Fīripo 3:10 - Rapa Nui

¹⁰ ꞌE hora nei, tāꞌaku meꞌe haŋa he māhani riva-riva he oho ōꞌoku i te ⌊Kiritō⌋ ꞌe he ŋaroꞌa ꞌi roto i a au tōꞌona aŋa iŋa mai hai pūai, pa he aŋa iŋa era o te ꞌAtua hai pūai hora haka ora era i a Ietū mai te mate. ꞌE, takoꞌa, he ꞌite ōꞌoku mo haꞌaoromaꞌi, pē ia, i te ꞌati mo aŋa i te meꞌe haŋa o te ꞌAtua, ꞌe ꞌātā mo mate ꞌo te ai ōꞌoku ꞌa Ietū Kiritō, ana haŋa te ꞌAtua.

Fīripo 3:10 ပူးပေါင်းရင်းမြစ်များ

Māteo 20:23

He pāhono e Ietū: —He aŋi ꞌā. Nā e ꞌamo takoꞌa rō e kōrua i te ꞌati pē au, ꞌe, te meꞌe ko ai te kope mo noho ꞌi tōꞌoku pāꞌiŋa mataꞌu ꞌe ꞌi tōꞌoku pāꞌiŋa maui, taꞌe he meꞌe māꞌaku e vaꞌai. Ka vaꞌai ena ki te nuꞌu ko haꞌataꞌa era ꞌā e tōꞌoku Matuꞌa.

Iovani 10:18

Taꞌe hai pūai taŋata a au ka mate ena; māꞌaku mau ꞌā e vaꞌai i a au mo mate. I a au mau ꞌana, paꞌi, te parau mo vaꞌai i a au mo mate ꞌe mo ora haka ꞌou. Ko te meꞌe nei tāꞌaku meꞌe mo aŋa i kī mai ai e tōꞌoku Matuꞌa».

Iovani 17:3

Te meꞌe he ora ꞌāpī ꞌina he hopeꞌa raꞌa ko te meꞌe nei: he ꞌite e rāua ko ai mau a koe, he ꞌAtua parautiꞌa e tahi mau nō, ꞌe ko ai a au a Ietū Kiritō, he kope uŋa mai e koe.

Rōmano 8:17

ꞌE, ꞌi te meꞌe era he ŋā poki tātou o te ꞌAtua, mo tātou takoꞌa te hauhaꞌa ena ka vaꞌai ena e te ꞌAtua ki a Ietū, hauhaꞌa hōrea e te ꞌAtua mo tāꞌana ŋā poki. Te meꞌe nō, e haꞌaoromaꞌi tātou, ꞌi te hora nei, i te ꞌati topa mai ꞌo te ai o tātou ꞌāꞌana, ki ai ai a tātou, pe muꞌa ka oho ena, ꞌi roto i tōꞌona nui-nui, te auraꞌa, ki ai takoꞌa ai i a tātou tōꞌona huru riva.

Rōmano 8:29

Te manaꞌu, paꞌi, ōꞌona mo rāua mai muꞌa ꞌā: mo ai o te māhatu pa he māhatu o tāꞌana Poki, ki ai ai rā Poki he ꞌatariki o te meꞌe rahi nō atu taina.

Rōmano 8:36

Te ꞌati tuꞌu pa he ŋā ꞌati nei e topa tāꞌue rō mai pēaha ki a tātou. Nā, paꞌi, e hāꞌaki rō ꞌana ꞌi ruŋa i te ⌊Pāpaꞌi Moꞌa⌋ pē nei ē: «ꞌO te ai o mātou ꞌāꞌau, paurō te mahana he oho nō mai te aŋa o te taŋata mo tiŋaꞌi i a mātou; ꞌe, ko haꞌariro ꞌā i a mātou he māmoe mo maꞌu mo tiŋaꞌi».

2 Kōrinto 1:10

ꞌE te ꞌAtua i haka eꞌa rō i a mātou mai rā ꞌati, ꞌe ko ꞌite ꞌā e mātou pē ira ka aŋa ka oho ena. ꞌĒ-ē, ko ꞌite riva-riva ꞌana e mātou pē ira ka aŋa ka oho mai ena.

2 Kōrinto 1:5

Pa he rahi ena ꞌā, paꞌi, o te ꞌati ꞌamo e tātou ꞌo te ai o tātou o te ⌊Kiritō⌋, pē ira takoꞌa ꞌā te rahi o te haka koa ꞌe o te haka pūai mai e te ꞌAtua ꞌo te ai o tātou o te Kiritō.

2 Kōrinto 13:4

Ka ai atu i tuꞌu rō a ia pa he kope ꞌina e tahi pūai hora veo era ꞌi ruŋa i te tātaurō, hora nei, hai pūai o te ꞌAtua Matuꞌa e ora ena. Pē ira ꞌana a mātou. E tuꞌu rō ꞌana pa he nuꞌu pūai kore, ꞌe, ꞌi te ai o mātou o te ꞌAtua, hai pūai ōꞌona mātou e ora nei mo tāvini atu ki a kōrua.

Karatia 2:20

ꞌE hora nei, taꞌe ko au toe te meꞌe e ora atu ena, ko Ietū Kiritō te meꞌe e ora nei ꞌi roto i a au ꞌe e haka tere nei i a au ꞌi te ao nei. Te meꞌe nei e ai ena hai haka moe ōꞌoku i te manaꞌu ꞌi ruŋa i te Poki o te ꞌAtua haŋa mai ki a au ꞌe vaꞌai i a ia ki te mate mōꞌoku.

Karatia 6:17

Mo haka hopeꞌa atu: e ko haŋa a au mo taꞌe haka au haka ꞌou mai o te kope e tahi o ruŋa i tāꞌaku meꞌe hāpī. ꞌI ruŋa i tōꞌoku hakari, paꞌi, a au e maꞌu nei i te more tuai, he tāpaꞌo: ki a Ietū a au e tāvini nei.

Ēfeto 4:13

ꞌātā ka ai rō e tahi mau nō manaꞌu ꞌo te māhani ꞌe ꞌo te haka moe i te manaꞌu ꞌi ruŋa i te Poki o te ꞌAtua. ꞌE pē ira takoꞌa ka paꞌari ka oho ena te tātou manaꞌu o ruŋa i te meꞌe o te ꞌAtua, ꞌātā ka ai rō te tātou huru, huru riva, pa he huru riva o Ietū Kiritō, ꞌina e tahi hape.

Fīripo 3:8

ꞌE taꞌe nō pē ira. Mōꞌoku, ꞌina e tahi meꞌe mo hāhine ki te meꞌe ena he māhani ki a Ietū Kiritō, Pūꞌoko Haka Tere ōꞌoku. Ko hoa tahi ꞌana e au i rā ŋā meꞌe mo koa ōꞌona; mōꞌoku, paꞌi, rā ŋā meꞌe taꞌatoꞌa he tūtaꞌe nō atu e tahi o te ao nei. Tāꞌaku meꞌe haŋa nō ko ia

Kōrosa 1:24

E koa rō ꞌana a au ꞌi te meꞌe era ko ꞌite ꞌana e au: te ꞌati nei e ꞌamo atu ena mo te kōrua riva-riva. Ko vaꞌai tahi ꞌana, paꞌi, a au i a au mo ꞌamo i te ꞌati taꞌatoꞌa haŋa e te Kiritō mo ꞌamo e au, mo te riva-riva o te nuꞌu taꞌatoꞌa haka moe i te manaꞌu ꞌi ruŋa i a ia.

Kōrosa 2:13

ꞌI muꞌa ꞌā, a kōrua, te nuꞌu taꞌe he hūrio, pa he nuꞌu mate mo te meꞌe o te ꞌAtua. E noho era, paꞌi, a kōrua ꞌi roto i te hara, ꞌe te meꞌe haka tere atu he meꞌe taꞌe tano pohe e te hakari, meꞌe kai haka kore ꞌana e te ꞌAtua mai ruŋa i a kōrua. ꞌE, hora nei, ko haka ora ꞌana e te ꞌAtua i a kōrua ꞌi muri i a Ietū Kiritō, te auraꞌa, ko vaꞌai atu ꞌana i te noho iŋa ꞌāpī. Te ꞌAtua, paꞌi, i haka kore tahi ai i te tātou hara,

Kōrosa 3:1

E te taina, ꞌi te meꞌe era ko haka ora ꞌana e te ꞌAtua i a kōrua ꞌi muri i a Ietū, te auraꞌa, ko vaꞌai atu ꞌana i te noho iŋa ꞌāpī, e haŋa kōrua ki te meꞌe o te raŋi, he kona ꞌi ira a Ietū e noho ena ꞌi te pāꞌiŋa mataꞌu o te ꞌAtua.

1 Pētero 1:3

Ki haꞌahana-hana tātou i te ꞌAtua, Matuꞌa o te tātou Pūꞌoko Haka Tere ko Ietū Kiritō. A ia, paꞌi, ko vaꞌai mai ꞌana i te ora ꞌe i te noho iŋa ꞌāpī, he rahi o tōꞌona haka ꞌaroha mo tātou. ꞌE, ꞌi te ai ko haka ora ꞌana e ia i a Ietū mai te mate, e ꞌite nei a tātou e haka ora takoꞌa rō mai i a tātou mai te mate pe muꞌa ka oho ena,

2 Pētero 1:13

ꞌĒ-ē, mai ora atu ꞌana a au, tāꞌaku meꞌe ka aŋa nei he haka manaꞌu he oho atu o ruŋa i te ŋā meꞌe hatu atu era e au.

1 Iovani 2:3

A tātou e ꞌite nei e māhani rō ꞌana ki te ꞌAtua hai haꞌatura o tātou ki te roŋo o te ꞌAtua.

1 Iovani 2:5

ꞌE te kope haꞌatura ki tāꞌana vānaŋa, ko ia te kope haŋa parautiꞌa ki te ꞌAtua. E ꞌite nei: o te ꞌAtua mau ꞌā a tātou hai haꞌatura tātou ki a ia.

Meꞌe Haka Takeꞌa 1:18

he kope e ora rō ꞌā. I mate rō a au, ꞌe, hora nei, he ora he oho mau rō ꞌai ꞌātā ki te hopeꞌa raꞌa. Te tāviri o te mate i a au.