini matahiti ka ora haka ꞌou ena.